منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
مرحبا بك في منتديات العريجا سجل معنا وكن عضوا فاعلا
منتديات العريجا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
المواضيع الأخيرة
» البيت محروس وستو تكوس !!!
هسع خلاص  Emptyالإثنين 07 يناير 2019, 9:08 pm من طرف عبدالرحمن قدالة

» من أخطاء المتصوفة وتجاوزاتهم
هسع خلاص  Emptyالثلاثاء 05 يونيو 2018, 8:55 pm من طرف عبدالرحمن محمد

» ابو مصعب
هسع خلاص  Emptyالأحد 14 يناير 2018, 6:39 pm من طرف Ismail

» الجاك إبراهيم الشايقي (أمير ظرفاء العريجاء)
هسع خلاص  Emptyالأحد 10 ديسمبر 2017, 1:08 pm من طرف Ismail

» مسدار أخوالي صباحي ورحمة
هسع خلاص  Emptyالإثنين 27 نوفمبر 2017, 3:47 pm من طرف Ismail

» بامبيدو يا درة بلدنا الجميلة
هسع خلاص  Emptyالإثنين 27 نوفمبر 2017, 3:18 pm من طرف Ismail

» مسدار أبو الهيثم (فضل المرجي)
هسع خلاص  Emptyالأربعاء 22 نوفمبر 2017, 9:42 pm من طرف Ismail

» مسدار أبواتي العرواب الأماجد
هسع خلاص  Emptyالخميس 19 أكتوبر 2017, 1:22 pm من طرف Ismail

» مسدار السلفية الملتزمة
هسع خلاص  Emptyالأربعاء 18 أكتوبر 2017, 5:59 pm من طرف Ismail

أفضل 10 أعضاء في هذا الشهر
لا يوجد مستخدم

 

 هسع خلاص

اذهب الى الأسفل 
كاتب الموضوعرسالة
محمد عنتر

محمد عنتر


عدد المساهمات : 1362
تاريخ التسجيل : 25/01/2011
العمر : 42
الموقع : الامارات-ابو ظبى

هسع خلاص  Empty
مُساهمةموضوع: هسع خلاص    هسع خلاص  Emptyالأربعاء 18 سبتمبر 2013, 10:31 pm


هسع خلاص


هســـع خلاص
أبكيكي و اتيقن بـــراي
إنك بقيتي علي السكــوت؟؟

أنا لســه ما تميت كلامي أقيفي ياخي
الدنيـــا ما بتقلع غصب
راجاكي في نص الدرب
واقفه وبطقطـــق في أصابعين القدر
دايره اشـــدهو و منك يفوت

بس إنتي أمرقـــي بي وراي
خليكي في ضــل البيوت

لو حس بس إنــك معاي
ما تخافي تاني بحاولو ليك
يمكن يطش يقنــع براهو
يشوفلو زول غيرك يموت

إستغفر الله العظيــــــم....

يا دنيا ليه كــــل النريدو
يكون فضلو عقـــاب عمر؟؟

ليه كل ما نفـــرح شديد
يرجانا في البــاب الفقر

يا دنيــــا جري نفس طويل
خلي إفتراكي علي البشـــر

يا دابو جاك وكت الحســـاب
كدي قنبي وشيلي الصبـــر

يا موقده النار في القلــوب
ذنب المحبين في الضــهر

شايلاهو عارفه تقيــل عليك
بس كيف اشوف ليك العـــذر

كل الخلق راجاكي بره تمرقي كيـــف؟؟
وانا كيف اقولهم انتي ذاتـــك زينا
و محكومه بي إيد القـــدر

ماااااااااااا بيسمعو
واقفين هناك يومين عديــــل
ما فيهم اصلاً زول فتــــر

ما كل زول مخنوق وماسك وجعتــــو
و راجيكي عــــــاد وين المفـــر

يا دنيا فات زمـــن الكلام
ما ليك زمن تتكلمــــــي
و قولك مسخ زاتو وكتـــــر

هســـع منو البيحامي ليك؟؟

و منو الزمان خاويتي شان يسند قفـــاك
يتلافى بيناتو الحجــــر؟؟

وكت انتي أصلك ما أمــــــان
لي شن بتزرعي في قلوبنا الواسعـــه
زي صدر البحــــر
ناساً يشيلو الأمنيــــات
بي فوقنا تتكبكب مطــــر
تجي تقلعيها من الجــــــذور

معقولــــــــــــــــــــه؟؟؟؟؟

نتقاسم معاها اللقمه والمويه الحــلال
حتى الكدر قاسمنا نـــص بالنـــص زمان
غالبنا نتقاسم عمـــــــر؟؟؟

لي ما بتشاوري الناس براك تتصرفــي؟
وقبال نتم باقي الســـؤال
بتقولي والله القـــدر
نحن القدر عارفنو زييييين
وما فينا أصلاً زول كفـــر
ياااااااربي تلهمنا الثبات
يا واحد ادينا الصبــر

عارفين دروبنا علي الممـــــات
لكن كمان الغاليه ضواية الضـــلام
وجعتنا فيها أبت تمـــــوت
والله زي كي الجـــمر

كشحت خلاص باقي اليقين
أصلا هو كان فضـــل قـــعر

ما قالت إنها دار تفــــــوت

عرفت تمام تلبس وجيه العافيه فوقــــــنا
وتدي آلاما السكـــوت

شدهتنا جمبها بالفــرح
تاري الوجــــع جواها
كان بانــــــي البيوت

خايفانا نشفق من عيــــــاها
بس إلا ما كانت تشــــــوف
قطعة قلبنا وكت تمـــــوت

كيفن عرفتي تزيني الآلام بـــراك
بي ياتو لـــــــــون؟؟
ياخي انتي في درب الممــــات تتفنني؟؟

بشتنتي خلــــق الله الهناك
واقفين وراجين جيتـــك
هسع نقول ليهم شنــو؟؟

وانا ذاتي أقنع روحي كيـــف؟
خليكي مــن الناس هناك

يلاكي قومي خلاص كفــاك
هسع ده ما وكت الهظـــــار

عارفاكي دايره تشوفي كيـــف
شكل الدموع البي وراك

يا قاسيه ياخي حرام عليـــك
يلاكي نرجع وتــــاني ما تختينا
فوق جرحــاً مخيف

يا غاليه ماف زول بســـــــألك
والله بي فرحة مجيـــكي
وقصدك الدايماً شـــريف

بس إنتي قومي وشــدي
حيل الخطوه بالقول الشفيــف

لي هسه ما قامت معــــاي.......

وانا ذاتي لا بقدر أقول قنبـت
لا بقدر أقيــف

بس يا لطيييييييييييف

من كل ما ملكت يمينك يا قــــدر
شان اصلو ما اتكلمنا يــــوم؟؟

سلمنا بيك وصبرنا بي حبــــــلو الرهيف
أدينــــــــا ليك
تجلدنا بي نفس الحبل؟؟

والموت متين يصبـــــح أليف
طوعتو ليها قبل تتم باقي النفس
ختيتــــو بيناتنا ومشيت
وريني ياخي قدرت كيف؟
يااااااااااااااااا قوتـــــك

واحلاما في وش الريـــــاح إتشتتت
مسكينــــــه آمالا الكتار
هسع وراها بتنتحــب

هو شنو العليم ما بنتحــب؟

شن فايدة القول والشــعر
وكل الكلام بعدك كضــب

كيفن نصدق وجعتــك
وموتك ده هسه لعب لعــب

لو كان برجعك القصـــيد
أنا كنت اطرز في الحروف
حتى البقت ما بتتكتـب

تبكيكي غصبــــاً عنها
وترجاكي واقفه علي الــــدرب

لكن كمــان جانا القدر
فاتحلك الأحضان عــــــــديل
ومن دون أمــانِ
عارف تمام كيفن بيقلع بالغصـب
الرجوع الى أعلى الصفحة اذهب الى الأسفل
 
هسع خلاص
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العريجا :: المنتدي الادبي والثقافي-
انتقل الى: