الضرب فوق الميت

الضرب فوق الميت

إ عدت الجراح يا غالية ما عاد البشوفو جدي
وما بشعر بقيت بالطعنة مهما كان مداها بعيد
واحد عندى كان الا مى تنقص ولا تانى تذيد
والا اصبح ملاقى ماسى ولا يطل على العيد
ماهو غريب عليها الدنيا تقصد قلبى انا بالتحديد
ودون الناس براى يا حلوة ابقة عدوها انا الوحيد
يانى صريعه من تبيت فوق معهد الطفولة وليد
ولما كبرت واترعرعت فوق دنيا الغرام والريد
من نار العزاب الضوقتو لما كنت زول صنديد
كان فى قبرى بدرى رقدت فى جوف ود احد وشهيد
إلا هواكى ملانى عزيمة أه يا بلبلى الغريد
بلقاك والمحن حابكانى دايما ليا مادى الليد
الا اليلة عاد فى الغربة نازف قلبى دمو صديد
والموت قبل اجيك صدقينى ياهو مصيرى تانى اكيد
الشقى فيها امسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكة ارزح فى الظلام والقيد
وخايف تبقى فيها اقدارى حاكمة على بالتابيد
لو يجدى الشعر ادمنتو كم سطرت فيهو قصيد
وترجمت العليا اغانى لو قول الشعر بيفيد
لو عشت فى الجنان يا بوحة غيرك ما حا ابقى سعيد
ودونك لو هدو لى ثمارة برضئ اضوقة مرة شديد

للشاعر محمد سفلة