| من طرائف ظرفاء العريجاء | |
|
|
كاتب الموضوع | رسالة |
---|
زائر زائر
| موضوع: من طرائف ظرفاء العريجاء الخميس 16 يونيو 2011, 6:26 am | |
| اللهم ارحم اسلافنا واسكنهم فسيح جناتك يارب العالمين .لا تنسو موتانا من صالح الدعاء . كان الوالد حمد الشيخ ادريس (عليه الرحمه)رجل سريع البديهه وحاضر النكته فكان مره فى المسجد بعد صلاه العشاء فقال له احد المصلين ياجدى حمد انت صلاتك دى الا تعيدها لانو فى (خضره )فى ظفرك قال ليهو يا جنا والله ان نورت ما اعيدها . يحكى مره انو عمنا الجلال (له الرحمه) شاف ابوى جاى من الخلاء (الله يديهو العافيه ويطول لينا فى عمرو)فصاح ليه ..يا امحمد هوى هوى امحمد تعال اشرب ليك جبنه ...سمح اجلال النربط الحماره دى واجيك ...وصدق يا مؤمن ابوى ربط حمارتو وجا ....سلام اجلال ..حبابك امحمد اتفضل .وابوى قعد ..والجلال كورك بى صوت عالى يا علويه علويه هوى..نعم يا ابوى امشى سوى الجبنه (وشوفى شغلك)..وفعلا مشت شافت شغلا وابوى منتظر ومنتظر ..ويرفع راسو ويدنقر ومنتظر ومافى اى حاجه وبعد داك الجلال ملا ابريقو وقال لى ابوى ارح ازول الصلاه ما تفوتنا .فعرف ابى انو هزا مقلب جاااامد وسكت سااى وخشمو ما فتحو معاهو وطلع لا جبنه ولا يحزنون ..... وبعد سنتين سو سوا ابوى لاقا الجلال واتاكد انو نسى المقلب.وقال ليهو:................................نواصل فى الحلقه الجايه.. |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الخميس 16 يونيو 2011, 3:45 pm | |
| حبوبتنا الدماسة رحمة اللة عليها لها قصة مع العم رياض قالو زمان رياض بجى شاقى بحوش ناس الدماسة وبسلم وا اقول السلام عليك واقولو لة عليكم والسلام الدماسة بتكون قاعدة فى السرير وبتقول دا من وهى عارفاهو داء رياض عباس ود عثمان بقول ليه دا رياض رياض بقول ليها دا انا رياض يا حبوبتى الدماسة ما عرفتينى تدنقر وتقول (أأة) يعنى بى نحنحة كدة يعنى عرفتك لكين ما رضيانى منك وطوالى الحركة دى مع ريا ض شغالة ورياض محتار يا ربى الحاصل شنو حبوبتى دى مالا معاى قال كدى النسأ ل عبد المطلب ود رحمة دا وحكى لعبد المطلب الحاصل عبد المطلب قال ليهو انت بتجى الحاجة دى لا قاعد تديها حق الشاى ولا حق البن ولا اى حاجة ناس همزة الصغار ديل الواحد بقمت قمتة جامدة خلى انت المرطب دا رياض قال ايواء يعنى كدا يا عبد المطلب قال ليهو ايوة خليك فاهم القصة رياض جا بكرة من الصبح وسلم وكل العادة الامور زى ما هى وقعد جمب حبوبتى الدماسة وقمت لها القمتة الماخمج وانبصطت حبوبتنا الدماسة بصط شديد من رياض ورياض قام من جنبها برضو مبصوط وجا اليوم التانى وقال السلام عليكم حبوبتنا الدماسة قالت داء منو وهى عارفاهو داء رياض عباس قال ليها دار رياض حبوبتنا الدماسة قالت رياض تعال يا ولدى رياض يا يمة اتريض انشاء اللة فى الجنة حبابو الافندى طبعا انا حكى لى محمد ود عثمان ود الحسين الشهير بالدماسة | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: من طرائف ظرفاء العريجاء الخميس 16 يونيو 2011, 6:03 pm | |
| الأخ مجدي محمد حمد،،، لك التحية والتقدير،،،، أحييك على فتح هذه النافذة الرائعة، والتي كانت في بالي منذ زمن بعيد،،، اسمح لنا يا ابن الخال فقد غيرنا عنوان الموضوع ليكون: (من طرائف ظرفاء العريجاء) ونقلناه من (المنتدى الاجتماعي) إلى منتدى (استراحة العريجاء). هذه القصة الطريفة عن جدك حمد (رحمه الله) حكاها لنا الخال حسن حدباي ذات ليلة كنا مجتمعين فيها في منزل حبوبتنا فاطمة بت فضل الله (والدة نوح ويوسف وعلي والمدني)... | |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الخميس 16 يونيو 2011, 8:30 pm | |
| تشكر الخال العذيذ مجدى على البوست الرايع عندنا طرائف بالهبل من اهلنا ناس التكينة وتشكر الخال العذيذ اسماعيل على المرور وربنا اخضر ضراعك تخريمة على الطلاق يا مجدى دايما بوستاتك رايعة | |
|
| |
زائر زائر
| موضوع: رد: من طرائف ظرفاء العريجاء الخميس 16 يونيو 2011, 8:50 pm | |
| علي الطلاق الكترت دي حتدخلك مع ذات الشامه في زعل أعمل حسابك ياشاب |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الخميس 16 يونيو 2011, 10:45 pm | |
| امنة كتبت علي الطلاق الكترت دي حتدخلك مع ذات الشامه في زعل أعمل حسابك ياشاب اللوم بجى بالغلطات بهوى عنادة بهوى غرورة بهوى الانتظار فى رجاها بهوى غرورة لما غرورة فى عينى زادة وجاها زى نسمة زى طعم السعادة امانى من عينها اول نظرة زوبت العناد فى كيانى كيف انسى الملكنى هواهو كيف تنسى الامانى امانى ( يا الجواى فى نفسى لقيتك قبل اكون فى الدنيا خلية) عليك اللة دى بزعلوة يا امنة عبدالقادر اديك العافية على التزكير الجميل دا وقدر ما تشوفينا خرمجنا اعدلى لينا راسنا تانى طلاق مافى واللوم بجى بالغلطات | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: من طرائف ظرفاء العريجاء الجمعة 17 يونيو 2011, 5:14 am | |
| - محمد عنتر كتب:
حبوبتنا الدماسة قالت رياض تعال يا ولدى رياض يا يمة اتريض انشاء اللة فى الجنة حبابو الافندى طبعا انا حكى لى محمد ود عثمان ود الحسين الشهير بالدماسة قلت لي يا ود عنتر، حبوبتك الدمَّاسة لما اتبسطت دايرة تقلب جنة المأوى جمنازيوم (صالة ألعاب رياضية)!!
حبوبتنا الدماسة (عليها رحمة الله) اسمها فاطمة محمد النور الزبير، وهي شقيقة كل من إبراهيم محمد النور (شيخ الحلة السابقة ووالد سالم وحيدر)، ورحمة محمد النور (والد إدريس ومحمد وأبو هريرة وعكاشة )، وعائشة محمد النور (أم العمدة وعلي والرشيد أبناء العبيد بالقوز)، وزينب محمد النور (والدة عبد القادر وهجو والحادو والسيد أبناء الهامل) ولقبوها الدماسة لأنها لمن كانت صغيرة كانت بتدمس الشفع بإيدها في الوش مباشرةً... قال ليك الشافع ما بتزيدو على دمسة واحدة في وشو، ومن حيسو يشغِّل الاستيريو وهاك يا بكا،،،
وهذه نكتة واقعية حكتها لنا حبوبة الدماسة (عليها رحمة الله) بنفسها وهي تضحك... قالت وكت إبراهيم ود بابكر عرَّس عمايم بتي كنا داسين خبر العرس ده من ولدها عبد المطلب (وكان صغيراً في ذلك الحين)... طبعاً إبراهيم بابكر (عليه رحمة الله) هو والد عمر الشهير بلقب بقادي، وكان أطول رجل في العريجاء !! وكان بعض الناس يسميه (إبراهيم طويل)!! ويبدو أن عبد المطلب قد لاحظ وجود إبراهيم بابكر في بيتهم!!! تقول حبوبة الدماسة: (عبد المطلب كان نايم ولما صحا من النوم لقى أمه قاعدة تكوي في جلابية إبراهيم بابكر، قام طوالي سألنا: - دي جلابية منو؟! - قلنا ليه: دي جلابية خالك عتمان, - قال: خالي عتمان طويل كده !!! | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: من طرائف ظرفاء العريجاء الأحد 26 يونيو 2011, 2:57 pm | |
| من طرائف خالنا الجاك ود إبراهيم (عليه رحمة الله):ـ تمهيد: أهلنا الشايقية عندهم حبوبة فوقانية من الكواهلة العرواب اسمها (فاطمة بت جاد الله)... وكان خالنا الجاك (عليه رحمة الله) رجلاً فارع الطول... الطرفة: مر شيث عبد الله حمد (عليه رحمة الله) – وهو كاهلي عروابي – على الخال الجاك فسلم عليه ثم قال له: - والله يا الجاك آ خوي؛ كان ما لحمة حبوبتنا (بت جاد الله) تلقاك إت هسع شِويقيَّاً قصيِّر وهويِّن !!! (يقصد إنو لحمة الكواهلة هي التي جعلت من خالنا الجاك عملاقاً فارع الطول).. فرد عليه الخال الجاك على البديهة: - والله كان ما لحمة حبوبتك (بت جاد الله) إتلقي أنا هسَّع أميرَلايْ !! (أميرَلاي رتبة عسكرية قديمة من رتب كبار الضباط، تعادل رتبة عميد) (خالنا الجاك يقصد أن أهله الشايقية الخُلَّص تبوأوا مناصب عسكرية رفيعة وأن لحمة الكواهلة هي التي باعدته عن نيل مثل هذا الشرف)... | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: من طرائف ظرفاء العريجاء الأحد 26 يونيو 2011, 4:30 pm | |
| نشكر كل المتداخلين فى هذا البوست على هذه الطرائف اللطيفة بارك الله فى ناقل هذه الطرف وحفظ الله من صدرت منهم هذه الطرف ان كانوا احياء ورحم الله ميتهم وغفر لهم ان كانوا امواتا ملحوظة: دحين مش فى بوست اسمه قفشات عريجاوية ؟ طيب ممكن ان يتم نقل هذه الطرف الى ذلك البوست حتى يكونا موضوعا موحدا .. هذا فقط حسب رؤيتى الشخصية الضعيفة والله الموفق وعليه التكلان | |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الإثنين 25 يوليو 2011, 1:56 pm | |
| عبد المجيد محمد حدباى رحمة الله عليه كان رجل خلوق وطيب المعشر ويمتاز بالطرفة والنكتة وكان حاضر البديهة وسريع الرد ويجيد حكى القصص ومحبوب لدى الجميع وكان يمثل العمود الفقرى لبيت العزابه باركويت من طرائف ونكات وقصص ومواقف طريفة وكان يملى البيت بالفرح والسرور وكان هميم ونشيط ويتمنى الخير للجميع وكان عندما يغيب من بيت العزابة تجد البيت كئيب وليس بة حركة الدعاء لة بالرحمه والمغفرة يارب ارحمه واغفر لة
ومن طرائفه
كان مقدم فى احد شركات البترول لكى يشتغل سا يق وهو كان من اميذ السواقين من ابنا جيله وقدم طلبه وعمل المعاينة الاولى وهى السواقة ونجح بامتياز والمعاينة الثانيه هى مقابلة المدير العام ودخل على المدير العام ثم جلس على الكرسى وقال له المدير العام نجحت بامتياز فى السواقه قال لة عبد المجيد دا كلامك وقال لة المدير العام عندنا تانى شرط اساسى وقال له عبد المجيد اشرط ساى على كيفك طالما نجحنا فى امتحان السواقه تانى مافى عوجة تب قال لة المدير العام بتعرف تتكلم انجليذى عبد المجيد قال له أأأا قلت شنو انجليذى شنو والله انا العربى دا اكان اتكلمو معاى سريع سريع ما بفهمو تقول لى انجليذى
ملاحظه نتمنى من الاخوة امير محمد حمد ومحمد نورالله المداخلة لانهم يعرفون الكثير المضحك والمواقف الطرئفة عن عبد المجيد وعبد المجيد نفسة اكان له معذة خاصة للاخوان امير ومحمد نورالله نتمنى منهم ان يحكو لنا قصص عبد المجيد الطرئفة
عدل سابقا من قبل محمد عنتر في الإثنين 25 يوليو 2011, 2:00 pm عدل 1 مرات | |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الإثنين 25 يوليو 2011, 1:58 pm | |
| - محمد عنتر كتب:
- عبد المجيد محمد حدباى رحمة الله عليه كان رجل خلوق
وطيب المعشر ويمتاز بالطرفة والنكتة وكان حاضر البديهة وسريع الرد ويجيد حكى القصص ومحبوب لدى الجميع وكان يمثل العمود الفقرى لبيت العزابه باركويت من طرائف ونكات وقصص ومواقف طريفة وكان يملى البيت بالفرح والسرور وكان هميم ونشيط ويتمنى الخير للجميع وكان عندما يغيب من بيت العزابة تجد البيت كئيب وليس بة حركة الدعاء لة بالرحمه والمغفرة يارب ارحمه واغفر لة
ومن طرائفه
كان مقدم فى احد شركات البترول لكى يشتغل سا يق وهو كان من اميذ السواقين من ابنا جيله وقدم طلبه وعمل المعاينة الاولى وهى السواقة ونجح بامتياز والمعاينة الثانيه هى مقابلة المدير العام ودخل على المدير العام ثم جلس على الكرسى وقال له المدير العام نجحت بامتياز فى السواقه قال لة عبد المجيد دا كلامك وقال لة المدير العام عندنا تانى شرط اساسى وقال له عبد المجيد اشرط ساى على كيفك طالما نجحنا فى امتحان السواقه تانى مافى عوجة تب قال لة المدير العام بتعرف تتكلم انجليذى عبد المجيد قال له أأأا قلت شنو انجليذى شنو والله انا العربى دا اكان اتكلمو معاى سريع سريع ما بفهمو تقول لى انجليذى
ملاحظه نتمنى من الاخوة امير محمد حمد ومحمد نورالله المداخلة لانهم يعرفون الكثير المضحك والمواقف الطرئفة عن عبد المجيد وعبد المجيد نفسة اكان له معذة خاصة للاخوان امير ومحمد نورالله نتمنى منهم ان يحكو لنا قصص عبد المجيد الطرئفة | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: من طرائف ظرفاء العريجاء الأربعاء 27 يوليو 2011, 2:45 am | |
| يوسف ود حسب الله (عليه رحمة الله) طبعاً كان مسكين كده وشبه متخلف عقلياً... زمان في أول ستينيات القرن الماضي كان يوسف يدرس بخلوة الفكي عبد الله بالعريجاء، وكان معه في الخلوة عدد كبير من أبناء القرية منهم محمد منوفلي وعمر البشير وميرغني موسى...
حكى لي عمر أخوي، قال لي: الفكي سأل يوسف ود حسب الله، قال ليهو: داير تعرس مني يا يوسف ؟ فرد عليه يوسف: داير أعرس أُمْحمد ود عمي منوفلي ده.. وأشار إلى محمد منوفلي، فانفجر الأولاد ضاحكين وضحك معهم الفكي عبد الله أيضاً.... وطبعاً محمد منوفلي زعل زعل شديد من يوسف، ولمن طلع بره قام عليهو لبَّعو تلبع شديد !!! | |
|
| |
محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: رد: من طرائف ظرفاء العريجاء الخميس 28 يوليو 2011, 3:10 pm | |
| الشيخ محمد زين هو الشيخ ود حسنة اخوانة عبد القادر وملك الدار الشهير بود ضارى
وله اخ شقيق خارج القريه وهو شاب محبوب جدا جدا له طرائف ومواقف وحكى لنا
اخو ة الاكبر عبد القادر قال رسل الشيخ اخوة الى بله ود البشير لقدوم والقدوم هو الذى
ينجر به العنقريب ويستعل ايضا بدل الفرار وقال لة عبد القادر امش لى بله ود البشير
داك قول ليهو قال ليك عبد القادر اخوى ادينى القدوم الننجر بيه العنقريب دا واجيبو ليكم راجع
وذهب الشيخ والشيخ له لجنة فى لسانو وذهب الى بله ود البشير وقال له بله عمى قال ليك عبد القادر
اخوى ادينى قدوم
واذا ببله ود البشير يمد قدومو اى شلاليفو ويقول للشيخ هاك قدوم
وانفجر الشيخ من الضحك وجرى جرى الوحوش وهو يضحك الى عبد القادر
وقال لعبد القادر بلة ود البشير سواها شينة تب عبد القادر قال ليهو مالك
الشيخ قال ليهو هوى يا عبد القادر اخوى امش جيب قدومك براك من بله ود البشير دا | |
|
| |
| من طرائف ظرفاء العريجاء | |
|