رحبوا معى بالعضو كيوات

الف مرحبتين حبابك حباب كيوات اتفضل خش لجوة الدار دارك
والبيت بيتك اتفضل على الراكوبة مرشوشة ومكشوشة وريحة البن
ترمى الراكب الجمل وجبنة حبيبك. اتفضل على الهباب الوهيط
واشرب ليك بكرى من جبنة اهلك العراجة ديل . وسمعنا نمة كاربة
ياكيوات وورينا ابداعاتك وقفشاتك الما خمج يا سيد الملوك والعنج

بس يا كيوات ما تنسى تعرفنا بنفسك اكتر

حباب كيوات، أمير أمراء الكواهلة، وقائد جيوش الحسانية... صاحب الانتصارات المدوية، واللواء المظفر، وسيد بحر أبيض من وادي أفو لي عند الترعة الخضراء،،،

أبقى داخل لي جوة وشوف ليك عنقريباً وهيط صنقر فوقو، وخلينا نسمع نمك، وأخد ليك انتكاية كده فوق هباب أهلك العراجة في راكبوتهم أم همبريباً ضارب دي،،،

وما تنسى تعرفنا بنفسك، وتروينا نماذج من روائع قلمك، يا كيوات!!