شوق وحنان وريد

شوق وحنان وريد

للشاعر
علاء الدين ابوسير
غناء
عبد الرحيم ارقى

رويان من قليبك يمة شوق وحنان وريد
غرقان فى عفوك واللة من ما قم وليد
يفضل فى القلب زكراك مهما اكون بعيد
كل ما زاد عفوك على اقول هل من مزيد
ماسافرتة عشان ارتاح اعيش هانى وسعيد
ولا هم العرس يايمة كان بيت القصيد
لاتقولى إنو فات خلاكى جافاك الوليد
شاغلاة المدائن العايمة اسراتنو غييد
مابتشغلنى عنك حاشا لا مال لا وليد
ولابتمنعنى شوفتك يمة اغلال الحديد
ما كان قصدى هجرك يمة لما ارحل بعيد
قصدى امسح دموع بالحسرة جارية على الخديد
لا تلومينى إن قصرت او أتاخر بريد
ما هو جفا السبب واللة ما نسيان اكيد
بين اتنين وليدك يمة بالو صبح شريد
بين يرضيك وبين يا والده يرضى طموح عنيد
رضاك يايمة كلو منايا وغاية ما اريد
تحقيق الهدف ما ببقى بالتمن الزهيد
يومى قليبى فى زكراكى يجترى ويعيد
طيفك ما ببارح لحظة حامينى الغميد
الله براهو عالم يمه مشغول بيك شديد
ومنايا جنبك اعيش والله لو كان ليا ايد
لازم يمه انسيك الشجن واللوعة والفرح الوئيد
لازم تنسى زمنا فات وتعيشى زمن وليد
لازم كل تعبك فينى اتعبو فيك وازيد
لازم اشيلا همومك وإلبسك الجديد
دينك فوقى ما بتحلا لا يوم الوعيد
شبابى فداكى وكان ما كفى ليك عمرى الوحيد
ما بتلهينى عنك دنيا وما بمسكنى قيد
ما انتى الفرح والراحة والهوى والرصيد
ليكى سلامى ما محدود من الارقام يذيد
عدد زرات تراب الكون جبال وسهول وبيد
عدد ما اشرقت انوار وطل صباح جديد
وعدد ما نسمه هبت باردى داعبت الجريد
كل منايا تلقى العافية والعمر المديد
تفرحى بيا يوم الفال تباركيلى الجديد
يوم داك بالفرح نتباكى ونتقالد شديد
وتبقى الدنيا بسمت ليا وجات زى ما اريد
جايييك جاى لى عينيك منها ما احيد
ومنها نستمد الراحه ومنك نستفيد
ويمتد فرحنا ويبقى عمرى انا كلو عيد
وفى حضنك اكيد للدنيا لون وطعم جديد

اتمنى ان تنيل اعجابكم
عاشق الطمبور ود عنتر

قصيدة رقيقة يا ود عنتر... تمازج شغاف القلوب، وتنسرب في حنايا الروح، فتثير لواعج الأشجان، وتضرم الحنين في الوجدان.

فيها تلك الرقة المعروفة في شعر أهلنا الشايقية، والحنية الزايدة، والمشاعر الجياشة، وفيها أنفاس إسماعيل حسن، وحسن الدابي، ومحمد سعيد دفع الله، والسر عثمان الطيب، عبد الله محمد خير....

اسمع كلام امك تعال

غناء عبد الرحيم البركل

اسمع كلام امك تعال
الغربة ماها كنز قروش
والغربة ماها بيوت ومال
الغربة كم زلت نفوس
والغربة كم هانت رجال
بوصيك يا وليدى الحنين
اسمع كلام امك تعال

سمح الشغل فى ارض ابوك ارجع تعال ما تودرا
ارويها من عرقك زلال ارميها بى تراب خضرا
شوف السنابل كيف تميل تشبع بلدنا نصدرا
والغربة تب ما فيها غير عيشة العزاب والدردرا

مالك على شغل الايجار واطاتنا بور صبحت وراك
لية تبغى خدام للغريب ما انتى سيد نفسك براك
انا عينى فى نص الليل ترف وقلبى الحنين نومى اللى راح
من شوفتك قلبنى المنام واصبح مناى عيناى تراك

ارجع تعال يا الحنين مالك على عيشة الشقى
شوف كيف تمرنا سبيطو مال والنيل روى الوديان سقى
ما بتلقى غير رزقك هناك يا ريت نصيحتى تصدقى
ارجع تعال والزاد المكتوب ليك فى ارض ابوك بتلحقى

ارجع تعال خلى الشقى وعيشة الكرب
فى ارضك المقسوم بجيك فى الغربة او هنا ليك رب
سودانا اصلو بلد الخير ليهو الكريم النيل وهب
سودانا واللة العظيم وطاتو اغلى من الدهب

ملحوظة

شكر خاص للخال اسماعيل على المداخلة الرايعة
وهو دوما رايع ومشارك فى كل الاحداث والمناسبات
لة التحية والتجلا والاحترام حقيقة يا خال سماعيل
شعر الشواقية حنين ورقيق ويدخل الى القلوب مباشرة

عدد المساهمات : 234 تاريخ التسجيل : 18/10/2010

كل التحية والتجلي لك اخي محمد والخال اسماعيل وجد قصايد في قمة الروعة والحنين الي البلد والامهات تسلم
تخريمة:ود عنتر شكلك الشوق غلب

مشكور ود الخالة الغالى على المرور لكين ود خالتك صنديد
بستحمل الغربة والفراق لكين مرات بجيك الحنين والشوق للبلد
للشقة ببيت ناس ابوك ود حمد مارق على نا س ابوى حسين
تشرب لبينتك المقننة من امك بخيتة وتمرق عدل على ناس امك زينب بت
حدباى تدبل اللبينة المقننة وتجى راجع على دار ابوك عنتر
بدين مادى كريشتك وامك احلام ست النسوان تقول ليك
يا ولد مشيت وين العشاء دا برد اجيبو ليك العشاء وتمعسة تانى

عليك اللة يا البرنس داء ما برجع البلد

هاااااااااااااااااااااااااااااااااااك دى يل برنس
انا عارفك قلبك رهيف وحنين ودميعاتك فى رش رش عيونك
ومشتاق لى اهلك ناس التكينة مشتاق للبحر ولى جرف جدك فتح الرحمن

يا راحلى لى بلد الغبش شيلينى فى خاطرك نغم اكان القى لى هناك عش وارجع معاك انا

وارجع معاك انا يا طيور****خلف الزمن كم سنة
اتمد فى امل الوصال**** وارحل معاك سرب المنى
وانزل هناك فوق تقى**** وطاطة يا بسة مشققة
كانت مسقية بالغناء وليك يا طيور كانت وطن كانت رخا وخيرا دنا

اطرا البلد وناس البلد****ليل البلد وصبح البلد
لو عارفة يا الفاردى الجناح****انا بى شوق ما ليهو حد
للنيمة والضل الرهيف****والنسمة والسعن البرد
لى لوبة فى صدر الجروف****والنيل من الحيضان شرد

لى ابوى فوق برش الصلاة****فرش طرف توبو ورقد
لى مرقت القبت العصير****قاصد سبيل الخير قصد
لى لحظة من عمر الزمان****لا حسرة لا هم لا حرد

اه يا طيور واشواقى انا****انا يا طيور مشتاق كتير
ما لى جناح متلك اطير****لو لى جناح انا كت بطير
وانزل قصاد بير الفريق****لى شوفت الواردات عصير
وامسك دلو الرايقى واجر****واملالها وابراهن غفير
لامن خلاص هن يوصلن**** وانا تانى اواصل للمسير

اوصل هناك حد الترب****واقعد قصاد جدى الكبير
اضحك من الشبة الشديد****بين حظى والليل والمصير
وازكر الزمن البعيد****وكتيت ابوى الحاج سعيد
يقلعولو فى انتاى كانت ****قايما ليها فى حوضا جديد
انا وزكره الناس العزاز تلقانى فى نومه الدغش اه يا طيور اه

القصيدة للشاعر خالد شقورى