منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
المواضيع الأخيرة
» البيت محروس وستو تكوس !!!
مسدار الدرويش المطرود، للشاعر إسماعيل المحينة Emptyالإثنين 07 يناير 2019, 9:08 pm من طرف عبدالرحمن قدالة

» من أخطاء المتصوفة وتجاوزاتهم
مسدار الدرويش المطرود، للشاعر إسماعيل المحينة Emptyالثلاثاء 05 يونيو 2018, 8:55 pm من طرف عبدالرحمن محمد

» ابو مصعب
مسدار الدرويش المطرود، للشاعر إسماعيل المحينة Emptyالأحد 14 يناير 2018, 6:39 pm من طرف Ismail

» الجاك إبراهيم الشايقي (أمير ظرفاء العريجاء)
مسدار الدرويش المطرود، للشاعر إسماعيل المحينة Emptyالأحد 10 ديسمبر 2017, 1:08 pm من طرف Ismail

» مسدار أخوالي صباحي ورحمة
مسدار الدرويش المطرود، للشاعر إسماعيل المحينة Emptyالإثنين 27 نوفمبر 2017, 3:47 pm من طرف Ismail

» بامبيدو يا درة بلدنا الجميلة
مسدار الدرويش المطرود، للشاعر إسماعيل المحينة Emptyالإثنين 27 نوفمبر 2017, 3:18 pm من طرف Ismail

» مسدار أبو الهيثم (فضل المرجي)
مسدار الدرويش المطرود، للشاعر إسماعيل المحينة Emptyالأربعاء 22 نوفمبر 2017, 9:42 pm من طرف Ismail

» مسدار أبواتي العرواب الأماجد
مسدار الدرويش المطرود، للشاعر إسماعيل المحينة Emptyالخميس 19 أكتوبر 2017, 1:22 pm من طرف Ismail

» مسدار السلفية الملتزمة
مسدار الدرويش المطرود، للشاعر إسماعيل المحينة Emptyالأربعاء 18 أكتوبر 2017, 5:59 pm من طرف Ismail

أفضل 10 أعضاء في هذا الشهر
لا يوجد مستخدم

 

 مسدار الدرويش المطرود، للشاعر إسماعيل المحينة

اذهب الى الأسفل 
3 مشترك
كاتب الموضوعرسالة
Ismail

Ismail


عدد المساهمات : 2548
تاريخ التسجيل : 05/02/2008
العمر : 43
الموقع : aykabulbul@gmail

مسدار الدرويش المطرود، للشاعر إسماعيل المحينة Empty
مُساهمةموضوع: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالسبت 24 سبتمبر 2011, 12:05 am

بسم الله الرحمن الرحيم

مسدار الدرويش المطرود
للشاعر إسماعيل البشير المحينة
الدوحة – 23/9/2011م

لي ابن عم، في مثل سني، يدعى مرغني موسى كرم الله، وهو رجل كاهلي صميم، مقدام جسور، أنا أسميه (فارس المحيناب)، وهو ليس له باع في نظم الدوباي ومرابيع النميم، ولكنه يحفظ من ذلك الشيء الكثير، وهو رجل متدين يؤدي صلواته في المسجد بانتظام، ولا يميل إلى الصوفية ولا إلى السلفية، وإنما يمارس نوعاً من الوسطية في هذا الجانب، فيصلي مع هؤلاء وهؤلاء، ولأنه يعلم أنني من السلفية، لذلك أرسل لي مربوعاً من النميم من تأليفه يداعبني به فيقول:

جاني القرين قال لي مالك يا بليد
قنبتَ تلقِّـن في الحـروف وتزيد
تفاح منبـع الخولي الطابق التعبيد
ما بدوها إلا زولاً دارس التوحيد


فكان هذا المربوع، على ما فيه من اضطراب في الميزان العروضي والموسيقى الشعرية، سبباً في بروز هذا المسدار (مسدار الدرويش المطرود) إلى حيز الوجود.

مسدار الدرويش المطرود

أداني القرين شلُّوت، وشات بالجزمـة
قال ليْ ما ترا المال عندك كتير بالرِّزمة
ما بداويكا من مرض القلب والأزمـة
إلا عروس صِغَيْرة، منقَّبـة وملتزمـة
*****************
لاح ليْ البريق من تالا خور ودْ قيحة
زاد الشوق علَيْ،عاوَد عيوني نويحـا
فطيمة الشقَّنْ أم هَبَج الوطاتا فسيحة
ما بِدُّوها غير زولاً عقيدتو صحيحة

*****************
عاتبني الرفيـق،قـال ليَّا ليلك بوبا
من غَيْ البنات لابدَّ ليـك من توبة
دَرْعاة عُنَّز الريل.. الرتوعِـن سوبا
ما بِدُّوهـا درويشـاً مِباري النوبة
*****************
ملازمة الحقْ ومابْتَعرِف طريق الباطل
مأدَّبة خِلقة، لا بِِتغُش،ولا بِتْماطـل
دَرْعـاة عُنَّز الريل..السحابِِن هاطِل
ما بدُّوهـا درويشـاً مرَمَّد وعاطِل

*****************
في الذوق والأدب فاتت بنات الجيل
وشن تشبه بلا المهـرة وعناق الريل
فطيمـة الروقلن ضرَبن مراتع النيل
ما بِدُّوهـا درويشـاً ريالتو تسيل
*****************
مطر الطرفـة فوق واديها هتَّف ونقَّع
وطلق أرياحـو نوَّار الخريـف الفقَّع
الْمَقْنَيَّـة بي كِبدة وكبـاب ومصقَّع
ما بِدُّوهـا درويشـاً قميصـو مرقَّع

*****************
بت أهل السيوف الْما بْتشيلا جفاير
ما بْتَعَنَى الضيوف عكرانة دمَّها فاير
جِدَيْة البرتعَـنْ ما بين تبوب وحفاير
ما بِدُّوهـا درويشـاً مِربِّي ضفاير
*****************
ما بِتْشيل كراعا على الوحَل والزَّلَقة
ما بتشرب محـاية.. ولا بْتَزور الملقة
ديفة الْمَرَّحن بين ودْكبيش وأم علقة
ما بِدُّوهـا درويشـاً بِقَع في الحلقة

*****************
بت عِز الرجـال، أهل البعير والناقة
ست حشمة وعفاف،بالحلة مي فاقاقة
دَرْعـاة معيز قِمِش، الشلَـع برَّاقـا
ما بِدُّوهـا درويشـاً مِوارك الفاقـة
*****************
مي مشَّـاية بالدرب البِجيب اللـوم
ومِي نَهَّامـة لي ناس البرير والتـوم
فطيمة الجودَلَنْ ضربن جناين أم دوم
ما بِدُّوهـا درويشـاً بِنادي القـوم
*****************

نوَّارة الفريـق، سِت الخِمـار السابل
حافظة حدودا، غير وِلْيـانا ما بِتْقابل
قصَبة منصَـح الوادي السقاها الوابل
ما بِدُّوهـا درويشـاً بِصِيحْ مِتْهابـل
*****************
سِت حِشمة ووقار، بي فارغة ما بتتنبَّا
ما بتخمَـِج معا ناس الهجيج والرَّبَّـة
دَرعـاة مِعيز قِمِش السحابِن صَـبَّ
ما بِدُّوها درويشـاً بِطـوف بي قُبَّـة

******************
مي عوَّاسة لي لقمـة وعصيدة وطرقة
ومي زوَّاعة، بتلاقي الرجـال بالفرقة
أنصاريَّة..لا بتلبس حجـاب لا ورقة
والتوحيـد بقالا من الْمهالك درقـة
******************
عيون الريل عيونا، وفي القوام مربوعـة
هَنْعَـا مخصَّلـة.. وقاسم الضهر مبروعا
مـا بدوهـا جنس البلبس الْمرقوعـة
كان سفَّ الرماد،ومشايخو لحست كوعا

******************
نظـر أخلاقـا أصـلاً في البلد مافيش
والتوحيـد هو راسمالا وعليهـو تعيش
فطيمـة الروقلن، رتعـن صعيد حنيش
مـا بدوهـا لي مـدَّاح ولا درويـش
******************


عدل سابقا من قبل Ismail في الأحد 18 مارس 2012, 6:12 pm عدل 10 مرات
الرجوع الى أعلى الصفحة اذهب الى الأسفل
http://www.google.com.qa
بكري ابراهيم

بكري ابراهيم


عدد المساهمات : 114
تاريخ التسجيل : 18/12/2010
العمر : 35
الموقع : امدرمان

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالخميس 06 أكتوبر 2011, 7:50 pm

ما بتشيل كراعه علي الوحل والزلقه ** * وما بتشرب محايه ولابتزور الملقه *** ديفة المرحن بين ود كبيش وام علقه *** ما بدوها درويشا بقع في الحلقه . سمع بهذا المسدار ابراهيم محمد حدباي (ابوكدوك )ورد عليه وما قدر علي توصيل الرد للخال فجاء الي ميرغني وقال له خالي دا منقطع مني وقالوا براسلك دحين وصل ليه الرساله دي ، ما بتشيل كراعه وما بتمش علي الوحل والزلقه *** لكن القسمه بتسقيها المحايه وتزور الملقه **وبتحاكي المفرود الانقطع بين الطلحه وام علقه *** وشكرك فيها طلع شمار في مرقه ** عشان ابيتلها علي الدرويش البداوي الحلقه ** وغير الدرويش بتنقطع في الفرقه**
الرجوع الى أعلى الصفحة اذهب الى الأسفل
بكري ابراهيم

بكري ابراهيم


عدد المساهمات : 114
تاريخ التسجيل : 18/12/2010
العمر : 35
الموقع : امدرمان

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالخميس 06 أكتوبر 2011, 7:55 pm

وكذلك للعم ميرغني رد علي هذا المسدار . رمانه ومع النجوم وقاده ** وعاشقه بساهر الدجي والليل بشيلو عباده ** ما بدوها ناس اندرجوا والقصاده *** الا ولدا موحد وعندوا شهادة .
الرجوع الى أعلى الصفحة اذهب الى الأسفل
Ismail

Ismail


عدد المساهمات : 2548
تاريخ التسجيل : 05/02/2008
العمر : 43
الموقع : aykabulbul@gmail

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالأحد 09 أكتوبر 2011, 7:45 pm

بكري ابراهيم كتب:
ما بتشيل كراعه علي الوحل والزلقه ** * وما بتشرب محايه ولابتزور الملقه *** ديفة المرحن بين ود كبيش وام علقه *** ما بدوها درويشا بقع في الحلقه . سمع بهذا المسدار ابراهيم محمد حدباي (ابوكدوك )ورد عليه وما قدر علي توصيل الرد للخال فجاء الي ميرغني وقال له خالي دا منقطع مني وقالوا براسلك دحين وصل ليه الرساله دي ، ما بتشيل كراعه وما بتمش علي الوحل والزلقه *** لكن القسمه بتسقيها المحايه وتزور الملقه **وبتحاكي المفرود الانقطع بين الطلحه وام علقه *** وشكرك فيها طلع شمار في مرقه ** عشان ابيتلها علي الدرويش البداوي الحلقه ** وغير الدرويش بتنقطع في الفرقه**


ما بتشيل كراعه وما بتمش علي الوحل والزلقه
لكن القسمه بتسقيها المحايه وتزور الملقه
وبتحاكي المفرود الانقطع بين الطلحه وام علقه
وشكرك فيها طلع شمار في مرقه
عشان ابيتلها علي الدرويش البداوي الحلقه
وغير الدرويش بتنقطع في الفرقه



الله يجازي محنك يا (أب كدوك)!!
والله حتة (القسمة بتسقيها المحاية) دي ضحَّكتني جنس ضحك !!!!
الرجوع الى أعلى الصفحة اذهب الى الأسفل
http://www.google.com.qa
محمد عنتر

محمد عنتر


عدد المساهمات : 1362
تاريخ التسجيل : 25/01/2011
العمر : 42
الموقع : الامارات-ابو ظبى

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالأحد 09 أكتوبر 2011, 8:22 pm

والله كلام جميل ومرتب من الطرفين التحية لك يا الخال اسماعيل والتحية لى اب كدوك

كلام ممتع ومضحك ونقول للخال اسماعيل شيل شيلتك اب كدوك دا ما بنقدر ليك



والتحية للمبدع والرايع جدا بكرى ابراهيم وهو دايما يأتى بالجديد الممتع نتمنى لك

التوفيق وأن تكون حضور مع مجادعات الخال اسماعيل والاخرين من قريتنا الحبيبة

دايما يابكرى بتجيب من بيت الكلاوى ......... تحية للمرة الثانية تحية كبيرة للخال اسماعيل على الزوق

والفهم الرفيع وروح المداعبة بين الاخرين......ونقول لك انت مبدع ورايع ومما يذيد روعتك فهمك العالى

وضحكتنى مقولة الله اجازى محنك يا اب كدوك تخيلتك انت و ابكدوك امامى وضحكتة حتى تبلبلت عيونى من الدموع
الرجوع الى أعلى الصفحة اذهب الى الأسفل
Ismail

Ismail


عدد المساهمات : 2548
تاريخ التسجيل : 05/02/2008
العمر : 43
الموقع : aykabulbul@gmail

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالإثنين 10 أكتوبر 2011, 1:42 pm

بالمناسبة (أب كدوك) ده أنا خاله في الحساب (زي ما قال)، لأنه حبوبته الجابت أمه هي (زينب بت أمْحُمد ود الشايقي)، وأمي هي (المايدة بت إبراهيم ود الشايقي)، يعني بنات أعم لزم !!، وجدنا إبراهيم هو الذي ربَّى ابنة أخيه زينب حتى زوَّجها من (أمْحد علي ود عبد القادر)، عشان كده ناس الصديق والحسن وأخواتهم بقولوا: (خالي بخيت، وخالي الجاك، وخالتي المايدة)، وقد طرحنا سؤال عن ذلك في إحدى المسابقات العريجاوية!!

ويا بكري ده مربوع جديد نظمناه خصيصاً للمبدع (أب كدوك) عليك الله وديهو ليهو وقول ليهو خالك قال ليك إيه رايك في المربوع ده، وهل عندك رد عليهو ولا سكو ؟؟!




مي عوَّاسة لي لقمة وعصيدة وطرقة
ومي زوَّاعة، بتلاقي الرجال بالفرقة
أنصاريَّة..لا بتلبس حجاب لا ورقة
والتوحيد بقالا من الْمهالك درقـة
الرجوع الى أعلى الصفحة اذهب الى الأسفل
http://www.google.com.qa
Ismail

Ismail


عدد المساهمات : 2548
تاريخ التسجيل : 05/02/2008
العمر : 43
الموقع : aykabulbul@gmail

مسدار الدرويش المطرود، للشاعر إسماعيل المحينة Empty
مُساهمةموضوع: رد: مسدار الدرويش المطرود، للشاعر إسماعيل المحينة   مسدار الدرويش المطرود، للشاعر إسماعيل المحينة Emptyالإثنين 10 أكتوبر 2011, 1:45 pm

إنت عارف يا ود عنتر (أب كدوك) ده من ندايدي وأبناء جيلي، وقرينا أنا وهو وأخوه الفضل وأبوك عنتر وخالك سيف الدين في فصل واحد، وكانت بيني وبينه مودة دائمة على مر الأيام والسنين، وأذكر لما كبرنا وبقينا نلعب الكورة في الميدان الكبير أنا كنت مسميه (كلب لهب) لأنه كان سريع وحريف ويزوزي بالكورة بعيد عن بقية الجماعة، وكان يقبل مني هذا اللقب ولا يتذمر ولا يغضب، وكان أخونا الطيب ود الحاوي دايماً يقيف لينا حارس مرمى، وكان يخطئ في اللقب فيقول له (أبو لهب) بدلاً عن (كلب لهب)!! وكان إبراهيم كعادته طيباً مسالماً، (رغم أنه في صغره كان مبهدل أولاد ورا بهدلة شديدة) حاله في ذلك تماماً كحال الأخ كباشي فهو أيضاً كان شرساً شعيتاً في صباه، ولكنه لما كبر أصبح طيباً مسالماً متسامحاً!!
الرجوع الى أعلى الصفحة اذهب الى الأسفل
http://www.google.com.qa
 
مسدار الدرويش المطرود، للشاعر إسماعيل المحينة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: مكتبة العريجا :: مكتبة الاستاذ اسماعيل البشير علي-
انتقل الى: