منتديات العريجا
مرحبا بك في منتديات العريجا سجل معنا وكن عضوا فاعلا



 
الرئيسيةمكتبة الصورس .و .جبحـثالتسجيلالمجموعاتدخول
المواضيع الأخيرة
» حكايات من حلتنا
الإثنين 29 يونيو 2015, 6:32 am من طرف mohammedmlik

» نفرة المدراس وحال ناس ياهو نفس الحال
الجمعة 26 يونيو 2015, 10:29 pm من طرف Admin

» خواطر من الزمن الجميل
السبت 30 مايو 2015, 5:40 pm من طرف mohammedmlik

» أمي... جنتي تحت قدميك
الجمعة 29 مايو 2015, 10:48 pm من طرف أبو مصعب

» حكايات من حلتنا
الخميس 28 مايو 2015, 8:58 pm من طرف mohammedmlik

» شجرة نسب آل حمد الشايقي
الأربعاء 06 مايو 2015, 3:25 pm من طرف Ismail

» شجرة نسب المحيناب
الثلاثاء 05 مايو 2015, 10:36 pm من طرف mohammedmlik

» صابر طلع كيت (استراحة جديدة للفاتح جبرا)
الأربعاء 29 أبريل 2015, 7:26 pm من طرف Ismail

» من هم ظرفاء العريجاء ؟!
الأربعاء 29 أبريل 2015, 7:22 pm من طرف Ismail

أفضل 10 أعضاء في هذا الشهر
شاطر | 
 

 رسالة إلى سوداني من مواليد بلاد المهجر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ismail



عدد المساهمات: 2524
تاريخ التسجيل: 05/02/2008
العمر: 58
الموقع: aykabulbul@gmail

مُساهمةموضوع: رسالة إلى سوداني من مواليد بلاد المهجر   الأربعاء 04 سبتمبر 2013, 2:55 am

رسالة إلى سوداني من مواليد بلاد المهجر
========================
عارفك انت سوداني
ومولود في بلد تاني
دايرك تعرف السودان
وتنقل عني أوزاني !!
اكلت الكسرة باللوبه؟؟
بتعرف تقلب الهوبه ؟؟
وعمرك شفته راكوبه؟؟
في يوم فلقوك بي طوبه ؟؟
لبسته الجبه مقلوبه ؟؟
بتعرف يمّه حبوبه
وكت تمرق سعن روبه
لعبت شليل.. شليل وين راح ؟؟
عضم بالليل.. عضم وضاح
جهاله غبش نفتشو صاح
ونلعب يومى ما بنرتاح
بتعرف تمشي كداري؟
تسوق العجله سداري
وتركب في الحمار جاري
تشوت الكورة ضفاري
هوي يا بنيه قشي الحوش
ومشطي شعرك المنكوش
وخلي البيت دوام مرشوش
وفرشي في البرنده بروش
وكت حماد قعد صنقر
وحلب البقره واتحكر
ومرق العجلة من الكر
وقال للكلبه ابعدي جر
اشرح لي قولة (عــر)
معاها الدوكه والقنقر
وقندول الفريك اخدر
والفرة البتخلع فررر
ادليت عقرت خدار
ودحشك فر منك وعار
وحشيت في الجنينة عدار
وغنيت في الفجر مسدار
اكيد ما بتعرف الزغروت
وما جربت ضرب السوط
وﻻ غننلك البنوت
وﻻ غنمك رعن حنتوت
اياديك ناعمة ما حشن
وﻻ جربت مويه الشن
وما كسّيت غنم طشن
لقيتن في الخدار خشن
هل شركت لي طيره؟
وشركك قام قبض غيرا
قبض ديك عمتك خيره
وترقد صوف وفريرة
حصلت قرقرت زمباره؟
لعبت التيوة في الحارة
ولعبت الكار بكم كارة
سمعت الدنيا زوااره
تعرف اللبقة والتربال؟
شال طوريتو راس المال
وحزم التكة والسروال
وقال للواطه جوكي رجال
رجال تسقي الخدار بالليل
اياديهن خشن بالحيل
بياكلو حﻼل حليلن ديل
كرام والله زي النيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.google.com.qa
 
رسالة إلى سوداني من مواليد بلاد المهجر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: -