مجادعات بين ابي عمر البشير وعمي اسماعيل البشير

في هذه الرباعيه كتب عمي اسماعيل البيتين الاواخر وتحدى ابي ان ياتي بالبيتين الاوال

الزول الكريم طبعو وعظيم الهمه
قمراً في الفريق ماهو التليف الرمه
لافح شالو في الديوان ولاوي العمه
زي عمر البشير يوم اجتماع القمه Very Happy

وهذه مثل الاولي
اللص اب يداً خفيفه وبشبه المندوف
[center]عينو عين الصقر حتى ت الحصايه تشوف
كردنو الكلاب،،وانا شفتو قايم صوف
[center]من شجر الهواير حدو ود حرحوف....
رايكم في ابي وعمي شنو confused

التحية لك اخى الصغير فى عمرك والكبير فى فهمك وانت تنقل هذة المجادعات

لك كل الود التقدير وانت شبل هذا المنتدى واسدة القادم باذن الله وفقك الله اخى

محمد عمر وسدد خطاك ونتمنى لك التوفيق والتقدم وسلام حااااااااااااااااااااار

الى جميع افراد اسرتك فردا فردا

Admin عدد المساهمات : 302 تاريخ التسجيل : 30/12/2007

والله ابوك دي يامحمد عامل كدي زي البرنس في الهلال
حركتو في الملعب ماكتيره بس اي لمسه منو خطره وتعمل
جهجه في دفاعات الخصوم

والتحية للخال اسماعيل دايما يلهب المجادعات بشعرة

ويا مدير المنتدى المنتدى الخال اسماعيل زى كرستيانو

رنالدو الخال اسماعيل يجيد التوزيع وتمرير الكورة

واختراعات الدفاع وعكس الروكنيات والتسديد من

اماكن بعيدة ونتمنى من الخال اسماعيل ان يحافظ على

هذا المستوى واللياقة الزهنية لاننا ننتظر منة الكثير

شكراً على هذا الاطراء ياأخواني في الله واين العم اسماعيل اذا لم يطلع على مجادعاته هو وابي فمن يطلع
ارجو ان يطلع عليها

عيشوا ما تحبون
واحبوا ما تعيشون Smile

محمد عمر كتب:: شكراً على هذا الاطراء ياأخواني في الله واين العم اسماعيل اذا لم يطلع على مجادعاته هو وابي فمن يطلع
ارجو ان يطلع عليها

عيشوا ما تحبون
واحبوا ما تعيشون

عمك إسماعيل اطلع ونص وخمسة يا محمد!! والمجادعات بيني وبين أبوك عمر تملأ دفاتر ودفاتر، وعمر مسجلها في دفتر كبير مسميه (ديوان الشاعر عمر البشير)، وأنا مسجلها في ملف كبير في الكمبيوتر باسم (ذبيحيات ود البشير)،

مقبولة منك يا آدمن؛ تشكر الزول البعيد وتهمل الزول اللبى نداءك من أول وهلة وعمَّر ليك منتداك وخلاهو من أنشط وأعمر المنتيات القروية السودانية !! لكن زي ما قالوا: (زامر الحي لا يطرب)
وإذا كان عمر عامل زي (البرنس) أنا (زين الدين زيدان) عديل كده،،،

ومشكور يا محمد عمر على مشاركاتك الحلوة والحقيقة كنا دايرين أبو ك ينزل بتقله معانا في المنتدى، عشان نشوف إبداعات البرنس على صفحات المنتدى!!