تستاهلوا يا مريخاب، وتاني أمشوا مصر جيبوا منها لعيبة ومدربين

هذا تعليق ساخر لأحد مرتادي موقع النيلين الالكتروني حول ما ألحقه الحضري بمريخ السودان من ممرمطة وبهدلة ومسح بالبلاط !!

اشرحوا لينا المريخ سجل الحضرى ولا الحضرى سجل المريخ لكوم البطيخ .. مصرى واحد يعمل فيكم كدة... رقيص رقصكم، جرسة جرسكم، بهدلة بهدلكم، بلع تصريحات ووعود بلعكم، مرمطة مرمطكم، اساءة اساءكم، غيّروا لى الشقة غيرتوها، بدلوا لى العربية بدلتوها، داير خادمات اجنبيات جبتوا ليهو 2 بدل واحدة، قال ليكم بجى للمباريات وافقتوا، قال انا بلعب ضد 21 سكتوا، قال بلدكم مافيها تعليم لأولادى طنشتوا، قال لعيبتكم ماعندهم طموح دنقرتوا، قال المريخ ودانى لبطولة اسمها سيكافا أول مرة أسمع بيها عملتوا نايمين، قال نفسى بتكتم لمن العب فى استاد المريخ نقلتوا تمارينكم خارج استادكم، قال انا ما بجى اعسكر فى السودان تعالوا انتو القاهرة اتخمخمتوا ومشيتوا ليهو، قلتوا ليهو انحنا راجعين السودان قال ليكم ارجعوا براكم انا ماراجع ورجعتوا من غير الحضرى .. دة كلام دة ... ياعبدو عيب الدنيا حر والموية بتسخن عليك ,, ااااااااااااخ انا منك ياحضرى دى رقصة العروس الجديدة اغنية حلوة وظريفة بشتنى ياالحضرى ومرمطنى ياالحضرى ماانت زول خترى وطيرتنى بدرى ياالبدرى وصاحبك الحضرى وانتركلوب البورندى سيكافا بطل سخافة ..اااااااااااااخ انا منك ياحضرى 0000

وهذا هو جزء من الموضوع الذي علق عليه القارئ الهلالابي الساخر أعلاه:ــ

الحضري يتخلف بالقاهرة
تخلف حارس مرمى الفريق عصام الحضري بالقاهرة. وتردد أن الحارس الحضري أبرق مجلس النادي رسمياً بعدم عودته إلى الخرطوم، واعتذر عن عدم إكمال الموسم مع الفريق.
الحضري: لم أتحصل على مستحقاتي المالية
قال الحضري حارس مرمى المريخ والمنتخب المصري في تصريحات صحفية إنه صمت عن حقه كثيرًا في المريخ ولم يتجاوز حق أحد، وقال الحضري إن الأيام القادمات ستشهد رحيله إلى أحد الأندية الأوربية، وأشار إلى أن المساعي أوشكت على الاكتمال، واتهم الحضري المسؤولين في المريخ بعدم قول الحقيقة، وأوضح أنه للأسف الشديد حصل على العديد من الوعود لتسوية حقوقه المالية وكانت جميعها «فشنك» وأكد أنه لم يحصل على مستحقاته المالية لما يقارب عشرة أشهر ولن يستطيع الصبر أكثر من ذلك وختتم حديثًا قائلاً: على إدارة المريخ أن تعلم بأنني سيكون لي ردة فعل مغايرة ملمحًا إلى عدم عودته إلا بعد لحصول على كل مستحقاته المالية.

لك التحية يا استاذ اسماعيل

بالرغم من انني مريخابي حتي الثمالة ولكن كلمة حق تقال ان المصريين ناس ماديين.

‏

اصيل الدين الريح كتب:: لك التحية يا استاذ اسماعيل

بالرغم من انني مريخابي حتي الثمالة ولكن كلمة حق تقال ان المصريين ناس ماديين.

‏

أنا برضي مريخابي يا أصيل الدين، لكن لا ثمالة ولا يحزنون !!!

المصريين ماديين وللا إدارة المريخ عبارة عن مجموعة فطائس وجنائز ؟؟!!

» علاج الرؤس السوداء وطرف التخلص منها؟
» الغلمان