| ترحيب حار بود مختار | |
|
|
كاتب الموضوع | رسالة |
---|
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: ترحيب حار بود مختار الأربعاء 17 أغسطس 2011, 5:53 pm | |
| رحبوا معي بالعضو الجديد نجم الدين مختار، الذي انضم إلى كوكبة أعضاء المنتدى حديثاً، ووجد محمد عنتر، مدير المراسم والتشريفات بالمنتدى، غائباً عن الساحة... حباب ود مختار، حبابك ما غريب الدار، بقدومك أشرقت الأنوار، وتفتحت الأزهار، وأينعت على الأفنان طيبات الثمار... حبابك في مرابع أهلك العرَّاجة... دحين أبقى داخل لي جوة، وشوف ليك عنقريباً وهيط صنقر فوقو في راكوبتنا أم همبريباً ضارب دي!! إن صحَّ حدثي فأنت من أبناء رضيمة الخير، أخت العريجاء الشقيقة، ومن أبناء العم مختار ود علي، وشقيق بشير وعباس وعبد الباقي وإخوانهم.... | |
|
| |
زائر زائر
| موضوع: رد: ترحيب حار بود مختار الإثنين 22 أغسطس 2011, 3:46 am | |
| حبابك مليون وحباب العنقريب والهبوب البارد حاولت ادخل لي جوه بس لقيت الناس كلهم كبار متعلمين ]size=18]ومثقفين وبالقلوب مرحبين اخجلتو المتواضعين وربي يخليكم ياحلوين حقيقه اخجلتوني بالترحيب وياريتني لوكنت زي الطيور المابتعرف ليها خرطه ولا في ايده جواز سفر عشان اقدر اجيكم وبدل مانكون في المنتدي نكون معاكم جسديا وربي يجيبنا ليكم بالسلامه علي الاقل نشرب معاكم فنجان قهوه ومااحلي القهوه في بلد الهبوب البارد بلد الخير والكرم الا وهي العريجاء [/size] |
|
| |
زائر زائر
| موضوع: رد: ترحيب حار بود مختار الإثنين 22 أغسطس 2011, 4:58 am | |
| مرحب بالاخ / نجم الدين مختار والدار دارك ونتمنى لك طيب الاقامة وقضاء وقت ممتع مع اعضاء المنتدى في انتظار مايفيض به قلمك من جديد ومفيد .. ولك تحياتي ...
|
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: ترحيب حار بود مختار الإثنين 22 أغسطس 2011, 5:31 pm | |
| - نجم الدين مختار كتب:
- حبابك مليون وحباب العنقريب والهبوب البارد حاولت ادخل لي جوه بس لقيت الناس كلهم كبار متعلمين ]
ومثقفين وبالقلوب مرحبين اخجلتو المتواضعين وربي يخليكم ياحلوين حقيقه اخجلتوني بالترحيب وياريتني لوكنت زي الطيور المابتعرف ليها خرطه ولا في ايده جواز سفر عشان اقدر اجيكم وبدل مانكون في المنتدي نكون معاكم جسديا وربي يجيبنا ليكم بالسلامه علي الاقل نشرب معاكم فنجان قهوه ومااحلي القهوه في بلد الهبوب البارد بلد الخير والكرم الا وهي العريجاء
حباب نجم النجوم، قمر ود إغيبش المنير، صاحب القلم المدهش، والشمائل الكريمة،،، بقدومك أشرقت أنوار المنتدى، وتفتحت أزهاره، وعبقت في أرجائه أشذاء المسك والعنبر والكافور،،، أبقى داخل لي جوة، فأنت سيد المتعلمين، وإمام المثقفين، وشيخ أهل الرحابة وطيب المعشر،،، ود إغيبشيَّات ود إغيبش بلدنا، فإن الأراضي التي تملكها جدنا رحمة القصر (مؤسس العريجاء) بمقتضى اتفاقية الدفاع المشترك مع الرفاعيين تمتد إلى ود إغيبش شرقاً وإلى ود الشاطر والجميلية شمالاً،،، ولنا أهل في ود إغيبش، فحبوبتنا (بتول بت الشيخ إدريس ود عتمان) تزوجت برجل مغربي من ود إغيبش، اسمه أحمد ود البشير، وأنجبت منه المحسي وأخويه علي وعبد الله (عليهم جميعاً رحمة الله تعالى). وجاء ابنها المحسي (محمد أحمد البشير) إلى العريجاء وتزوج ابنة خاله (حسنى قسم الله الشيخ إدريس)، وكان أخوه عبد الله أحمد البشير (عبد الله ودإغيبش) قد سبقه إلى العريجاء وتزوج ابنة زعيمها (حواء الشيخ الحسن القاسم)، وعاش في أكناف العريجاء إلى أن انتقل إلى رحاب ربه الطاهرة (عليه رحمة الله). تعريجة: طالما إنك تحمل كل هذا الشوق للعريجاء وأهلها، طيب ياخي ما تجي داخل توش في العريجاء، وتشوف ليك مبيريكة عريجاوية حلوة كدة تعرِّسها،،، عشان تكون ولدنا ونسيبنا وأبْ جنانا،،، لاسيما وأن المسافة من ودإغيبش للعريجاء ليست بعيدة!! كمان ما تقول شارع رجب مدوه من الفريجاب غرباً، وللوكت ده بكون قرب يصل العزازي !! | |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: ترحيب حار بود مختار الخميس 25 أغسطس 2011, 5:37 pm | |
| حبابك حباب
حجلا فى الرجال سملول بسوق فرسانا
شقا ق للخشش قناص خبير نيشانا
ساعات الخمج جنبا سليط بى شانا
وقت المكرمات دخرينا دخرى عشانا
مرحب حباب نجم الدين مختار ولدنا مننا وفينا انت ماك غريب
وما بقولو ليك اتفضل انت سيد بيت ودار انت البتعذم الضيوف
وفوق الحلقة تطوف انت مك وسيد مكوك
وسعيدين جدا بانضمامك يا نجم النجموم نجم الدين مختار
وبقول ليك اتهوط فى الراكوب الجوها اهبهب دى
ودايرين نسمع نمك فرج علينا ربنا افرج همك
واشرب ليك جبنة بكريه فى راكوبة اهلك العراجة ديل
واتحفنا بمشاركاتك ومساهماتك الرايعة | |
|
| |
زائر زائر
| موضوع: رد: ترحيب حار بود مختار الأحد 28 أغسطس 2011, 11:59 am | |
| [b]حقيقه انت مفروض تسكن في الكواكب في قصر تجاور النجوم ويزورك القمر يا ودعنتر الله يخليك ويحفظك ويحفظ الحوليك
حقيقه اكرمتوني وعزيتوني الله لايحرمنا من امثالكم وحبيت اكون اول من هناكم بالعيد وكل عام وانتم بخير[/b] |
|
| |
البرنس
عدد المساهمات : 234 تاريخ التسجيل : 18/10/2010
| موضوع: رد: ترحيب حار بود مختار الإثنين 29 أغسطس 2011, 9:17 am | |
| مرحب بيك العزيز نجم الدين مختار بين اهلك وعشيرتك ونتمناك نجم تضي كل ارجاء المنتدي | |
|
| |
زائر زائر
| موضوع: رد: ترحيب حار بود مختار الإثنين 29 أغسطس 2011, 10:00 am | |
| [b]شفنا حبيب بنريدو غير علا اهلا بيه البرنس هلا فعلا انتم اهلي وانا افتخر بااهلي وحقيقه حبيتكم حب قدر الحروف الحايمه في بطن الكتب ومهما اشكركم علي الترحيب يابرنس مااقدر اوفي وفي النهايه اقول كلكم زووووووووووووووق
[/b] |
|
| |
البرنس
عدد المساهمات : 234 تاريخ التسجيل : 18/10/2010
| موضوع: رد: ترحيب حار بود مختار الإثنين 29 أغسطس 2011, 10:23 am | |
| تسلم اخي العزيز نجم الدين علي الاشادة التي هي محل تقدير لي ولي جميع رواد منتدي العريجاء . وانا وكل الاعضاء في قمة السعادة بوجود في المنتدي | |
|
| |
بكري ابراهيم
عدد المساهمات : 114 تاريخ التسجيل : 18/12/2010 العمر : 35 الموقع : امدرمان
| موضوع: رد: ترحيب حار بود مختار الإثنين 29 أغسطس 2011, 4:56 pm | |
| ترحيب حار بنجم ود إغيبش . | |
|
| |
بكري ابراهيم
عدد المساهمات : 114 تاريخ التسجيل : 18/12/2010 العمر : 35 الموقع : امدرمان
| موضوع: رد: ترحيب حار بود مختار الإثنين 29 أغسطس 2011, 4:56 pm | |
| ترحيب حار بنجم ود إغيبش . | |
|
| |
بكري ابراهيم
عدد المساهمات : 114 تاريخ التسجيل : 18/12/2010 العمر : 35 الموقع : امدرمان
| موضوع: رد: ترحيب حار بود مختار الإثنين 29 أغسطس 2011, 4:56 pm | |
| ترحيب حار بنجم ود إغيبش . | |
|
| |
| ترحيب حار بود مختار | |
|