منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
المواضيع الأخيرة
» البيت محروس وستو تكوس !!!
رسالة إلى سوداني من مواليد بلاد المهجر Emptyالإثنين 07 يناير 2019, 9:08 pm من طرف عبدالرحمن قدالة

» من أخطاء المتصوفة وتجاوزاتهم
رسالة إلى سوداني من مواليد بلاد المهجر Emptyالثلاثاء 05 يونيو 2018, 8:55 pm من طرف عبدالرحمن محمد

» ابو مصعب
رسالة إلى سوداني من مواليد بلاد المهجر Emptyالأحد 14 يناير 2018, 6:39 pm من طرف Ismail

» الجاك إبراهيم الشايقي (أمير ظرفاء العريجاء)
رسالة إلى سوداني من مواليد بلاد المهجر Emptyالأحد 10 ديسمبر 2017, 1:08 pm من طرف Ismail

» مسدار أخوالي صباحي ورحمة
رسالة إلى سوداني من مواليد بلاد المهجر Emptyالإثنين 27 نوفمبر 2017, 3:47 pm من طرف Ismail

» بامبيدو يا درة بلدنا الجميلة
رسالة إلى سوداني من مواليد بلاد المهجر Emptyالإثنين 27 نوفمبر 2017, 3:18 pm من طرف Ismail

» مسدار أبو الهيثم (فضل المرجي)
رسالة إلى سوداني من مواليد بلاد المهجر Emptyالأربعاء 22 نوفمبر 2017, 9:42 pm من طرف Ismail

» مسدار أبواتي العرواب الأماجد
رسالة إلى سوداني من مواليد بلاد المهجر Emptyالخميس 19 أكتوبر 2017, 1:22 pm من طرف Ismail

» مسدار السلفية الملتزمة
رسالة إلى سوداني من مواليد بلاد المهجر Emptyالأربعاء 18 أكتوبر 2017, 5:59 pm من طرف Ismail

أفضل 10 أعضاء في هذا الشهر
لا يوجد مستخدم

 

 رسالة إلى سوداني من مواليد بلاد المهجر

اذهب الى الأسفل 
كاتب الموضوعرسالة
Ismail

Ismail


عدد المساهمات : 2548
تاريخ التسجيل : 05/02/2008
العمر : 43
الموقع : aykabulbul@gmail

رسالة إلى سوداني من مواليد بلاد المهجر Empty
مُساهمةموضوع: رسالة إلى سوداني من مواليد بلاد المهجر   رسالة إلى سوداني من مواليد بلاد المهجر Emptyالأربعاء 04 سبتمبر 2013, 2:55 am

رسالة إلى سوداني من مواليد بلاد المهجر
========================
عارفك انت سوداني
ومولود في بلد تاني
دايرك تعرف السودان
وتنقل عني أوزاني !!
اكلت الكسرة باللوبه؟؟
بتعرف تقلب الهوبه ؟؟
وعمرك شفته راكوبه؟؟
في يوم فلقوك بي طوبه ؟؟
لبسته الجبه مقلوبه ؟؟
بتعرف يمّه حبوبه
وكت تمرق سعن روبه
لعبت شليل.. شليل وين راح ؟؟
عضم بالليل.. عضم وضاح
جهاله غبش نفتشو صاح
ونلعب يومى ما بنرتاح
بتعرف تمشي كداري؟
تسوق العجله سداري
وتركب في الحمار جاري
تشوت الكورة ضفاري
هوي يا بنيه قشي الحوش
ومشطي شعرك المنكوش
وخلي البيت دوام مرشوش
وفرشي في البرنده بروش
وكت حماد قعد صنقر
وحلب البقره واتحكر
ومرق العجلة من الكر
وقال للكلبه ابعدي جر
اشرح لي قولة (عــر)
معاها الدوكه والقنقر
وقندول الفريك اخدر
والفرة البتخلع فررر
ادليت عقرت خدار
ودحشك فر منك وعار
وحشيت في الجنينة عدار
وغنيت في الفجر مسدار
اكيد ما بتعرف الزغروت
وما جربت ضرب السوط
وﻻ غننلك البنوت
وﻻ غنمك رعن حنتوت
اياديك ناعمة ما حشن
وﻻ جربت مويه الشن
وما كسّيت غنم طشن
لقيتن في الخدار خشن
هل شركت لي طيره؟
وشركك قام قبض غيرا
قبض ديك عمتك خيره
وترقد صوف وفريرة
حصلت قرقرت زمباره؟
لعبت التيوة في الحارة
ولعبت الكار بكم كارة
سمعت الدنيا زوااره
تعرف اللبقة والتربال؟
شال طوريتو راس المال
وحزم التكة والسروال
وقال للواطه جوكي رجال
رجال تسقي الخدار بالليل
اياديهن خشن بالحيل
بياكلو حﻼل حليلن ديل
كرام والله زي النيل
الرجوع الى أعلى الصفحة اذهب الى الأسفل
http://www.google.com.qa
 
رسالة إلى سوداني من مواليد بلاد المهجر
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: المنتدي الادبي والثقافي-
انتقل الى: