العيد وصله الرحم

فى هذا اليوم السعيد اليوم الجميل يوم البهجة والفرحة يوم يتبادلون فيه
الناس الزيارات والتهانى والتبريكات والمودة والفرحة والبسمات يوم
تكون فية البسمة الحقيقيه والعفوية والتلقاية وتكون الفرحة مرسومة على
كل من تلتقى بة صغير او كبير فقير او غنى يوم العيد السعيد يوم تلاقى وتصافى

ولكن يا اخوانا واهلنا الاعذاء نجد فى بعض مجتمعنا ناس لا يصلون ارحامهم
ويقطعون صلة الرحم ويصرون على قطعها ويتعاندون ولا يزرون ارحامهم
ولا يتركون فرصة للصلح ولا للعفو ويكون ذلك لى اقرب الاقربين لدية مثل اخية
او عمة او اختة او خالتة او عمتة او جارة ولا يزورة حتى فى يوم العيد السعيد
وتجد البعض الاخر من الناس لايهتم بصله الرحم فى العيد ويعتبر فرصة للنوم والتلهى
فى اشياء اخرى وينسى ارحامة الذى شغلتة الدنيا عنهم لفترة طويلة ويا خذ العيد لنفسة فقط

اخوانا واحبابنا واهلنا الزينين اجعلو العيد فرصة لصله الرحم وطى الخلافات والتصافى والتسامح والمودة
وتجد بعض الناس قد تكون علاقتة متوترة مع بعض اهله لسبب من الاسباب قد يكون هو غلطان او اهلة الغلطانين
او الغلط مشترك وقد تكون النفوس غير متطايبة او علاقتة متوترة مع احد جيرانة او اصحابة ونقول لهولا الناس اقتنموا
فرصة العيد لمطايبة النفوس وتنقيتها وتصفيت الخلافات والعفو عن بعض ونعل الشيطان اللعين وان تتسامحو وتتعانقو فى العيد

ورساله لجميع الاهل الطيبين والعشم فيكم كبير اجلسوا مع انفسكم قبل العيد وتزكرو اهلكم وجيرانكم واصدقائكم الذين لم تزوروهم
ولم تصلوهم منذ زمن بعيد وسنين وشهور مضت لخلاف او مشكلة اوتوتر حدث بينكم فى شيئ ما او لى اى سبب من الاسباب
مهما كان كبير او صغير غلطان او غلطانين عليك ان تنسى وتسامح وتصفح وتعفوا وتفتح لنفسك صفحة جديدة مملؤة بالحب والود والتلاقى والتعافى والرضاء انة العيد السعيد يوم الفرحة والبهجة والعفو ومطايبة النفوس ونسى المشاكل والخلافات والتوتر
لا تجعل الشيطان بينك وبين اهلك ولا تنتظرهم ان ياتوا اليك اهلك بل اسبقهم انت واذهب اليهم وادخل كل بيوتهم بكل شجاعة
انهم اهلك لحمك ودمك وادخل بيتهم بيت بيت حتى الذى غلط فيك اذهب الية فى البيت وعافية وطيب خاطرة وقول لة العفوا
والعافية يسامحك ويصافيك وتجد الدموع تنزل من عينة نحن معروفين السودانين بطيبتنا وسماحتنا والعفو عندنا اسهل من رمشة عين

ويا اخوانا الدنيا ما بتستاهل نتخاصم ونتقاطع فيها تزكرو العيد الفات كم من احد قوى وشديد وفى كامل صحتة قد مات ودفن فى التراب واتى هذا العيد ولم يكن بيننا اين هو من الدنيا الفانية ولا تتكبر ولا تقول والله لا اذهب لى فلان الا بعد ان ياتى لى تواضع واذهب لجميع الناس بدون فرز لا تفرق بين الغنى والفقير وبين الغفير والوزير كلهم عباد الله وعافى وسامح وصافى
اقتنم فرصة العيد عافى كل من ظلمتة او ظلمك

ويا اخوانا العيد مبارك عليكم وكل سنة وانت طيبين والعفو والعافية واعفوا مننا

نسأل الله العلى العظيم ان نكون ممن يصل رحمة ولا نكون ممن يقطع رحمة
امين يا رب

وانت كل يوم طيب يا ود عنتر
وانشاء الله العيد الجاي يلقاك في مني
وانشاء الله يلقاك عريس
وانشاء الله يلقاك شاعر
وانشاء الله يلقاك .........

$$$$$$$$$$$$$$$$$$$$$$$$
ابوممدوح
$$$$$$$$$$$$$$$$$$$$$$

» صله الرحم
» مرض التوحد يظهرفي الرحم
» العيد مبارك
» العيد .. فرحة وتواصل
» تهاني العيد من قدالة