منتديات العريجا
مرحبا بك في منتديات العريجا سجل معنا وكن عضوا فاعلا



 
الرئيسيةمكتبة الصورس .و .جبحـثالتسجيلالمجموعاتدخول
المواضيع الأخيرة
» مسدار أبواتي العرواب الأماجد
الخميس 19 أكتوبر 2017, 1:22 pm من طرف Ismail

» مسدار السلفية الملتزمة
الأربعاء 18 أكتوبر 2017, 5:59 pm من طرف Ismail

» من أخطاء المتصوفة وتجاوزاتهم
الإثنين 16 أكتوبر 2017, 9:05 pm من طرف Ismail

» الأسلام دين العدالة والتسامح لا الإرهاب والعنف
الإثنين 09 أكتوبر 2017, 7:45 pm من طرف Ismail

» اضحك مع أحفاد جدنا أب تلوشة
الأحد 08 أكتوبر 2017, 4:30 pm من طرف Ismail

» القصيدة الوطنية التي أبكتني (تامن عجايب الدنيا في الحامداب)
الخميس 21 سبتمبر 2017, 10:50 am من طرف Ismail

» من روائع شعراء بلدنا (كله العالم جاء)للشاعر محي الدين الفاتح
السبت 09 سبتمبر 2017, 2:45 am من طرف Ismail

» ديل حبوباتي .. أتحدى العندو حبوبات زيهن (الجزء الأول):
الإثنين 04 سبتمبر 2017, 7:55 pm من طرف Ismail

» يا حليل العريجاء ولقد كبد اللتيم الخصيم
الخميس 27 يوليو 2017, 12:20 am من طرف Ismail

أفضل 10 أعضاء في هذا الشهر

شاطر | 
 

 مجادعه شعريه بين اسماعيل البشير وحدباى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   الخميس 27 أكتوبر 2011, 1:21 am

انا بعد ما امشي العيد بشارك بمجادعه امي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
badr kadak

avatar

عدد المساهمات : 55
تاريخ التسجيل : 07/04/2008
العمر : 42

مُساهمةموضوع: رد: مجادعه شعريه بين اسماعيل البشير وحدباى   الخميس 27 أكتوبر 2011, 2:07 am


عاد آجماعه الكلام دا سمح بالحيل ودايرلو روقه وجمه في الواطه دي وانا باقي ليكم شغال نهيض سااااااااااااااااي اكان حين بنتلاقي طلق لا بعرف الزبيح ولا غيرو ويا خال ود اختي ما بتحنن قلبي عليك شيل شيلتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al3raija.ahlamontada.com/profile.forum?mode=editprofile
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الخميس 27 أكتوبر 2011, 3:44 am


الاخ بدر الكدك اهلا بيك وعودا حميدا بلحيل فاقدنك كان تجارى ابومسلم

اخى اذا توجدت انت وصديقى ابراهيم عوض الكريم سوف تنتعش هذه الساحه الشعريه

الكدك ورينا فنونك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: إنت رجل والرجل قليل يا نور الله   الخميس 27 أكتوبر 2011, 1:47 pm

والله يا ود نور الله ما شاء الله، تبارك الله، عيني باردة وماني حاسد،،،

ما شاء الله عليك، حرَّرت سوق النميم، وحرَّكت المياه الراكدة في المنتدى، وظللت طوال الفترة الأخيرة مثل النحلة التي تفرز العسل في هذا الملتقى الأسري الحالم،،،

أشعارك جميلة يا ود نور الله ومحاولاتك ممتازة (بس دايرة ليها شوية استعدالات كدة، وطقات خفيفة بين الشاكوش والسندالة)، ورحم الله عمنا الفكي الزين علي أرباب، إمام الجمعة والجماعات، ويا حليل جريجير ويا حليل أيامو، الرجل المرح البشوش صاحب النكتة الحاضرة، والتعليقات الساخرة،،،

وبصراحة يا ود نور الله أنت أحد فرسان هذه الساحة الشعرية، وأحد صقورها وأسودها الضارية... وسيبك من تهديدات (ود الكدك) الكلها (بندق في بحر) ساااااااااااي!!!

أما أبو ممدوح فقد صدق فإن والدته، أختنا أسماء محمد عبد الله الضو، شاعرة لا يشق لها غبار، تماماً كما هو الحال بالنسبة لأختنا الأخرى آمنة محمد أحمد الزين،،،
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 27 أكتوبر 2011, 1:50 pm

badr kadak كتب:

عاد آجماعه الكلام دا سمح بالحيل ودايرلو روقه وجمه في الواطه دي وانا باقي ليكم شغال نهيض سااااااااااااااااي اكان حين بنتلاقي طلق لا بعرف الزبيح ولا غيرو ويا خال ود اختي ما بتحنن قلبي عليك شيل شيلتك




مرحباً بعودتك الميمونة يا ود الكدك، والمنتدى منور بإطلالتك البهية،،،

ورداً على ما أطلقته من صيحات التهديد والوعيد نقول لك هذا الأمثال السودانية:ـ
1. الفيهو بخور بنشم.
2. السوَّاي ما حدَّاث.
3. حشـَّاش بي دقنو.
4. ده الجمل وده الجمالي.
5. الموية تكضِّب الغطاس.
6. ال...... ببين عند المخاضة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: مجادعه شعريه بين اسماعيل البشير وحدباى   الخميس 27 أكتوبر 2011, 4:44 pm

والله الليله نشترة ليكم جنس شترة لمن تتضحكو فينى ,كيف ما نشترة نخليكم براكم تنمو ونحن

نقعد فراجة ليه ؟ العريجا دى حقتكم براكم,,,بس يا اخوانا ما تتضحكو علينا عارفين نفسنا مشاترين

لكن اقول ليكم حاجة اجادعه بيناتكم وخلونى النشاتر براى ما تشتغلوا بى اجادعة فى مجادعتكم

يعنى الكلب انبح والجمل ماشى ما تشتغلوا بى الشغله دى



هع هع ارقد يا عيش

يا حليل الشاى باللبن والقعدة مع الحبان

وياحليلك يا ام غره السارحه فى البرقان

متين اجيك يابلد بقيت انا فى الدموع غرقان

متين ارجع لى الاحباب والجلسة مع ود عتمان



على الطلاق حوى النبى بس هههههههههههههههههههههههههههههههههههه

ود عتمان هو عباس عثمان الشهير بركس والله يا ودعنتر شكيتك على محنك كمان بتفسر عامل فيها شاعر وانت التكتح ما عندك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   الخميس 27 أكتوبر 2011, 10:18 pm

برافو يا ود عنتر دخلت الموسوعة


$$$$$$$$$$$$$$$$$$$$$
ابوممدوح
$$$$$$$$$$$$$$$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: مجادعه شعريه بين اسماعيل البشير وحدباى   السبت 29 أكتوبر 2011, 12:14 am

تسلم سراج الدين على المجاملة وتشجيعى لكى اخت يدى فى اضانى واتحكر على النجيله الفى شركتنا دى واجيب ليكم نمه تانى

الشكر للمرة الثانيه للاخ الغالى سراج الدين الحسن الله اجبر بخاطرك يا سراج زى ما جبرته بى خاطرى واديك العافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   السبت 29 أكتوبر 2011, 12:43 am

نحنا يا ود عنتر بنتمني نجادع معاكم لكن العين بصيره والايد قصيره





$$$$$$$$$$$$$$$$$$$$$$$$$$$$$$
ابوممدوح
$$$$$$$$$$$$$$$$$$$$$$$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأحد 30 أكتوبر 2011, 7:18 pm

والله يا ود عنتر ما عندك عوجة كلو كلو !!!

وسراج الدين ده زاتو لو دق صدرو وفتل ليهو واحدة ممكن هو برضو يخش الموسوعة... كمان ما تقول أمه شاعرة وأبوه (عليه رحمة الله) كان ملك الردود السريعة والتعليقات الساخرة، يعني أديب من نوع خاص !!

لكن إنتو ما عارفين الغائظني أنا وقاطع قلبي؟؟!

الفاقع مرارتي هو ود فاطنة بت حامد (أب عيوناً حمر) لأنه لي يوم الليلة ما دخل تاوق في الساحة دي، رغم إنو هو من أشعل شرارة هذه المجادعة !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الثلاثاء 15 نوفمبر 2011, 2:47 pm

ساحة المجادعة الشعرية أصبحت حزينة، بعد أن انفض سامر الشعراء، واحتجب كل أديب وأريب ولبيب....

أخونا حدباي (ود الخالة رقية) المستهدف الأول بالمجادعة رمى ليهو فت (بيضة ديك)، وقال يا فكيك... وكذلك الحال بالنسبة للكمبيلي وود عنتر...

وبرضو أخونا أمير المدير خت ليهو مربوع واحد وطفش (والمربوع زاتو شكلو مطلوش من بعض المنتديات أو من المحفوظ في الراس)!!

أما (أحمر عين) فهو لا يحسن إلا أن يحمِّس الطارة، ويسخِّن الدوكة، ويقول: (المديدة حرقتني)!!

البركة في ود نور الله، الذي ظل صامداً كالطود الأشم، وظل يرفد هذه الساحة الشعرية ببعض السوانح التي أيقظتها بعد سبات وأحيتها بعد موات...

ويحمد للتشكيلي سراج الدين أنه ظل يرتاد هذا المربد باستمرار، وفي كل مرة يترك بصمة تؤكد حضوره ومتابعته.... ولا زلنا في انتظار روائع والدته،،،،

أما ود الكدك فطلع واحد بتاع هوراط ساكت، ونفخ في الفاضي، وعنتريات لم تقتل ذبابة، وقد تمخض جبله ولكنه لم يلد حتى ولو (جيري)...وأخيراً هاكم القنبلة العنقودية دي:ـــــــ

حليل جَدْيَ العسين الخشَّ أبو دهيسير
حليـل مُهـر السّباق العَـبَّـدو جـريجـيـر
حليل فرخ البلـوم المن عشيشـو بطير
حليل فرع الأراك اليوت سماهو مطير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الثلاثاء 15 نوفمبر 2011, 8:34 pm


تشكر الاخ اسماعيل على هذه الكلمات الجميلات وهذه المره نرفع الصوت للسؤال عن الاخ

يوسف محمد الامين (جيب ريال) اين انت يارجل سارح مع لبن المراعى

اما الاخ بدر الكدك نام على الخط واصبح ملك التهديد من بعيد

واخيرا سوف نعود لهذه المجادعه غدا باذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأربعاء 16 نوفمبر 2011, 4:12 pm

مشكور يا أبا أوَّاب على هذا الحضور الفاعل، والمواكبة المتميزة...

الأخ يوسف محمد الأمين كان أحد أبطال المجادعة الشعرية القديمة التي دارت بيننا في مارس عام 2008م، بعد شهرين ونصف تقريباً من تاريخ إنشاء المنتدى، وهو الذي أطلق الشرارة الأولى لتلك المجادعة بمربوع نميم أرسله لي في رسالة (SMS) بالموبايل، ولكن المجادعة الحالية هرب بطلها الأول المدعو حدباي، بينما هناك شعراء من أبناء العريجاء من أمثال خالد الجاك وبدر الكدك لا زالوا (عاملين أضان الحامل طرشاء)!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الأربعاء 16 نوفمبر 2011, 4:26 pm


الاخ بدر الكدك ظهر انشاء الله عندك شئ تقيل ياودالكدك كان اسماعيل ما يقول ودالكدك

رمى ليهو فت (بيضة ديك)، وقال يا فكيك...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأربعاء 16 نوفمبر 2011, 7:28 pm

هو وينو ود الكدك المزعوم ده ؟؟!!

(أسمع جعجعة ولا أرى طحناً)!!

ده عبارة عن واحد بتاع مهدديب ساكت، وما تحاول يا ود نور الله تشكر لي الراكوبة في الخريف !!

شن قدر الوليد ده على خالو الذبيح؛ سم أب درق المنقع، جدري القيح المفقع ؟؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الأربعاء 16 نوفمبر 2011, 7:36 pm

يا خوي جماعتك الاتنين، حدباي وبدر الكدك ظهروا (on line) لكن أظنهم تاوقوا كده وزاغوا مما لقوا الكوع هنا حامي والدواس مر، وزي ما قال ريمة الرزيقي (راجل حواية وأبو آدم وأم تكاسي): ][هم الجماعة العرَّدوا تِتّين]]


عدل سابقا من قبل Ismail في الخميس 17 نوفمبر 2011, 1:10 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
زائر
زائر



مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 12:57 pm

سلااااااااااااااااااااام لكل الاعضاء .
اخونا اسماعين والله ماتذعل ولاتنفقع مرارتك وما عاش اليعمل كدا.بس شويه كدا اليومين ديل مشغولين شديييد حتى ما
لاقين طريقه نتصفح ولو دقائق .لكن وكت جابت ليها زوغه وعدا منى ومن ود عمى (على ضمانتى)الا نمطركم لامن تقولو كفايه...
تخريمه ..لما تزعل انت وراك نقبل وين
تخريمه اخيره..اخوانا اتو ابوقدامه وين؟؟؟؟؟؟


الرجوع الى أعلى الصفحة اذهب الى الأسفل
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 1:43 pm

قدلت في الفريق الليلة شان تازاني
نغمات فاها تطرب للبعيد والداني
ممشوقة القوام محزوزة الوسطاني
وديسا ليها أسود من حظيظي الجاني




$$$$$$$$$$$$$$$$$$$
ابوممدوح
$$$$$$$$$$$$$$$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: أحمر عين جا مقلع من وين ؟؟!   الخميس 17 نوفمبر 2011, 2:03 pm

تخيلوا يا أخوانا إنو الأخ (أحمر عين) الذي فتح هذا البوست منذ تاريخ: 18/9/2011م؛ لم يتداخل فيه على الإطلاق قبل مداخلته أعلاه، والتي جاءت بتاريخ اليوم (17/11/2011م)، أي بعد مرور شهرين بالتمام والكمال...

وبعد أن بلغ البوست صفحته الثالثة، ونظم فيه شعراء العريجاء 15 مربوعاً من مرابيع النميم، كان للذبيح وحده 8 منها، ولمحمد نور الله 3، ولكل من الكمبيلي وأمير المدير وحدباي ومحمد عنتر مربوع واحد...

نعم يحمد للأخ مجدي أنه أطلق هذه المبادرة الرائعة التي أخرجت يانع الثمار، وأفرزت درراً من روائع الأشعار حول الحنين إلى قريتنا الحبيبة (العريجاء) ومعالمها ومرابعها وأوديتها وبراريها ومروجها ... ولكن كان ينبغي عليه أن يتفقد هذا الغرس الذي غرسه وأن يتعاهده بالري والسقيا بين الفينة والأخرى...

تخريمة: سامحناك في الفات ده كلو يا ود الخال، بس أوعى تاني تكرر جنس الصهينة دي، وعايزنك تخت لينا مربوع مربوعين كده من نظمك الرائع.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 2:17 pm

ابو ممدوح كتب:
قدلت في الفريق الليلة شان تازاني
نغمات فاها تطرب للبعيد والداني
ممشوقة القوام محزوزة الوسطاني
وديسا ليها أسود من حظيظي الجاني

أبو ممدوح يا رائع،،،،

تشكر على حرصك على الحضور الدائم في هذه الساحة الشعرية العريجاوية الخالصة،،،

وتشكر على هذا المربوع الرائع من النميم...

لكن شكلو كده مطلوش من الشبكة العنكبوتية الواسعة، وليس من تأليفك ولا من تأليف (أم سراج)!!

وهو يصلح كإضافة رائعة في بوست آخر بعنوان: (يلا يا اخوانا سمعونا نمكم)، وهو موجود في المنتدى الأدبي والثقافي بهذا المنبر العريجاوي الأصيل،،،

أما هنا في هذا المربد، (المجادعة الشعرية) فالشغل كلو (نجر أخدر) و (قطع أخدر) فوق العريجاء ومعالمها وبواديها وباجورها وضهاريها....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الخميس 17 نوفمبر 2011, 3:21 pm


ياجماعه بدر ودالكدك كان عرد انى بقبلوا

والاخ يوسف محمد الامين ماعارفين الحاصل عليه انشاء الله ربنا يكفيه شر المالطية

اما عن ود امى رقيه دا مشغول

وتحيه للرائع ابدا ابوممدوح

لكن هذه محاولة للرد على مربوع الذبيح

فلكم جميعا حق التصحيح والتعديل والحذف


حليل جدي الريل المرور عصير
حليل عناق اب راشد الغداها سفير
حليل فرخ القطا الماصادو سمير
حليل العقلن فى النويلة وسدرنا مقعور

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عنتر

avatar

عدد المساهمات : 1362
تاريخ التسجيل : 25/01/2011
العمر : 35
الموقع : الامارات-ابو ظبى

مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 4:04 pm

توووووووووووووووووووووووووووووووووووووووووووووووووش

هع ابشرو بالخير ياعراجة جاكم ودعنتر اب نمن مكرب ومجية هع

ارقد ياعيش



الليله الشوق غلب واتغلب على بالحيل

زكرنى النايمه على طرف الهوير باليل

اترجف القلب واندفقت الدموع بالكيل

ياحليل بلدا حبوباتن بت عثمان وبت الهيل



رايكم شنو فى النجر دا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد نورالله

avatar

عدد المساهمات : 226
تاريخ التسجيل : 27/10/2010

مُساهمةموضوع: مجادعه شعريه بين اسماعيل البشير وحدباى   الخميس 17 نوفمبر 2011, 4:19 pm

ياودعنتر ابداع مافى كلام

فانت الروعه والابداع والجمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ismail

avatar

عدد المساهمات : 2543
تاريخ التسجيل : 05/02/2008
العمر : 37
الموقع : aykabulbul@gmail

مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 6:55 pm

بدر ود الكدك ده سيبك منو... ده إنتاجو طلع (طمبور بساطاب) وكلامو راح (بندق في بحر)...

أما الرائع يوسف محمد الأمين فقد اتصلت اليوم على رقم جواله المسجل عندي، فإذا بالرد يأتي من قبل السيستم: (عفواً، الرقم الذي طلبته مقطوع مؤقتاً)... الظاهر ود أمْحَد اللمين ده ما قاعد يدفع الفاتورة !!!

أما سراج الدين (أبو ممدوح) فلله دره من مثابر، يجتهد ليكون ماثلاً وحاضراً باستمرار في هذه الساحة الشعرية، وهو وينطبق عليه المثل الذي يقول (لبن كتير لكن درب مافي) !!

البركة في (ود نور الله) و(ود عنتر)، فهما قد أقالا عثرة الجماعة العرَّدوا وفكوا البيرق (حدباي والكدك وأحمر عين) !!

مربوع (ود نور الله) قدر ما حاولت أعدلو حيرني عديل كده، لكن واضح إن قافية البيت الأخير مشاترة شوية، والموسيقى الشعرية في المربوع كله دايرة ليها شوية تضبيط!!

أما مربوع النميم الذي أدلى به (ود عنتر) فهو منتهى الروعة والإبداع؛ كما قال محمد نور الله، ولا شك أن المستوى الشعري لهذا الشاب يتطور بسرعة صاروخية... ولو سمح لي صاحب المربوع بإدخال شيء من التعديل، والتقديم والتأخير، لأصبح المربوع هكذا:ـــ

عاودني الحنيـن،والشـوق غلب بالحيـل
واترجـف القليـب، ودموعـي دفقـن سيل
طريـت نسَـمَــاً بهب من الهـويـر بالليـل
وبلد أمَّاتنا (بت عثمـان) و(بت الهـيـل)

وهاكم الصاروخ العجيب ده:ـــ

قدر ما أشوف سحـاباً برقـو ليهـو وجيج
أطـرا الحـِلــة، والأشجـان علـيْ بتهــيـج
أم درعـــة الرتوعـا صعيـد أبو هجيـليـج
أديبة وراسية ما بتعـرف رقيص وهجيج


برضو تقول لي (بدر ود الكدك) !!

تعريجة: على سبيل المداعبة بس يا ود عنتر... النايمة على طرف الهوير بالليل دي قرنتية ولا أنثى التمساح ؟؟!!... الله يستر ما تكون التاماوية ديك القالوا لينا زمان إنها اتسوحرت !!!


عدل سابقا من قبل Ismail في الجمعة 18 نوفمبر 2011, 5:43 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
ابو ممدوح

avatar

عدد المساهمات : 807
تاريخ التسجيل : 23/05/2011
العمر : 46
الموقع : السودان

مُساهمةموضوع: رد: مجادعه شعريه بين اسماعيل البشير وحدباى   الخميس 17 نوفمبر 2011, 11:41 pm

]color=darkblue]
سدرك ياعمر خالي من وسواس
وفعلك مو داب محبرة وكراس
هن قلنا الثبات نلقاك إت الساس
وإن قلنا الفزع لاشك تقود الراس





$$$$$$$$$$$$$$$$
ابوممدوح
$$$$$$$$$$$$
[/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://[url=http://www.gulfup.com/][img]http://im17.gulfup.com/2
 
مجادعه شعريه بين اسماعيل البشير وحدباى
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: المنتدي الادبي والثقافي-
انتقل الى: