زى لون الفرح زى نسمة

غناء محمد النصرى

زى لون الفرح زى نسمة زى طعم السعادة امانى
من عينها اول نظرة زوبت العناد فى كيانى
امانى

احلى من الامل والله احلى من الربيع وازهارو
لا محدود ولا متناهى نورا فى اشعل نارو
دون احساس وقفت اماما دقيت لي هواى اوتارو
غنيت فى جمالا اغانى من وحى الغرام واشعارو

امانى

ارتديت بعد ما تبتة من قولت بريد وبعانى
حتى شقاى يوم ودعتو عارف نفسو راجع تانى
عارف انو فى ايامى اقدار بالعذاب راجيانى
واشواقى مابتخف تتضارى با الاما تتحدانى

امانى

سلمت ورضيت بالقسمة بى لهفة فؤادى وحالو
بى احلام عيونى الساهرة بى طيف الحبيب وجمالو
عارف ما بقاوم حسنو يهزمنى الجمال فى دلالو
تاسرنى النداوة الفيهو الرقة وبشاشة اقبالو

امانى

خايف من ظروف تعيدنى لى اسف العواطف تانى
وارحل بدروب ودارة واغرق فى بحر احزانى
اتناسيت زمان المرة حتى زمانا اتناسانى
كيف انسى الملكنى هواهو كيف تنسى الامانى امانى

امانى
ياكعبة طواف احساسى يا مرسى الجمال ومدارو
جيتك والامل سايقنى لى ورد الخدود ونضارو
افتحى لى باب فى الجنة بى همسة هواك واسرارو
واسقينى الفرح واستنى اعرفى قلبى اية اخبارو

امانى

فى عينيك تدين الروعة واروع ما حواهو زمانى
تتوهج تشع زى فكرة زى نجم الصباح الدانى
افتحى لى فيها مكانة خليها التكون عنوانى
ما دام فيها لى تتجلى قدرة ربى يا ايمانى

امانى امانى امانى امانى

عاشق الطمبور ود عنتر