رسالة الى الوالد

يا يابا

يا يابا ياقمرى البهل وحيات عيونى المشتهاك

يايابا فى نظرك متلو اشواقى لى لهفة رواك

يا يابا اكان شوفك كمل باكر تشوف بى عين جناك

واللة تمرك ما همل مادام مسمدو بى شقاك

صح يا يا با ايامنا بتقلالا المفضلى منو هاك

وعمرى الطويل فوقك يضل ينشر يايابا حدود رضاك

بس يا يابا لاتبكى وتسل روحى المشكنة فى هواك

انا بس كفايا القاك تبل شوق القلوب المشتهاك

ما يانى زاتى المن طفل متلمى ابويا على رضاك

ربيتنى بالصبر الطويل سويتنى بى بركة دعاك

والليلى كان حملك تقيل خت المحملو فوق جناك

كان تقدر الايام تحل دين السنين وجزا عطاك

بس يايابا لا تخاف المنون ما دام مصير الناس هلاك

واعرف كمان والدى الحنون الصالحى ما اتقطعت وراك

وكان اللة شال نور العيون يايابا نحن وهج ضياك

ان شاءاللة ماتخيب الظنون عشمك بتلقىالفى جناك

انا كان مناى واكون عريس القاك تهش بالخير جناك

وكان طل دربك يابا ميس شيلن عيونى ابوى فداك
هبشنى فى الايام بصيص احسبنى خطوة مع خطاك