نكتة حلوة!!!

زائر

[center]سطلنجي بحاولو فيه زمن على الصلاة في المسجد مافي فايدة..أها وكتين يوم ربنا هداه قام أول ما سمع الآذانن أتوضأ ومشى أول زول قال أعملا للجماعة مفاجأة يلقوني قدام..أول ما دخل تاوق لقا ليك جماعة التبليغ ديل خارجين في سبيل الله ماخدين ليك راحتم طب في المسجد صاح.. يلا بهنا شادين حلل الرشوشة بالبطاطس والكمونية دي تجقجق.. و بهنا واحدين مغسلين ليك هدومن شارنها جوة برندة الجامع..يلا أخونا المسطول مما شاف المنظر كدا لقاها ليك ذريعة جاهزة قلب قام راجع البيت.. أا جماعتوالمصلين لاقوه في الطريق جايين الصلاة:

[right]أأها زول خير إن شاء الله مالك راجع لسة ما أقاموها؟؟؟
المسطول: من وين يجي الخير و بعدين يقيمو شنو ياخي؟ هو الجامع ظاطو لقيتو ليكم أجروه لجماعة عزابة........[/

[/

center]

زائر

قالك سواق أمجاد أصبح يومو داك بطنو مكركبة ظنيتو تلبخ في العشا.. قام منفوخ واقف تتك ما قادر يتحرك. علا لا كين المعايش جبارة مرق يشوف ليه طرحة أها لي التشقيها عليه زولك قامن وقفنو ليك جكسايتين طلبن يدويهن جامعة النيلين.. أها زولك في الطريق كل ما البطن تقوم عليه يقوم صاحبنا يفك ليك ثاني أوكسيد اللعوتيك دا حاجة تدوخ عدييييييييييل.. و يلا " تيييييييييييييييت" يضرب معاه بوري برا شغلة.. (قال ليك لزوم التورية و كدا) فلما الحكاية خلاس طب فاتت حدها جات غنماية كاطعة الطريق قدامم فواحدة من الراكبات سرخت و قالت ليه: يا أخوي عليك الله الغنماية دي تضربا ساي و بلاش من بوريك العفن دا....[/

زائر

بتاع كشك جرايد قاعد يدي الشغيلة بتاعنو كل واحد مية ميتين نسخة يفروا بالشوارع يوزعوهم من الصباح لحد الساعة اتنين.. قام جاه واحد تمتام جنس تمتمة ياخ دا لمان يفتح خشمو ينضم تجي طيرة تدخل تنضف ليه سنونو وتمرق ما يشعر بيها.. المهام قال لبتاع الكشك: تش... تش...هغلني مع معهاك.. قام داك قاللو نان أشغلك شنو آآآ شقي؛ الجرايد دي متل الشية كان بردت بتبور يعني لازم تنباع في يوما.. و انت ماشاء ا لله لمان تفتح لي خشمك دا الشمش تطلع وتغيب مرتين.. غايتو ثم غايتو أخونا التمتام أصر قاللو لاه لهازم تشوف لي طريقة.. المهم عمك في النهاية رضخ لرغبتو وقام أداه خمسة نسخ بس قاللو كدي أمش جرب بي ديل و أوعة تجيني راجع لا بعد باكر... قام التمتام شال جرايدو في أباطو ومشى بهنا أول شارع بس شويتين كدا باعن وجا راجع أمام دهشة صاحب الكشك
قاللو: أها اللخو وين الجرايد قلعوهن منك ولا شنو؟؟..
التمتام قاللو: لا و الللللله. بعتهن في ساعتن.. أها كيف آ شقي؟؟؟
التمتام: يلا شفت بجي ليك للزبون بقيف انشحط ليك فوق راسو وبقول ليه: بتشتري الجريدة دي ولا أقعد أق أق أقراها ليك"""!!!

موضوع: رد: نكتة حلوة!!! الأحد 23 أكتوبر 2011, 6:38 pm

نكات خفيفة الظل يا ود الأصيل،،،

وأروع ما فيها ثاني أكسيد اللعوتيك ...!!!

الله يجازي محنك يا أبو الدفاع!!!

موضوع: رد: نكتة حلوة!!! الأحد 23 أكتوبر 2011, 9:44 pm

مسطول سالو ماهى افضل ام فى الدنيا قاليهم ام فتفت

زائر

Ismail كتب:: نكات خفيفة الظل يا ود الأصيل،،،

وأروع ما فيها ثاني أكسيد اللعوتيك ...!!!

لله يجازي محنك يا أبو الدفاع!!!

شكراً أبا مسلم للضحك والمجاملة.. و لكن دي حفرة كانت دايرة ليها تيراب.. لكن ما عليه عندنا واحدة تاني:
مداحين قال ليك من النوع الطفيلي الشرفان الأصلو ما بختشي داك مرة نزلو فوق واحد بخيل جداً.. ياخ دا لمان يقيف للإشارة حمراء يقوم يبطل العربية عشان يعمل مس كولات لصحبانو..المهم الجماعة ديل جو ليك هاجمين عليه هجعة قام داير يشفتن و يمسك العصاية من النص.. عشان يرقدن باتين القوا:
أها جماعة شاي و لا جبنة؟؟؟
نط مادحاً مميسيخ واقع من السما بي نعلاتو قال ليه: والله كدي أحسن تلحقنا بالشاي.. والجبنة دي خليها بعد المرارة..
.............................................................................................................................
برضو واحد مادح سمين من كترة العضات والرمرمة لمان تلقاه ماشي ينهف نفسو قايم..علا لاكين في الطار دا أصلو ما بنقدر.. مرة و هو منسجم مع كسرة المدحة والأيقاعات العجيبة والجماعة الدراويش يهزو فوقو وهو يتقلب بي طارو وراجع ليك حركة ورا ورا.. أها كانت إحدى المشاهدات واقفة مندهشة من شكل المادح المنفخ متل كديس اللكوندة و تضاريس الشحم واللحم والأرداف الشايلا من بين يديه ومن خلفة فعلقت قائلة:
أجي يا يمة عاد أريتن أوراكين بتي فلانة!!!
قام هو الخبيث أتاريهو رامي اضانو معاها رد ليها طوالي مع الكسرة:
عليك بالموص.. ياحاجة سوي ليها الموص يا حاجة.......... وهكذا .....

موضوع: رد: نكتة حلوة!!! الأحد 27 مايو 2012, 10:45 pm

احلى وارقي ناس الي قلبي هم الشوايقة
وكنت ساكن مع شواقية فى الداخلية وادرس معاهم فى الجامعة وقضيت معاهم الخدمة الوطنية فى مناطق العمليات واصحابي شوايقة . وبعرف جميع منطقة منحنى النيل وا جميع معقل الشوايقة احب كريمة واعشق البركل
واموووت في نوري واغرق في في السد انا *_*
تمساح طلع في طرف البحر وشغال ( يتتوووع ) ويمص في ليمون ساااي جاهو تمساح صاحبو
قال ليهو مالك ياتماسيحو تعبان كدا في شنو !
قاليه والله بطني طاااامة أكلت لي شايقي لا قادر اهضموا ولا قادر استفرغ اطلعو ...
*_^

التحية لى اهلنا الشوايقة اصحاب العلم والتاريخ اصحاب الدين والفهم لكم خالص حبى واحترامى
وماتزعلو منى دا من باب الطرفة ووضع البسمة على وجوة الجميع

» نكتة
» قصة حلوة لك شخصيا القراءة بتمعن؟؟‏
» مسابقة اسلامية وثقافية حلوة علي ضمانتي للبحبو التحدي بس