ندي

زائر

نـــــــــــــــــــــــــدى

قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى

عدد المساهمات : 13 تاريخ التسجيل : 04/06/2008

التحية للاخ الرائع مصعب الصديق علي الإهتمام . واود التنبيه للجميع ان هذه القصيدة لزميلنا الشاعر محمد علي عبد المجيد .. أما قصيدة ندي التي تخصني . . فقد تمت طباعتها ونشرها في ( ديواني الأول . . حلمنتيش هيلاهوب عام 1991 م ) . . ولك الشكر والتحية .

موضوع: رد: ندي الأربعاء 14 سبتمبر 2011, 7:38 pm

محمد حسن حدباي كتب:: التحية للاخ الرائع مصعب الصديق علي الإهتمام . واود التنبيه للجميع ان هذه القصيدة لزميلنا الشاعر محمد علي عبد المجيد .. أما قصيدة ندي التي تخصني . . فقد تمت طباعتها ونشرها في ( ديواني الأول . . حلمنتيش هيلاهوب عام 1991 م ) . . ولك الشكر والتحية .

بصراحة يا حدباي القصيدة دي كلها نبز وشتيمة وأحسن منها قصيدة (الحيطة) بتاعة إسماعيل نوح، ولو كانت قصيدتك (ندى) من نفس الطراز عاد نقول شنو غير (الشهادة والعمل الطيب)!!

بعدين ياخي دخلتك مالها سريعة وعلى عجل كده زي الساكيك زول!
كنا دايرين نشوف شطارتك في حل المسابقة العريجاوية العاشرة!!!