منتديات العريجا
مرحبا بك في منتديات العريجا سجل معنا وكن عضوا فاعلا



 
الرئيسيةمكتبة الصورس .و .جبحـثالتسجيلالمجموعاتدخول
المواضيع الأخيرة
» القصيدة الوطنية التي أبكتني (تامن عجايب الدنيا في الحامداب)
الخميس 21 سبتمبر 2017, 10:50 am من طرف Ismail

» من روائع شعراء بلدنا (كله العالم جاء)للشاعر محي الدين الفاتح
السبت 09 سبتمبر 2017, 2:45 am من طرف Ismail

» ديل حبوباتي .. أتحدى العندو حبوبات زيهن (الجزء الأول):
الإثنين 04 سبتمبر 2017, 7:55 pm من طرف Ismail

» يا حليل العريجاء ولقد كبد اللتيم الخصيم
الخميس 27 يوليو 2017, 12:20 am من طرف Ismail

» العريجاء موطن الجمال والطبيعة الخلابة
الأحد 19 فبراير 2017, 4:07 am من طرف Ismail

» مختارات من روائع أشعار المحيناب
الإثنين 24 أكتوبر 2016, 7:44 pm من طرف Ismail

» من أشعار المحيناب
الأحد 23 أكتوبر 2016, 6:32 am من طرف Ismail

» جدي عندما ضحك.. وعندما بكي..
الإثنين 16 مايو 2016, 2:41 am من طرف أبو مصعب

» أمي... جنتي تحت قدميك
الإثنين 16 مايو 2016, 2:31 am من طرف أبو مصعب

أفضل 10 أعضاء في هذا الشهر
Ismail
 

شاطر | 
 

 مجادعه شعريه بين اسماعيل البشير وحدباى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7  الصفحة التالية
كاتب الموضوعرسالة
زائر
زائر



مُساهمةموضوع: مجادعه شعريه بين اسماعيل البشير وحدباى   الأحد 18 سبتمبر 2011, 6:28 pm

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأحد 18 سبتمبر 2011, 6:50 pm

مجدى محمد حمد كتب:
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


يا مجدي ياخي الراجل ده حنَّسناه جنس تحانيس، ونقطنا ليه العسل، وكسرنا ليه تلج عدييييييييييييييييييييل كده،،،

حتين - يا ربي ليك الحَمُد - اتحزم واتلزم وجانا داخل في حوشنا الوسيع ده،،،

تقوم تورطو في مجادعة شعرية مع العبد لله تخلي يطفش الطفشة الما منها رجعة تاني؟؟؟!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
kHALID ELGAK

avatar

عدد المساهمات : 268
تاريخ التسجيل : 06/01/2008
العمر : 35
الموقع : U.A.E DUBAI

مُساهمةموضوع: رد: مجادعه شعريه بين اسماعيل البشير وحدباى   الأحد 18 سبتمبر 2011, 7:13 pm

أنا غايتو قاعد ليها بالمرصاد إن شاء الله تعالى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3raija.ahlamontada.com/index.htm
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: شرارة الانطلاق الأولى   الثلاثاء 20 سبتمبر 2011, 4:38 pm

بسم الله الرحمن الرحيم

يا ود خالتي رقية هوووووووووويْ!!
اركز اركز اركز، وانعدل، واتحزَّم واتلزَّم،،،
أنا جيتك دافر، وتلَّبت في الساحة زي القطابي الخوَّى....

أنا استجبت للمواجهة الورطنا فيها ود فاطنة بت حامد ده، وجيتك شايل معاي مربوع دوباي عنتر ما يقدر يجاريه ولا يرد عليه (طبعاً المقصود عنتر ابن شداد، مش عنتر حسين ولا ولده البكر محمد تلتل)!!

ولهذا المربوع قصة تفيض بالوله والشوق والحنين إلى الأوطان،،،،

أنا متعود آخد لي رقيدة صغيرة كده بعد صلاة الصبح قبل ما أقوم اتجهَّز عشان أمشي الشغل. الليلة الغميد جافاني والنوم طار من عينني عشان دفق عليْ فيضان جارف من الحنين إلى العريجاء الحبيبة، لامن بكيت بالدمعة الغزيرة، وبدل الرقيدة الصغيرة والتعسيلة المعتادة، نظمت مربوعين من النميم، مليانات حنين وشوق إلى أرض العريجاء الحبيبة، حأكتب ليكم واحد منهن وأدس التاني لامن ناسكم يقدروا يردوا على الأولاني ،،،

المربوع بقول:

مـن تالا البلـد لاح ليْ سحــاب وبروق
وهاج الشوق عليْ،سوّيت حنين النوق
الخـلاني أزيـم بالعـبـرة يـوت مخـنـوق
فوسـيباً بقـوم فـوق تقنـت أم غـرنـوق


دحين حدباي بتاع تاتيبا ده كان قدر يجاري المربوع ده، ويرد عليهو؛ إياهو ده المقصود، وكان انفزر وقام طفش من المنتدى؛ ذنبو على مجدي محمد حمد، وكان صهين وضرب طناش، خلوا محمد عمر يوديهو لأبوه الفاروق، وخلوا بكري يوديهو لي مرغني موسى، ومحمد عنتر يوديهو لحوى النبي، وكلموا ليْ يوسف، ياحليل يوسف، يوسف ده حب العريجاء يجري في شرايينه،،،،

أوعى تقولوا ليْ يوسف ده منو !!!!!


عدل سابقا من قبل Ismail في الخميس 22 سبتمبر 2011, 7:41 pm عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
awad aljeed mustafa



عدد المساهمات : 93
تاريخ التسجيل : 28/09/2010
الموقع : بورتسودان

مُساهمةموضوع: رد: مجادعه شعريه بين اسماعيل البشير وحدباى   الثلاثاء 20 سبتمبر 2011, 7:59 pm

نحبك يا بلد اصلا مكتوب علينا هواك
ومافى بلدا فى الدنيا بعجبنا ســواك
كيف يا ود الخال نومة الصباح ما تجفاك
مادام العود انبرى من الشوق وصبح مسواكy]


]حدباى دا صاحبى وصديق طفولة ودراسة وانا شايفو اتخر انا بحاول ارد نيابة عنه حتى يصل واتمنى المحاوله تعجبكم انا ما من اهل الشعر لكن بحب استماعه الله اجازيك يا ود حدباى كان ما ظهرت[/size][/font]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الأربعاء 21 سبتمبر 2011, 4:09 pm


اخى حدباى شاعر كبير بيكون العمل ماخد زمنو

المربوع ساهل عند حدباى

اذكر مره فى قناة النيل الازرق

قال مربوع طويل اذكر منو

نحن لادايرن سلطة لاثروة نحن دايرين نروى

كانت فى ذلك الوقت القرية تعانى من مياه الشرب

لكن يالكمبيلى محاولتك جميلة

وانا ودامى رقية كماظهر بستعين بابراهيم ودالجلال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 22 سبتمبر 2011, 3:41 pm

القال ليك منو يا ود نور الله المربوع ساهل؟؟!!

هذا هو السهل الممتنع، والذي لا يعرفه إلا أهل هذا الفن، وأساطين هذا المضمار، ممن برعوا في نظم الغريض، وعرفوا دقائقه من ميزان عروضي، وجرس موسيقي، مع مراعاة جزالة اللفظ، وتسلسل المعنى، وروعة القافية...

لذلك أقول لأخي وابن عمتي الكمبيلي...
ما قصرت تب، ويبدو إنك مشروع شاعر مصقع...
ولكن مربوعك عليه ثلاث ملاحظات: الأولى: اضطراب الموسيقى الشعرية، والثانية: وهن القافية وضعفها، والثالثة: خلو المربوع من ذكر معلم من معالم العريجاء، حتى يكون ذلك بمثابة تخليد للمعلم المذكور، مثل (أم غرنوق) في مربوع أخيك الذبيح...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الخميس 22 سبتمبر 2011, 5:37 pm


اخى حدباى الموضع عندو ساهل مربوعك دا ود نورالله الماعندو باع فى الشعر برد عليه

هاك المحاوله دى

من تالا الدبول شلعن على براق

فاض الشوق على وبقيت اعاين بالرقراق

الخلانى انين وسايل الدمع دفاق

حنتوت الحنيطره وعجورا شايل ارواق

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 22 سبتمبر 2011, 6:11 pm

محمد نورالله كتب:

اخى حدباى الموضع عندو ساهل مربوعك دا ود نورالله الماعندو باع فى الشعر برد عليه

هاك المحاوله دى

من تالا الدبول شلعن على براق

فاض الشوق على وبقيت اعاين بالرقراق

الخلانى انين وسايل الدمع دفاق

حنتوت الحنيطره وعجورا شايل ارواق



يحمد ليك يا (أبو أواب) إنت و (أبو منتصر) إنكم أحييتوا المجادعة دي، وضخيتوا دماء الحياة في شرايينها، في ظل تطنيش الجميع بمن فيهم صاحبها الأصلي (ود فاطنة بت حامد) والزول الرئيسي المستهدف بيها (ود الخالة رقية)،،،،

فلكما كل شكر وتقدير،،،

أما مربوعك هذا فهو غاية في الروعة، وهو أفضل من مربوع الكميلي بمراحل، وإن كان يعاني من اضطراب الميزان العروضي واختلال الموسيقى الشعرية، كما أن هناك خللاً في المعني، بإقحام عبارة (وبقيت أعاين بالرقراق)، ولكن قافيته جيدة جداً، وفيه تأصيل لبعض معالم العريجاء مثل الدبل و الحنيطرة،،،

ولو سمح الأخ محمد (أبو أواب) أن أحاول استعدال مربوعه هذا حتى يستقيم وزناً وإيقاعاً موسيقياً:ــ

مـن تالا الدبُـل شلعـن عليْ برَّاق
وزاد الشوق عليْ،تاوقت بالرقراق
الخلاني أكب سيـل الدمـوع دفـاق
حنتوت الحنيطـرة البراعمـو دقاق


عدل سابقا من قبل Ismail في الخميس 17 نوفمبر 2011, 1:26 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الخميس 22 سبتمبر 2011, 7:09 pm


تشكر اسماعيل على التعديل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 22 سبتمبر 2011, 7:39 pm

ما دام حدباي كب الزوغة، ود عمو مجدي يعيش حالة البيات الشتوي، وعمر البشير وقف حمار شيخو في العقبة، وحوى النبي ما قادر على إبراهيم ود الهادي، نقوم نخت ليك المربوع التاني الكنا داسنو منكم، والسبب في إخراج هذا المربوع تصدي الرائعان الكمبيلي وود نور الله للرد على المربوع الأول.

هاكم الصاروخ ده:ــ


حدَب الحلة خرَّف، وخدَّر الباجـور
وفاحتْ ريحتو صندل وزعفران وبخور
الخلَّى الدمـوع من عيني جارية بحور
بُرّيبـاً رتَعْ بين (ود عدول) و(الخور)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد حسن حدباي



عدد المساهمات : 13
تاريخ التسجيل : 04/06/2008

مُساهمةموضوع: رد: مجادعه شعريه بين اسماعيل البشير وحدباى   الجمعة 23 سبتمبر 2011, 3:22 am

محمد نورالله كتب:

اخى حدباى شاعر كبير بيكون العمل ماخد زمنو

المربوع ساهل عند حدباى

اذكر مره فى قناة النيل الازرق

قال مربوع طويل اذكر منو

نحن لادايرن سلطة لاثروة نحن دايرين نروى

كانت فى ذلك الوقت القرية تعانى من مياه الشرب

لكن يالكمبيلى محاولتك جميلة

وانا ودامى رقية كماظهر بستعين بابراهيم ودالجلال


شكرا أخي محمد نور الله . . وهاك يا حبيب :

من تالا الصعيد إتلامعن بـــــــــراق
وعاودني الحنين وإهتاجت الأشواق
الخلاني أنوح وأزرف دمع دفــــــــاق
قتيم ابكرمت الفوقو البهم ساساق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   الجمعة 23 سبتمبر 2011, 3:44 am

جدع يا حدبدب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الجمعة 23 سبتمبر 2011, 3:50 am




روعه ياولد ياحدباى شعر جميل

الم اقل لكم حدباى المربوع عندو ساهل ظروف العمل بس

كدى ابكرمت دى فى زول بعرف مكانو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 302
تاريخ التسجيل : 30/12/2007

مُساهمةموضوع: رد: مجادعه شعريه بين اسماعيل البشير وحدباى   الإثنين 26 سبتمبر 2011, 12:30 am

قولوا بسم الله جيناكم



الليله الصباح بلد التمور ممطور
زكرني الفريق بين البريق والخور
الخلاني في البلد البعيد مهجور
رضوة جدية الريل الماتاوقت من سور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3raija.ahlamontada.com
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الإثنين 26 سبتمبر 2011, 1:56 pm

محمد نورالله كتب:



روعه ياولد ياحدباى شعر جميل

الم اقل لكم حدباى المربوع عندو ساهل ظروف العمل بس

كدى ابكرمت دى فى زول بعرف مكانو



يا زول هوي أرعى بي قيدك،،،،

نحن ما بنعرف مكان (أب كرمت) براه، نحن بنعرف مكان اللقدة كلهن: (أب كرمت)، و(أبو هجيليج)، و(حريقة)، و(كبد اللتيم)، و (أم ألبل)، و (الليدين)، و(أبو دهيسير)!!

وكان قلت السوادر (العوالي)، نحن بنعرف مكان (بامبيدو)، و(النويلة)، و(الخيران)، و(أب راشد)، و(أب زليق)، و(مقعور)، و(شدير ود الجيلي)، والقائمة لا تزال طويلة!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الإثنين 26 سبتمبر 2011, 2:12 pm

محمد حسن حدباي كتب:


من تالا الصعيد إتلامعن بـــــــــراق
وعاودني الحنين وإهتاجت الأشواق
الخلاني أنوح وأزرف دمع دفــــــــاق
قتيم ابكرمت الفوقو البهم ساساق

روعة يا حدباي، وأثبت للجميع إنك فعلاً شاعر مطبوع، وماك بتاع حلمنتيش وبس، وإنما قدحك واسع، وبحرك لا ساحل له، وبعد ده كراعك اتجرت وتاني ما فيك ليك طريقة فرفرة، يعني لازم تكمل المشوار للنهاية،، وهاك القنبلة الجديدة دي:ــ


تعول العينة فوق وادينا دودن وصبَّن
وعيش كبد اللتيـم قالولنا شرَّى ولبَّن
الخلاني أساهـر الليـل حزيـن ومغبـَّن
تقـيـرات المعـيـز المـن شـرابن غبَّـن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 29 سبتمبر 2011, 8:14 pm

نحن قبيل شن قلنا؟؟؟ قلنا الطير بياكلنا


حدباي رمى ليه مربوع واحد من النميم وكب الزوغة، وشرد شردة لامن دربه حيَّر القناص !!!

والجماعة التانيين ناس ود نور الله والكمبيلي ناموا على الخط!!

أما مجدي محمد حمد فحدث عنه ولا حرج،،،

وود عنتر وخالد الجاك كلو كلو ما عتبوا الحتة دي !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الجمعة 30 سبتمبر 2011, 7:11 pm

شمَخ شدر الهوير، في الحلة فكَّ نسيمـو
وفريق ناس ود اللعيسر قالوا فرهَد نيمو
الخلَّى قليبـي ولهـان بي غزالـو وريمـــو
فـوسـيـب كبـد اللتـيـم اللتـردم هضليمــو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الثلاثاء 11 أكتوبر 2011, 5:40 pm

بسم الله الرحمن الرحيم

ما قلنا ليكم المجادعة دي أخيراً حتصفى علينا نحن برانا (جابلو إنكتامة وحرَّه، نحن جرارقو يا ساتر على البي برَّة)!!!

وآهو ود خالتي رقية كبَّ الزوغة، وطلق المنتدى طلاق التلاتة، وكان لي ناس الكمبيلي وود نور الله فكل واحد منهم رمى ليه (بيضة ديك) وقال يا فكيك!!

أما مجدي ود أمْحُمّد حمد... أحيَّا وأحيَّا، لامن أعضِِّي إيديا... ده بس أطلق الشرارة الأولى، وأدانا غبشة كرعيهو!!
العجيب إنو ألف ليه مربوع نميم في بوست الترحيب ببخيت إبراهيم الهادي، نصه كالآتي:ــ

اقتباس :
ابو عمران مو مشحود على المنتدى واعضاهو
كان فات كان قنع نحنا البنجرى وراهو...
الفى الغرب خلو بعيييييد وربنا يرعاهو..
كعب الزول يسجل ويصد لى قفاهو....


عدل سابقا من قبل Ismail في الثلاثاء 11 أكتوبر 2011, 7:23 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الثلاثاء 11 أكتوبر 2011, 5:55 pm

شدر الخور عِلا،وعسَّف عبير نسَّامو
والمسكيت كجـر... قفَّـل ورا وقدامـــو
مكلــوف (جرجير) المعاصي لجامـــو
حليـل زمنـو البلاقينـا، وحليـل أيامــو

أخيراً الحكاية رست على عملاق فريق قدام ده براهو، أو عملاق الركن الشمالي الشرقي (فريق الطابونة والطاحونة)...


نحـن أولاد فريقـاً جـاور الطـابـونـة
عمدتنا (الرباط)، و(أب سلكة) ياهو أبونا
حلقات النميم شاعرنا ديمــــة زبونـا
وإن غرزت، قسَـمْ بي شعرو تبقى لبونـة

الرباط أو الرباط العالي: هو أخونا حاج عبد الله ود البشير، وقد أطلق عليه هذا اللقب الخال عمر ود شقلي (عليه رحمة الله) حين وجده في حلقة المديح واقفاً مثل الأسد الهصور وقد تساقط كافة الدراويش من حوله، فقال كلمته المشهورة: (ده مالو واقف براهو ما وقع، ده الرباط العالي الما بتطلعوا موية وللا شنو؟؟!)
أب سلكة: هو عمنا عبد الجليل ود علي ود المحينة (عليه رحمة الله).
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأربعاء 26 أكتوبر 2011, 3:43 pm

دي شكلها كدة بقت مجادعة بين إسماعيل البشير وإسماعيل البشير، أو ما يسمى بمسرح الرجل الواحد!!

ود خالتي رقية رجع خلف، وانفزر فزرة كعبة كلو كلو، ومما لقى الحكاية هنا مسخنة والكوع حامي، قام فك البيرق، وجرا اتضارى ليهو ورا حيطة اسمها (تاتيبا)!!

أما ود فاطنة بت حامد، أب عيناً حمرة وشرارة، فقد اكتفى بإطلاق الشرارة، ومن ديك وعيك، وباقي الجماعة مبلطين في الخط!!

من جيهــة البلـد لاح لي بريقـاً رفَّ
عاودني الحنين شوق الحبايب هفَّ
الخلى قليبي ولهـان والدمع ما جفَّ
بُرّيبـاً قـطـَـــع وادي النويلـة وقفَّـى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباي   الأربعاء 26 أكتوبر 2011, 4:15 pm


الاخ العزيز الشاعر الكبير اسماعيل البشير

ودنورالله واصحابوا ماعندهم مقدره كبيره فى نظم الشعر انما محاولات وان كانت خجوله ولكن من باب انعاش المسرح

الشعرى فى المنتدى لاخراج الجميل المفيد


ولكن ود امى رقيه بت عبدالله

حدباى دا سيل الوادى المنحدر المابنقدر فى الشعر لكن اخى حدباى رجل يكافح فى الحياة فى السودان مابين التجارة

والزراعه لاوقت له وذلك بعد ان اتصلت به فقال لى ذلك

كسره

وحدباى كما قال بعض رجال العريجا اصلوا الله ماخلق ليه خلف اى لايرجع خلف قدام بس

ولكم جميعا الود الحب والصفاء ابناء العريجا الاوفياء

ولك الود الشاعر الكبير اسماعيل وانت تنعش المسرح الشعرى العرجاوي بكل جميل

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2538
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأربعاء 26 أكتوبر 2011, 6:14 pm

الله يجبر خاطرك يا ود نور الله زي ما جبرت خاطرنا بعبارات الثناء والتقريظ التي قلدت بها جيدنا، وحقيقة نحن عايزين نحرر السوق بعبارات التحدي هذه، ونستفز الجماعة عشان يتلبوا في الساحة متل (القطابي أب صلعة)،،،

وتشكر ياخي على إخلاصك لصديقك (محمد حسن حدباي) ذلك السيل المنحدر، الما بنقدر... مرة قال لي واحدة زميلتو في جامعة الفرع حاولت تسخر منو: (مالي قالوا ليك أنا حبل عاشميق، و للا طينة لاصقة في قعر كوريق ؟؟!!)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الأربعاء 26 أكتوبر 2011, 8:55 pm

اسماعيل البشير حتى لاتصبح هذه المجادعه بين اسماعيل واسماعيل أو ما يسمى بمسرح الرجل الواحد!!

نديك المحاوله دى ولك حق فى التصحيح والتعديل


نحن اولاد فريقا جاور المدرسه والشفخانه
تايتنا الفكى وجارنا جرجير بحنان ضمانا
حلقات الذكر والفقه تايتنا ياهو مكانا
وان جانا المحل قسم مطمورتو تب مارقانا

تايتنا الفكى هو الفكى الذين على ودارباب وجرجير معروف للجميع

المحاوله الثانيه

الليله من جيهة البلد البراق تسوى شف
عاودنى الحنين للبقر والضان والحليب والعف
الخلى قليبى رهيف والدمع من عينى نازل تف
صوت فرطاق قطيع الضان المن الهواير لفى


نرجو المعزرة لهذا العك










عدل سابقا من قبل محمد نورالله في الخميس 27 أكتوبر 2011, 3:35 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجادعه شعريه بين اسماعيل البشير وحدباى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 7انتقل الى الصفحة : 1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: المنتدي الادبي والثقافي-
انتقل الى: