| حوى النبي شاعر العريجاء الكبير | |
|
|
كاتب الموضوع | رسالة |
---|
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: حوى النبي شاعر العريجاء الكبير الإثنين 12 مايو 2008, 6:13 pm | |
| بسم الله الرحمن الرحيم حوى النبي، شاعر العريجـاء الذي ملك ناصية شعر الدوبيت اسمه بالكامل حوى النبي محمد صالح العبيد عبد الله المحينة، وهو شاعر كبير، ذو موهبة فذة، وقريحة ثاقبة، وشاعرية متوهِّجة، وهو مشهود له بعلو الكعب في شعر الدوبيت على نطاق منطقة واسعة، تشمل مناطق كبيرة من النيل الأبيض والجزيرة. وحوى النبي ينحدر من أسرة فيها الكثير من الشعراء، فخاله (محمد نور) شاعر فحل، وهو أستاذه الأول، وابن خالته (الأمين) شاعر لا يشق له غبار في مضمار الدوبيت، هذا من جانب أمه (بالمناسبة حوى النبي أمه كاهلية حسناوية)، كما أن عشيرته لأبيه (المحيناب) فيهم العديد من الشعراء الذين برزوا في هذا الفن من الشعر الشعبي؛ من أمثال عبد الرحيم ود المحينة، وخالد ود موسى، بالإضافة إلى العبد لله. وقد كان حوى النبي في صباه يتغنى بأشعار علي ود حجَّاج (شاعر من منطقة طابت) وأحمد ود أحمر عين (شاعر من النيل الأبيض)، بالإضافة إلى أشعار خاله محمد نور، ولكنه لما كبر واشتد عوده برع في نظم شعر الدوبيت ،وطبقت شهرته الآفاق، بما يفوق هؤلاء الذين كان قد تتلمذ على أيديهم.
ولكن المشكلة الحقيقية أن حوى النبي لا يروي للناس شعره وحده، بل يروي معه كذلك أخلاط من أشعار منسوبة إلى العديد من الشعراء الآخرين من أمثال ود حجَّاج، وود أحمر عين، وشعراء البطانة كالصادق ود آمنة، وأحمد عوض الكريم أبو سن، وعبد الله ود شوراني، وطه ود الشلهمة، وود شعيت، ...الخ. لذا فإنه من الصعب على المتلقي غربلة هذه الأشعار لفرز شعر حوى النبي الذاتي من شعر غيره ممن يروي عنهم من أساطين الشعر الشعبي (الدوباي). وربما يكون هناك بالقرية من يحفظ من أشعار حوى النبي أكثر مني، ولكن إليكم طرفاً مما أحفظه من أشعار (الحوا): الـمَــرَض الـعـَــلـَــيَّ مِــطـَــــــــــــــــوِّل يمسي يمين ويصبـح بالشمـــال متحـوِّل تقـَرَةْ معـيـز قِـمِـــش الجـَّمــــالا بهـَــوِّل يا سـتـَّار وطِـيـت فـوق عقـربا المِشَّـوِّل ************** أنا كان ما شقي وكان ما شقاوتي شقيَّة ما سوِّيت زراعـة ما بين زحل وأبْ ريَّا ناس الشافعــــــــــة المنوســـــــرا بـيَّـا خلتني سـاكـن في أخـلاقــي باليـومــيـَّة ************** أمـِّــــــــــــــك تـقـــــــــول يـا مـــديـنــة وخـالـتــك تقـول يا الملكــــــة شرَّفتينـا بِت عِزْ بت نِحاسْ بت البتركـو الشينـة عينك ساعــة بسْ حاجبك عليها كتينـة (هذا أيام كانت مينا الساعة دائما بيضاء والكتينة سوداء) *************** جِـديْـة الـروقـَـل البـي القـَـنـوب رصَّـادة دعجا، كاحلـة، يضوي في الظلام خـدادا صورة الجمـال ماخداهـا قاطعـة شهـادة مـن عين الحسـود يا ربي فـوق السـادة ************** ملكة وبت ملـوك في الشيـنة ما بتتعـيَّـل وشِـنْ تشبه بـرا القنَّاصــــو عبَّ و شيَّل الشَّلاخ ماسك الدموع تسعة يوم ما سيَّل وشوفتِـك تسلِّـم القلب الشهــــادة ومـيَّـل *************** ويبقى الباب مفتوحاً لكل من يحفظ شيئاً من أشعار هذا الأديب المبدع لكي يدلي بدلوه في هذا البوست. إسماعيل البشير (الذبيح)
عدل سابقا من قبل Ismail في السبت 01 نوفمبر 2008, 1:15 am عدل 3 مرات | |
|
| |
Admin Admin
عدد المساهمات : 302 تاريخ التسجيل : 30/12/2007
| موضوع: ابو حوا الثلاثاء 13 مايو 2008, 3:52 am | |
| والله الليله يا ابو مسلم زكرتنا القعده في الراكوبه والناس حايشاهو من كل مكان كل واحد داير اسمع منو وانا لا انسي اول مقطع اسمعو منو كان بيقول فيهو حالي حال الربطوهو وشتتولو تسالي
طبعا ماعارف الباقي بس كان محيرني الربطو دا شنو وماعرفتو الا بعد زمن طويل بعد داك جات حكاية التسجيل كل واحد داير اسجل منو ( شريط وكان يبداها بي ( بسم الله الرحمن الرحيم حوي النبي محمد صالح العريجا
وكان معلم كل ضيف جاء الحله داير اشوف حوي النبي والمحظوظ البلقي طريقه اسجل منو شريط وبا المناسبه حوي النبي دا عندو مسدار سميناهو مسدار الدقاقه فيهو اكتر من عشره مربعات زيو زي مسدار الحاردلو بتاع الصيد فيهو حكايتو مع الدقاقه وناس الدقاقه وعشان ما نمش بعيد دايرين واحد اقعد في الواطه وامسك في حوي النبي واكتب لينا كل حاجه وربنا اديهو الصحه والعافيه وتحياتي | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: ود الكدك ممكن يعملها الثلاثاء 13 مايو 2008, 2:16 pm | |
| بسم الله الرحمن الرحيم
بالمناسبة حوى النبي شاعر ذائع الصيت، وكلما زار قرية من قرى النيل الأبيض الكثيرة، حيث يقيم بعض أهله وذويه، يتجمهر الناس كبيرهم وصغيرهم، رجالهم ونساءهم، ويجلسون لساعات طويلة يستمعون إليه، وهو جالس في وسط تلك الدائرة الكبيرة على كرسي أو عنقريب. وحوى النبي إن كان جل شعره في الغزل، فإنه قد نظم أيضاً في أغراض أخرى مثل الرثاء والمديح والهجاء والإخوانيات ووصف الطبيعة. وله مسادير كثيرة منها مسدار العِمَّة (عِمة عثمان ود الحسين)، ومسدار السفنجة (اللوري البيدفورد)، ومسدار أم شراع (إحدى قرى أهله بالنيل الأبيض)، ومسدار البرينسة (أول أيام دخول البكاسي في القرية)، ومسدار الدقَّاقة، ومسدار مركب الحوَّاتة، ومسدار الحزام الأخضر، وله مسدار قديم في رثاء عمه الكدَّك (رحمه الله)، وله مساجلات مع إبراهيم ود الهادي، خلال السنوات الأخيرة، وغير ذلك كثير. وربما يستطيع شخص مثل بدر الدين الكدك، على سبيل المثال، أن يكتب شيئاً من أشعار حوى النبي توطئةً لنشرها في منتدى العريجاء. إسماعيل البشير | |
|
| |
badr kadak
عدد المساهمات : 55 تاريخ التسجيل : 07/04/2008 العمر : 49
| موضوع: رد: حوى النبي شاعر العريجاء الكبير الأربعاء 14 مايو 2008, 11:10 pm | |
| التحيّه لكم جميعا وانتم تطرقون حياة الشاعر الهرم خالي العزيز حوي النبي محمد صالح اطال الله عمره وحرىًّ بنا ان نوثق له لانه ابداعً يتدفّق واعدكم عند اوّل نزولُ لي موطن اهلي سوف اوافيكم بالكثير من اشعاره وعما قريب ان شاء الله
بدرالدين الكدّك | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: ولا ينبئك مثل خبير الخميس 15 مايو 2008, 7:53 pm | |
| - badr kadak كتب:
- التحيّه لكم جميعا وانتم تطرقون حياة الشاعر الهرم خالي العزيز حوي النبي محمد صالح اطال الله عمره وحرىًّ بنا ان نوثق له لانه ابداعً يتدفّق واعدكم عند اوّل نزولُ لي موطن اهلي سوف اوافيكم بالكثير من اشعاره وعما قريب ان شاء الله
بدرالدين الكدّك إديك العافية يا ود الكدك، الله يخدَّر ضراعك، ويكتر مباعك، قول يامين!!! جيب لينا روائع خالك وعمك حوى النبي، والضوْ ما بقولوا سوْ، والواعي ما بوصُّوا!!! خالك الذبيح | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: من روئع حوى النبي السبت 24 مايو 2008, 10:06 pm | |
| بسم الله الرحمن الرحيم حوى النبي محمد صالح قال: ديفة البجادعن بالوداي أب جزو وضُمِّيري فستان الخـواجـــة الما فصَّلـوهـو سـديـري الســبـب الـمـآذيـنـي ومـعـــرقــِــل ســيـري شـاتـل المـنـقــة بي يـدَّي وبقـت لي غيري وصحَّ الله لسانك يا الحوا إسماعيل البشير | |
|
| |
Admin Admin
عدد المساهمات : 302 تاريخ التسجيل : 30/12/2007
| موضوع: رد: حوى النبي شاعر العريجاء الكبير الخميس 27 نوفمبر 2008, 3:12 am | |
| - badr kadak كتب:
- التحيّه لكم جميعا وانتم تطرقون حياة الشاعر الهرم خالي العزيز حوي النبي محمد صالح اطال الله عمره وحرىًّ بنا ان نوثق له لانه ابداعً يتدفّق واعدكم عند اوّل نزولُ لي موطن اهلي سوف اوافيكم بالكثير من اشعاره وعما قريب ان شاء الله
بدرالدين الكدّك ياجماعة الخير يكون بدر الدين دي لسع مارجع البلد ولا الحكايه شنو مطنش ومهمل خالو كدي غايتو نحنا سبقناهو وشلنا اخر انتاجو غزوة ام درمان وبنجيبا ليكم قريب ودي كمان اخر صوره لي ابو حوا [ URL=http://www.3rrb.com/viewer.php?file=vw0e43l3gn6wqbr3zpvh.jpg] [/URL] | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: حوى النبي شاعر العريجاء الكبير السبت 29 نوفمبر 2008, 8:24 pm | |
| بسم الله الرحمن الرحيم
عرفناهو دا حوى النبي، بشحمو ولحمو، لكن الشاب الظريف القاعد جنبو دا منو؟؟؟! وليه مصوكم الفاضل ما لفت نظرو عشان يشرب بي يدو اليمين؟؟؟!!!! | |
|
| |
| حوى النبي شاعر العريجاء الكبير | |
|