أنقذو كورة القدم في العريجا (نادي الكفاح)

الاخ ابوممدوح وتشكر اخى لاهتمامك بهذا الموضوع الذى جعلك تشترك بابوممدوح وسراج نسال

الله ان يجعل لجميع اهل العريجاء همه كهذه ياسوجو وكل عام وانت بخير

اخى سراج وبينما نحن جلوس فى ديوان الخال سليمان ودالعيكورة فاذا بالخال جرجير يقول لى

ياودالنور وين الوطنية نضرب ستات وسبعات تعالوا شوفوا الحاصل شينو ولم يترك المغتربين

وحثهم على التبرعات لنادى الكفاح ورونا الوطنية وايام العريجاء فى مجدها

وسالت الاخ الطيب احمد رحمة عن المشكلة فقال لى ياودالنور نحن نلعب بدون خانات

وفى نظرى هى مشكلة رجل يوجه الاولاد ليس الا ثم بعد ذلك الدعم المادى

وسالت بعض الاخوة عن النادى فهناك عدم رضى من بعض الشباب لخصخصة النادى

من قبل لجنة النادى ولعدم وجود زمن كافى اخى سراج لم نجلس مع الجميع لنعرف

ماهى اسباب الخصخصة مع وجود الكهرباء مع العلم بان قيمة ايجار النادى مائة جنية فى

الشهر

نحن في إنتظار الإنقاذ

هبط الفريق الي درجة تانية بعد ان باع فريق القمة المباراة لهلال منير والان الميدان فاضي منذ مايقارب شهرين او اكثر

بسم الله الرحمن الرحيم
الاخوه الاعضاء
السلام عليكم ورحمه الله تعالي وبركاته
في البدايه اشكركم علي الاهتمام بموضوع النادي
واقول ليكم هبوط الفريق الي الدرجه الثانيه هو اهمال الاداره واللعيبه في وقت واحد اقول ده وانا ضمن التشكيله التي لعبت الجوله الثانيه في الموسم
الحقيقه هي عدم التمارين
الكورة دي مابنشوفا الا في ملعب المباره (تمرين مافي )
بعدين معظم المباريات عرفنها يوم المباره
يجيبو البكسي ويقولوليك في كورة
نمشي الكورة لااداريولا مدرب
اي زول بي كيفو
لو واصل الفريق بي الشكل ده الدرجه الثالثه كتيره عليهو
والفريق بمشي الكوره (‏)‏ لااعب وفي بعض الكور اقله الا نتمها من الجمهرر(ده كلام‏)‏

الاخوه الكرام لكم التحيه وعلى انقاذالفريق هنالك امور كثيرة المشكله
انحلال الفريق كاملا ادارين ولعيبةهاجرو للخارج اكثر من خمسة والمسافرين فى الايام الجايه كم لاعب.هم راكيز فى الفريق نتمنا من الادارين القاعدين دمج شباب صغار يلتحقو بل الفريق فى مرحلة التسجلات الشغاله اليومين ديل لنو فريق يلعب ناقص بتسعه وقيار مافى يحقق نتيجة كيف ولايعتمدو على الفلاشة اواللعيبه من خارج العريجا اشيلو مال . اما عن المال البوزعو على الفلاشة نشتري بيهو الكوار ونصلح بهو النادى كان يوم الكورة الصباح نلم اكثر من 200 جنيه ادوها الفلاشه حق المواصلات
نسال الله التوفيق لكفاح العريجا

القمة ده فريق الفلاتة بتاعين العزازي وهلال منير فريق من منير . فريق القمة اصلا كان متأهل قبل مايلعب المباراة مع الهلال وأذا خسر الهلال حايطير . اها قاموا الجماعة قالوا ليهم بيعوها لينا عشان تطير العريجا وفعلا باعوها بي 400 جنيه

أبوقدامة كتب:

القمة ده فريق الفلاتة بتاعين العزازي وهلال منير فريق من منير . فريق القمة اصلا كان متأهل قبل مايلعب المباراة مع الهلال وأذا خسر الهلال حايطير . اها قاموا الجماعة قالوا ليهم بيعوها لينا عشان تطير العريجا وفعلا باعوها بي 400 جنيه

شنو ياكابتن عمر انا ظنيت انو دي صورة هيثم مصطفى 0(نرسل الصورة دي للاوقاف؟), وين البشت والكشخة

سؤال البيع دا دليلو شنو يعني اي واحد يتغلب يقول باعوها ولا التحكيم فاشل ولا مكجرة

والله يا الجمالي قلنا نغير شوية وانا اصلا من عادتي احب التغيير
اما سؤالك عن البيع هو واقعي لكن هذا لايعني انه لاتوجد مثل هذه الامور

الشكر لكل المتداخلين



نتمنى من الجميع كبار وصغار داخل وخارج السودان ومن الشباب الموجودين

فى العريجاء ان يضعو الكفاح العريجا فى حدقات عيونهم وان يرسمو خطة واضحة

لتسير النادى متمثلة فى الادارة الرشيدة لجميع احتياجات الفريق فى تكوين الجهاز الفنى

وإختيار اللعيبة ,,,يا أخونا الكفاح هو العريجا هو سفيرنا فى منطقتنا وهو الواجة للعريجا

هو كل شئ هو المرأءه الذى يرونا بها الاخرين ,,,, نتمنى ان نعمل جميعا يد على يد

ليس بالكتاب وأنما بالفعل والعمل الجا د ونتمنى من رئيس الرابطة ,, ان يصحح معنا شوية ويكون هو حلقة الوصل بين الجميع



لاتنسو الكفاح هو سفير العريجاء

وعادت التمارين من جديد بعد طول غياب وبعد هجر الميدان مايقارب 3 شهور
نتمني ان تتواصل التمارين حتي يطلعوا فريق من الشباب يستطيع ان ينافس للارتقاء للأولي من جديد وهذا يحتاج الي جهد جهيد وعمل شاق ليس بالكلام والتنظير
وشكرا

سبحان الله ليه اصلا ندي فرصه لفريق ابيع واشتري الحاجه ساعه تكون في يدك وضيعه ماحتحصلا عند الاخرين اخي قدامه يعني لو نحنا اجتهدنا وبزلنا الغالي والنفيس ماكان حندي فرصه لقمه او لغيره اتحكم بمصيرنا انا في حياتي ماشوفتلي فريق بجموعو يوم الكوره دا كلام دا اعانك الله ياكفاح ع الكفاح