كلما يقلع زول يغتس زول (بقيتوا زي تماسيح أم رهو)

حكايتكم عجيبة يا أولاد العريجاء!!!

كلما يقلِّع منكم زول يغتس زول غيرو (الشي حاكيتو تماسيح أم رهو ؟؟!)....

يقلع محمد نور الله بعد غياب طويل، ويغتس عوض الجيد مصطفى غتسة عدوك المعاديك.... ويقلع مهند أحمد عطا المولى بعد ما نسينا شكلو زاتو، ويغتس محمد عبد الملك غتسة ولدنا الغرق في الترعة الغرنوق... ويقلع أخو التومات بعد نومة أهل الكهف، ويغتش عبد الكافي ود الزبير غتسة الزبير... ويقلع أمير الآدمن بعد بيات شتوي متطاول، ويغتس خالد الجاك غتسة حجر في بلاعة... ويقلع مجدي محمد حمد، ويغتس بكري إبراهيم الغتسة الياها ...

وقائمة المتغيبين طويلة جداً فهي تشمل أيضاً الخال رياض، وإبراهيم عبد الرحمن، وآمنة عبد القادر، وعلم الدين حامد، وقروارة، وأصيل الدين، وبنت النبي.... الخ.... فياليت شعرى، إلى متى سيستمر هذا الوضع ؟؟؟!!

تخريمة: لا يسعنا – ونحن نعيش مثل هذه المعاناة – إلا نسدي أسمى آيات الشكر والتقدير للعنتر الصغير (محمد عنتر)، مدير التشريفات والمراسم بمنتديات العريجاء، الذي لا يألو جهداً في دعوة زملائه ورفقاء دراسته للانضمام إلى عضوية المنتدى، كما يسارع بالترحيب بكل عضو جديد يطل برأسه عبر بوابة المنتدى...

لقد قسمت ظهرى الخال العذيذ والرايع جدا جدا اسماعيل
ولك منى كل الود والاحترام والتقدير يا الخال العذيذ
وهذا ما تعلمناهو منكم انتو الذين سبقتونا على المنتدى
وهذا هو واجبى كعضو من اعضاء المنتدى وانا واخوتى
واخوانى فى المنتدى كلنا مكملين لبعض وروح واحدة

بالنسبة لغياب وحضور بعض الاعضاء
واختلاف زمن الحضور كل واحد عن الاخر
هذا نتركة للظروف
لكين
نتمنى ان نجتمع كلنا فى يوم واحد تحت ضل شجر
الخور السمح دا

» قصة كلما أقراءها أحس أنها حدثت اليوم
» الف مبروك لصقور الجديان (تماسيح النيل )