يوميات عزابي في رمضان!!

زائر

اقتباس :: اقتباس : المشاركة الأصلية كتبت بواسطة احمد الجعلي [ مشاهدة المشاركة ]
اها يا نوسه كان قاعد افطر في مائدة الرحمن ولا فوق برش اقعد اصور ولا اكل هوووي انتي صور وانا غايتو بجيكم مشمر يدي تب .ودعتكم الله

تسلم يا أحمد يا برلوم وانت داخل الصينية بالطول والعرض كدا وكمان مشمر عن ساعدي اللهط..
ولكن تعرف اللخو أنو هناك من هو أسوأ منك حالاً؟؟؟
نعم اللهو العبد لله .. طبعاً أولاً في التبادي أخوكم الأيامات دي عزابي في البيبت براي أنا والليل والقمر بعدما طفشنا الشفع وأمهم قلنا نغير شوية في محاولة لكسر الرتابة و دفع النكد (نظام شلاقة ساااه) .. كدي خليني النحكي ليكم بشتنة اليومين الفاتو ديل بس.. ولعل شر" البليلة" ما يضحك.. طبعاً الواحد ندم كتير في حياتو لاكين عن نفسي أندم ما أندمني سحور أول أمبارح عندما ظبطت ليك الرقاق العجيب معطون في الروب ومتقل بأوتاد من بلح القنديلة الغلاد و جنبو النشاية معطرة بروس المحريب و الآبري الصاقط... ديل كلهن زحيتن ليك جانباً و أنا أضمر نية السوء إني أقوم عليهن بعد غفوة تعسيلة بسيطة لا كنها جرت معاي لليوم التالي فأصبحت أندب حظي وأقرع سن ا لندم عندما صحيت لأجد الندي وقد تجمع إكليلاً خمرياً يرصع وجنات الآنية..
وأما البارحة فمشيت جبت لي عقلة خدرة ماكنة ورقتها و كطعت البصل وأنا أزرف دموع التماسيح و رميتا فوق الخلطة من سليقة اللحم والذي منوثم قدحتها ليك بكاتولة كربونات و يلا قعدت أدرج ليك فيها بالمفراكة لحد قريب البياح.. ولكن يا لخيبة الأمل لقد مات كل شيء في تلك الوصفة حتي عضلات إيدي عدا شيئاً واحداً لم يمت ، ألا وهو الخدرة ظاطا.. فاضطريت أعشقها بترتار ويكلة ألايقها ثم أنزلها سوداء متل بوهية الجملكة بعد أن شممت رائحة الحرق في نخري.. بعد داك ركبت الطاجن عست اللقمة ثم ربطت رأسي بعصاابة حمرااءعلى طريقة " الدبابين" وقعدت آكل فيها أبلع ليك ظط ظط بلاطعم ولا لون محددين ولم يحملني على ذلك سوى مغسة الدواشات و التكاوين الخسرتها فيها..

هههههههههههههههههههه ههههههههههههههههههه هههههههههههه هههههههههه

والله يا ود الاصيل الاصيل ما تستاهل رقم انهن يومين لكين جهجهنك و تعبتة فوقن تعب شديد

ربنا اعظم الاجر ويدى العافية والله سحورك بالجد ازعل زعل اشق كررررررررر

لكين بالغته فى الخدرة دى ليش تختار الصعب ما دام العدس والفول موجود ويا خى

انت براك حله خضرة كامله تعمل بيها شنو اعمل حسابك من الطبخات الصعبة من امثال

خضرة ورجله وباميه مفروكه اقع الطبخات الساهله ناس عدس وفول وفاصوليا وسليقه

يا ود الاصيل قول براى سويتا فى نفسى وقلبى الحبى ما واعى

الله اعينك يا ود الاصيل لكين سحورك ازعل

زائر

محمد عنتر كتب:: هههههههههههههههههههه ههههههههههههههههههه هههههههههههه هههههههههه

والله يا ود الاصيل الاصيل ما تستاهل رقم انهن يومين لكين جهجهنك و تعبتة فوقن تعب شديد

ربنا اعظم الاجر ويدى العافية والله سحورك بالجد ازعل زعل اشق كررررررررر

لكين بالغته فى الخدرة دى ليش تختار الصعب ما دام العدس والفول موجود ويا خى

انت براك حله خضرة كامله تعمل بيها شنو اعمل حسابك من الطبخات الصعبة من امثال

خضرة ورجله وباميه مفروكه اقع الطبخات الساهله ناس عدس وفول وفاصوليا وسليقه

يا ود الاصيل قول براى سويتا فى نفسى وقلبى الحبى ما واعى

الله اعينك يا ود الاصيل لكين سحورك ازعل

ويعين الجميع يا عنتر و مشكور على المواساة الوجدانية وي ا ليتك تعمل على تفعيلها ولو بقدح لقمة عبر النت من أبو ظبي..أ على العموم ضحك الله سنك و لا أشبع لك بطناً أخي..و ينك ياخ ما ظاهر من دخل رمضان بالباب مرقت بالشباك و لا شنو؟؟ و أما إذا دار محور سعالك عني فإني قريب من قلبك أجيب دعوة الداعي إذا دعاني (لإي فطور) ؛ خاصة و أنني كاسر كرونة طيلة الشهر الكريم لا شغلانة لا مشغلة اللهم تلقاني هائم على وجهي متنقلاً يبين موائد الرحمن أينما و جدت.. و أسافر ليها إن شاء الله كان في جوباً...
بالمناسبة ..هاك واحدة خفيفة.. قال ليك واحداً من عروبنا ديل داقشين البنادر ببيعو االلين و بعض مواد التشاشة على ظهور الحمير ..ففي يوم أدركه مدفع الأفطار و هو حايم هفتان و عطشان في آخر رمق فعرج على زاوية جماعة بخلاء لقاهم يا دوبك يميطون لثام الطباقة عن الصواني.. بهنا العصائر وقد تجمع الندي على وجناتها كما إكليل الجبل ؛ و بهناك السلطات والملطات العجيبة؛ دا غير المحمر والمشمر..و لكن أشد ما استرعى هتمام الأعرابي و أسال لعابه لعله كان قدح اللقمة وقد رأى أحدهم يريق النعيمية على جنباته كما الشلال السادس.. قام أخونا الضيف ألقى تحيته على السامعين مثنى وث لاث و رباع و لكن لا اضان لمن تنادي.. فملا استيأس منهم ذهب مغاضباً و قشط حمارو المسكين قشطتين وانتهره متحسراً: عرررررررررر ، إن شاء الله ملاح الروب اليكسسسر ركبيك ديل

Admin عدد المساهمات : 302 تاريخ التسجيل : 30/12/2007

والله ياود الاصيل حالك اعزو فيها بس نحنا رمضانا عينه وعازمنك فطور تفش غبينتك بس رمضان
مولع والشمش في الراس وذكرني حكاية جدي حمد في يوم رمضاني طويل وعطش شديد
بعد الفطور قعد بعيد من الناس قالوا لي قوم صلي قال خلوني شويه لاكن عليالطلاق اجي
تاني يوم زي دا الا اصوم ودبدر براه
وبيني وبينك رجع الاولاد احسن ليك (والبيت برا مره مقدود بي وره)

كسره
والله كل ماقرا ليك موضوع بتذكر ابو الجعافر المسخوت القاعد في قطر واتو من مدرسه واحده
وتحياتي ياكتاب

زائر

Admin كتب:: والله ياود الاصيل حالك اعزو فيها بس نحنا رمضانا عينه وعازمنك فطور تفش غبينتك بس رمضان
مولع والشمش في الراس وذكرني حكاية جدي حمد في يوم رمضاني طويل وعطش شديد
بعد الفطور قعد بعيد من الناس قالوا لي قوم صلي قال خلوني شويه لاكن عليالطلاق اجي
تاني يوم زي دا الا اصوم ودبدر براه
وبيني وبينك رجع الاولاد احسن ليك (والبيت برا مره مقدود بي وره)
كسره
والله كل ماقرا ليك موضوع بتذكر ابو الجعافر المسخوت القاعد في قطر واتو من مدرسه واحده
وتحياتي ياكتاب

تسلم يا مدير لمرورك الأنيق و مشكور على النصيحة..خاصة إنهم هناك في معاناة شديدة يفطرو من هنا و يستفرغو يبعبعو كل حاجة من هنا.. يعني باقيات علينا قدين بي ورا واحد في البيت و الثاني في الجيب.. غايتو ربك يعظم الأجر