بحب اليوم

موضوع: بحب اليوم الأحد 02 أكتوبر 2011, 9:55 pm

احب اليوم وأحب باكر
امس حبيت وأحب اليوم وأحب باكر
بحب من قلبى ولا خايف ولا ناكر
بحب الناس تكون فى سرور وتبسم يشرح الخاطر
الأطفال بحب القاها فى عيونا الفرح ظاهر
وأسراب العصافير فى نغم منساب ومتواتر
وحبات الرزازتنزل من غيم الندى الماطر
*************************
بحب لما النخيل يرسل ظلالة على ضفاف النيل
بحب الساقية فى حنية تصدح فى سكون الليل
بحب القمرة تتجلى وحواليها النجوم اكليل
بحب الخلوة والحيران وهارمونية الترتيل
************************
بحب نجمات ليالى الصيف تلالى تبدد العتمة
وفى وقت شروق الشمس لما تجينا مبتسمة
وحين تفتح الازهار وتتمايل مع النسمة
وموج النيل عزف الحان وايقاعاتو منسجمة

عدد المساهمات : 234 تاريخ التسجيل : 18/10/2010

مشكور علي الحب الصافي كصفاء قلبك حبيبي محمد
مشكور علي المساهمة

موضوع: رد: بحب اليوم الإثنين 03 أكتوبر 2011, 1:41 pm

تشكر ود الخالة الغالى على المرور وتسلم كتير

نورت المنتدى بى وجودك والله

وفقدناك فى الفترة الفاتت فى المسابقات العريجاوية

» دعاء اليوم
» طرفة اليوم
» سعدنا بهم اليوم
» حكمة اليوم
» فتاة اليوم والغد