Ismail
عدد المساهمات : 2548
تاريخ التسجيل : 05/02/2008
العمر : 44
الموقع : aykabulbul@gmail
 | موضوع: قبضنا عليه متلبساً  الأربعاء 16 أبريل 2008, 7:49 pm | |
| بسم الله الرحمن الرحيم قبضنا على حدباي متلبساً شاعركم النحرير، حدباي بتاع الهيلاهوب، الذي حيرنا نفوره وإعراضه عن منتدى قريته ومسقط رأسه (العريجا)، قبضنا عليه بعد أن تسلل خلسة إلى أحد المنتديات السودانية، (منتديات الراكوبة)، وأدلى فيها بالمساهمة الآتية: حاجة عجيبة ناس تستقبل..
وناس بتودِّع!!
ناس بتقهقه..
وناس بتدمِّع!!
ناس بتخربش..
وناس بتلمِّع!!
ناس بتدنقر..
وناس بتصنقع!!
بصَّات فاضية..
وناس بتشمِّع!!
حاجة عجيبة..
دنيا توجِّع!!!
ناس في الأول..
وبرضو تطيِّش..
ناس فلسانة!!
وفجأة تقرِّش!!
ناس حفيانة..
ودايرة تورنش!!
حاجة عجيبة..
دنيا تدوِّش!!
******** فانبرى له أحد أعضاء المنتدى، ويدعى (أبو وليد)، وتجاوب معه بالمداخلة الآتية: دنيا تدوِّش!!
ناس فلسانة..
وناس بتحوِّش!!
ناس ضعفانة..
وناس بتكرِّش!!
ناس بتصالح..
وناس بتحرِّش!!
حاجة عجيبة..
دنيا تدوِّش!!
ناس مرضانة..
وناس بتمارض!!
ناس تحكُمْنا..
وفجأة تعارض!!
ناس بتعرِّس..
وناس بتطلِّق!!
وناس في بعشر..
ويومي تفلِّق!!
******** ولم يلبث أن قام عضو آخر من أعضاء ذلك المنتدى، يدعى خالد حمد موسى بتنزيل معظم قصائد حدباي الحلمنتيشية المعروفة تباعاً؛ كفتيرتك.. الدِّش.. البرمودة.... ممُّو.. أحلى كديسة (بُـرَّة).. ولاد مايعين...الخ! وبما أن هذا البوست قديم شوية! فقد فهمنا أن حدباي عارف دروب الإنترنت من زمان، ومقدد دهاليزها وأروقتها، ومهيص في منتدياتها!! خصوصاً المنتديات السودانية مثل الراكوبة والعنقريب والنافذة وهلمجرَّا.... والسؤال الذي يطرح نفسه بإلحاح؛ هو متى سيقرر حدباي إنهاء مقاطعته لمنتديات قريته، ويشارك بفاعلية في إثراء هذا الموقع الوليد؟؟؟! إسماعيل البشير (ود العريجا) | |
|
Admin
Admin
عدد المساهمات : 302
تاريخ التسجيل : 30/12/2007
| | موضوع: كلام كتر الجمعة 18 أبريل 2008, 3:59 am | |
| كل ما نخش في مقطوع ا لطاري الاسمو النت نفتش لي حدباي نلقا حدبايين اتنين واحد بتاع الحقيبه
وواحد بتاعنا بتاع الحقيبه خلا طرف وعشان ما نلخبط نقول حدباي الصغير زي مافي المرقش الاكبر
والمرقش الاصغر والاخطل الصغير برضو يكون في حدباي الصغير ومافي زول احسن من زول
والاسم من عندي وبنسجلوا عند كامل ادربس عشان مافي واحد اتسلبط فيهو
اه قلنا شنو جاي جاي تلاقي حدباي مقيل في الراكوبه الزيره انقط والزول تاريهو ايدو كانت مكسوره
ونحن ماجايبيين خبر وبقي لافها ولافي بيها وناس الراكوبه اسعلوا فيهو اها انكسرت كيف اها الكسره
شنو واخرتا كسر ركبه تاني لقينا واحد في نص الراكوبه يكورك بنبر شاغر لحدباي من العريجا
الي لاهاي
وبعد دا لقينا مركلس في عكس الريح وخاش في بدله شداها من غسال هندي وواحد تاني سمعتو قال
استلفا منو واخر واحد قال الزول اجره لزوم الصوره وكدي والجماعه شايلين حالو والعجب صاحبو
المعز لاعاجباهو بدلة حدباي ولا ست الشاي
وبعدين يا اسماعين الزول دي مكنت عربيتو قدت دي خبر من عندي والجوكيه بتاعين مجازفات
والحكايه دايره جكه شويه وامكن دي الشغل بالو
 | |
|
Admin
Admin
عدد المساهمات : 302
تاريخ التسجيل : 30/12/2007
| | موضوع: الصور الجمعة 18 أبريل 2008, 4:56 am | |
| | |
|
محمد حسن حدباي
عدد المساهمات : 13
تاريخ التسجيل : 04/06/2008
| |
Ismail
عدد المساهمات : 2548
تاريخ التسجيل : 05/02/2008
العمر : 44
الموقع : aykabulbul@gmail
| | موضوع: رد: قبضنا عليه متلبساً الأحد 08 يونيو 2008, 3:15 am | |
| | |
|
