فلنرحب جميعاً بالعضوة الجديدة (حنان)

إزالة الأكمام عن الأقحوان في الترحيب بابنتنا (حنان)

مرحباً بابنتنا (حنان) في منبر أهلها العراجة... حللت أهلاً يا حنان، ووطئت سهلاً...

البيت بيتك، والدار دارك، وإنت ست بيت ماك ضيفة ولاك غريبة، وكان ما شالك الكتف يشيلك الراس، يا بت عزاز الناس...

دحين أبقي داخلة لي جوة، وشوفي ليك عنقريباً وهيط كدة، وصنقري فوقو في راكوبة أهلك العراجة أم همبريباً ضارب دي ....

عايزين نشوف روائع قلمك، وإبداعاتك ومشاركاتك المثمرة في هذا المنتدى، وما تنسي تعرفينا بنفسك أكثر...

تخريمة: غاب قمر المنتدى المنير، ملك الترحيبات، ومدير التشريفات والمراسم (أبو العناتر) لظروف العمل الضاغطة، فنبنا عنه في الترحيب بابنتنا (حنان)...

عانقت جدران منتدانا عطرك قدومك
زيينت
ساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفك لنخضبها جميعاً بالتكاتف في سبيل زرع بذور
الأخلاقيات الراقية ولا نلبث أن نجني منها
إن شاء الله ثمراً صالحاً.. ونتشارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا

$$$$$$$$$$$$$$
ابوممدوح
$$$$$$$$$$$$$

مرحبيك اخوتنا حنان فى المنتدي ويارت تعرفينا اكثر

البيت دا بيتك
يا حبيب
أدخًل مخيَّر
وماك غريب
اتمدا في أقرب
عنْقِريب
مبهول في حوضو
الهمبْريب
النيمة
يا العنابة
ضُل
أغشى التُكُل
خرْمان
في شاي
جيعان أُكل
وداك التمُر
والزِير قريب
بايت من البارح
ملآن
راقد في صدر
الهمبريب
دُر تقرا
ديك كتب الولاد
قلَّقت
أو طال الرِجِي
كُورِكْ
نقولَّك
.. هُويْ ..
بُعـــــــــــــــــاد
رسِّل لنا
المرسال
نجي
يا
رُوق
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس
ماطال
عُمرا ًيتحسِبْ
في ياتو بنكِ

الف مرحب حباب? اختنا (حنان)
اتفضلی وابقی داخله لی جوه
وورینا جایبه معا? شنو.

مرحبتين حبابك ونحمد الله اللينا جابك مرحب حبابك اتفضلى خشى لجوة الدار

دارك والبيت بيتك ودار اهلك العراجة وسيعة تشيل الكل دحين ادخلى لجوة

مع اخواتك ديل نشيطات وهميمات ماشاء الله عليهن اتحكرى تب وورينا ابداعاتك

ومساهماتك فى المنتدى انشاء الله تفيدى وتستفيدى وماتنسى تعرفينا بنفسك

الخال اسماعيل كتب

تخريمة: غاب قمر المنتدى المنير، ملك الترحيبات، ومدير التشريفات والمراسم (أبو العناتر) لظروف العمل الضاغطة، فنبنا عنه في الترحيب بابنتنا (حنان)...

تسلم كتير يا الخال اسماعيل انت الكل فى الكل انت قمر وشمس وتفاحة المنتدى ,ربنا ما احرمنا منك امين يارب

» فلنرحب جميعاً بالعضوة الجديدة (رهام عطاء)
» فلنرحب جميعاً بالعضو الجديد محمد عبد الله بدوي
» ترحيب حار بالكوكبة الجديدة
» اقتراح حول إعادة هيكلة منتديات العريجا
» فلنرحب بمحمد شريف العامري