رحبو معى بالعضو عمر احمد حسن فى المنتدى

d]olor=blue]

رحبو معى بالعضو عمر احمد حسن

الف مرحبتين بيك عمر ونورت الديار وحبابك الف فى دار اهلك العراجة واتفضل جوة على البيت
الوسيع على الركوبة مرشوشة ومقشوشة والجبنة مدورة وريحة بنها طاقة دحين يا ود احمد
ودحسن اتهوط على الهباب الوسيع داك واشرب ليك بكرى من جبنة اهلك العراجة واتكيف
تااااااب وسمعنا نمك فرج علينا ربنا افرج همك .. ونحن سعيدين جدا بانضمامك للمنتدى
والان امامك الاشاره خضراء لتتحفنا بمساهماتك وابداعاتك ياو د احمد ودحسن
وماتنسى نعرفنا بنفسك اكتر

[/color]

البيت دا بيتك
يا حبيب
أدخًل مخيَّر
وماك غريب
اتمدا في أقرب
عنْقِريب
مبهول في حوضو
الهمبْريب
النيمة
يا العنابة
ضُل
أغشى التُكُل
خرْمان
في شاي
جيعان أُكل
وداك التمُر
والزِير قريب
بايت من البارح
ملآن
راقد في صدر
الهمبريب
دُر تقرا
ديك كتب الولاد
قلَّقت
أو طال الرِجِي
كُورِكْ
نقولَّك
.. هُويْ ..
بُعـــــــــــــــــاد
رسِّل لنا
المرسال
نجي
يا
رُوق
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس
ماطال
عُمرا ًيتحسِبْ
في ياتو بنكِ

عدد المساهمات : 19 تاريخ التسجيل : 26/07/2012

لا نقول مرحبا به ولكن نقول الدار دارك[b]

عدد المساهمات : 4 تاريخ التسجيل : 31/08/2012

السلام عليكم ورحمة الله
أنا ضيف ساكت جيت طاشي ولقيت الباب مفتوح وتوووووووش انقطعت .. رأيكم شنو ؟؟

عمر أحمد حسن .. تربطني بالأخ العزيز اسماعيل البشير علاقة نسب قوية وألف شكر له لدعوته لي إلى هذا المكان الهادئ البعيد عن صخب الانترنت وضجيجه ..
إن شاء الله ما أكون ضيف تقيل عليكم .. وكدي نشوفكم لو بتستحملوني ..
ويا الكيزان جاكم بلا .. أوعا يكون فيكم منهم شيء !!