يوسف جبريال ود امحدالمين مابين الفرحة والحزن والشوق واللوم

بسم اللة الرحمن الرحيم
من جبريال يوسف ودامحد اللمين الى اهلى ناس العريجا بسلم عليكم كلكم
وانا اليلة جيتكم محتار وبدور شورتكم وباب الشورة ماخرب اهاااااااااااااااااااا
انا داير امشى العريجاء وشوفتى ليها نحنا ساكنين فيها وشوفو فى الزمن الطويل دة مات كم زول يعنى اى زول بيلاقينى بكون ميت لى زول اها البلاقينى يلاقينى شايل الفرح وشوق السنين ولا شايل الفاتحة والحزن القديم يعنى البلقاهو اسلم عليهو بى فرحة ولا اقلب على المواجع
اها امشى بالحزن ولا الفرح'
وانا خايف من اللوم ومشتاق للناس
عليكم اللة اى زول فى المنتدى يدينى رايو البعرفونى والمابعرفونى وانا فى انتظاركم وعليكم اللة الردود سريييييييييييييييييييييييع عشان اسافر

اول حاجة يا ود امحدلمين سلام عليك انشاء الله تكون مروق ومبسوط تب

والله نحن فى المنتدى فاقدنك وفاقدين مجادعاتك بالنميم مع الخال اسماعيل

ومجادعاتك كانت فى قمة الروعة والابداع وحقيقة انا من المعجبين جدا جدا

بمجادعاتك ومداخلات وياريت تعود تانى للمجادعات والمناكفات الحلوة

دحين النكلمك يا ود المساعيد

حاول بقدر الامكان تخش الحلة بالليل من تالى الخور مافى زول اشوفك

لانهم ناس العريجا كلهم مشتاقين ليك وفاقدنك . ومابصدقو انك جيت لانك

كنت بتتدخل جميع بيوت الحلة وتتضحك مع الكبير والصغير والغنى ووالفقير

وبعد ما تتدخل بالليل وترتاح تب , تسأل من الوفيات الاتوفى منو واهلوا ناس

منو .. وتتأكد تب وتنوم ,, والصباح صباح العمية على الكحل تمشى الجزارة

لانو كل الناس بتلاقيهم هناك تسلم عليهم وبعد داك تتوجة للبيوت وتشيل الفاتحة

وتسلم عليهموكل بيت تخشو تسألهم من اخبارن ,, اها يا جماعة العرس ليكم منو وتتطايبن وسالمن

وتتضحك معاهم ,,, غايتو انا خايف عليك من العزايم جوع نفسك من اسع

غايتو بتحزن على فراق ناس كانو معاك وبتفرح بى فرح ناس كانوا معاك

غايتوا بتبكى وبتفرح وبتتهول وبتستغرب ,, الله اكون فى عونك بس ,,, على العموم طريق السلامة

وتصل بى عافية وتلقى ,, جميع ناس العريجا فى استقبالك ,, والله شوقتنا ليك

وبالجد اتمنيت لو كنت موجود فى العريجا لكى اسلم عليك ونشوفك ,لانك كنت

صديق خالى عائد وكنت من اهل البيت لا نحسبك غريب ,, التحية لك يا المسعودى

وتصل بالسلامة وربنا اعدل خطوتك اميييييييييييييييييييييييييييييييييييين يارب

ملحوظة

الشكر كل الشكر لبتنا الرايعة ( محاسن عباس ) على النافزة الجميلة وعلى اخبار خالة السارة ونتمنى لكم التوفيق والنجاح

حباببك حبابك اخونا يور حارس الحله العرين مما خليت الكوره بقينا ملطشه يهزمونا سته صفر وبنرحب بيك وناس العريجاء بقو ناس فاهمين تلقي الوفاء بي جاي وبعد يومين عرس بي حفلتو اها بقينا متديينين ومثقفين العرس لله والموت لله وكل شي لله وانا بقول ليك ذي ما قال يوسف ود حسب الله شيل الفاتحه وبارك الأعراس في الجامع وكمان النذيدك من الشعر بيت المناسبات ناس العريجا بقو بعزمو ليها في الجامع والحمد لله بقينا جامعين كل شي في الجامع ونسأل الله أن يجمعنا يوم الجمعه في جامعنا البجمع جميع الأهل

center] $$$$$$$$$$$$$$$$$$$$$$$
ابو ممدوح
$$$$$$$$$$$$$$$$$$$$$$[/center]

بسم الله الرحمن ا لرحيم

الحبيب يوسف محمد الأمين، الرجل الذي يجري حب العريجاء في شرايينه،،،

سلام من ربي عليك ورحمة،،،

فرحنا كثيراً بإطلالتك من جديد، فقد كنت تطل علينا من حين لآخر تحت مظلة بعض أعضاء المنتدى، وجاءت إطلالتك هذه المرة تحت مظلة ابنة أختك محاسن عباس موسى... فأنت تفضل دائماً أن (تتاوق) علينا من خلال النوافذ، وترفض أن تدخل علينا مباشرة من بوابة المنتدى،

نصيحتنا لك أن تذهب إلى العريجاء، وأنت مملوء الجوانح بالفرح والسعادة، فتهنئ بالأفراح والزيجات، وأن تكتفي فقط بأداء واجب التعزية في الأموات الذين توفوا حديثاً.... وتصرف النظر عن الذين توفوا قديماً.... وقد سجلت لك (من المنتدى) قائمة بأموات العريجاء الذي توفوا خلال فترة السنتين ونصف الماضية (منذ مايو 2009 حتى اليوم)، عليهم جميعاً من ربهم واسع الرحمة والمغفرة والرضوان، وهم مرتبين بدءاً بالأحدث وفاةً، فأولهم الشيخ ود العيكورة توفي بتاريخ 2/12/2011م، بينما توفي آخرهم وهو الأستاذ بابكر أحمد الشيخ بتاريخ 13/5/2009م.

1. الشيخ إدريس ود العيكورة (شقيق سليمان ود العيكورة).
2. إبراهيم ود الهادي.
3. عائشة بله النور (زوجة النجمي ود الحسين).
4. محمد عوض الله الحسن.
5. سلمى بابكر أحمد الشيخ.
6. حواء منوفلي القاسم.
7. أيمن علي بله النور.
8. بدر النخل علي القشلي (زوجة محسن منوفلي).
9. زوجة حسن سعد حسن.
10. حسبو عبد الرحمن (أبو الجنون).
11. اعتصام معتصم الكدك.
12. الصديق علي عطية.
13. حمدان الحسين صباحي.
14. ثريا إبراهيم بابكر.
15. عبد المجيد محمد حدباي.
16. علي ود الضباح.
17. أحمد ود منوفلي.
18. سعدية عبد الله الضو.
19. بلالة الحسين صباحي.
20. زهراء بت ود العيكورة.
21. علي ود الكدك.
22. أحمد ود ميحة.
23. محمد فضل الكريم.
24. بابكر أحمد الشيخ.

نسأل المولى جل ثناؤه وتقدست أسماؤه أن يتغمد هؤلاء الموتى جميعاً ومن معهم من موتى المسلمين برحمته وغفرانه، وأن ينقلهم من ضيق اللحود، ومراتع الدود، إلى سعة جناته جنات الخلود، في سدر مخضود، وطلح منضود، وظل ممدود، مع المقربين الشهود، الركع السجود، الموفين بالعهود، إنه رحيم ودود.

تعريجة: نشكر لابنتنا محاسن عباس فتح هذه النافذه التي استطعنا من خلالها أن نطل على خالها يوسف ود أمحد اللمين المسعودي، الرجل الضكر، دخري الحوبات، وعشا البايتات، ومقنع الكاشفات...
يا محاسن قولي لخالك يوسف تلفونك المسجل عندنا (0546499079) كلما نتصل عليه يجينا الرد هكذا: ][عفواً الرقم الذي طلبته مقطوع مؤقتاً !!]

الأحبة رواد منتديات العريجاء، من أعضاء وزوار ومتصفحين، الرجاء الدخول والترحم على هؤلاء الأموات الذين فقدتهم العريجاء، واقرأوا هذا الموضوع:ــــ

بسم الله الرحمن الرحيم
أموات المسلمين ينتظرون دعواتكم أيها الأحياء
من كتاب (الروح) لابن قيم الجوزية

حكى عثمان بن سواد وكانت أُمه مَـن العابدات
قال‏:‏ لما احتَضَرت رفعت رأسها إلى السماء
وقالت‏:‏ يا ذخرى ويا ذخيرتي
ومن عليه اعتمادي في حياتي وبعد مماتي
لا تخذلني عند الموت ولا توحشني في قبرى
قال‏:‏ فماتت ،، فكنت آتيها كل جمعة وأدعو لها
وأستغفر لها ولأهل القبور
فرأيتها ليلة في منامي
فقلت لها‏:‏ يا أماه، كيف أنت‏؟
قالت‏:‏ يا بنى، ‍‍‍إن الموت لكرب شديد
وأنا بحمد الله في برزخ محمود
يفترش فيه الريحان
ويتوسد فيه السندس والإستبرق إلى يوم النشور
فقلت‏:‏ ألك حاجة‏؟
قالت‏:‏ نعم، لا تدع ما كنت تصنع من زيارتنا
فإني لأُسرّ بمجيئك يوم الجمعة إذا أقبلت من أهلك
فيقال لي‏:‏ هذا ابنك قد أقبل
فأُسر ويُسر بذلك من حولي من الأموات .

وقال بشار بن غالب‏:رأيت رابعة في منامى
وكنت كثير الدعاء لها
فقالت لي‏:‏ يا بشار
هداياك تأتينا على أطباق من نور
مخمرة بمناديل الحرير‏
قلت‏:‏ وكيف ذلك‏؟
قالت‏:‏ هكذا دعاء الأحياء إذا دعوا للموتى واستجيب لهم جُعِل ذلك الدعاء على أطباق النور وخُمِرَ بمناديل الحرير ثم أُتِىَ به إلى الذي دُعِيَّ له من الموتى
فقيل له: هذه هدية فلان إليك

[من كتاب الروح لإبن القيم ]

هل تعلم أنك إذا استغفرت للمسلمين والمسلمات، الأحياء منهم والأموات، واستجاب الله دعاءك؛ كان لك من الأجر بقدر أجورهم جميعاً

هم أموات و لكن أرواحهم تنتظر منا الدعاء و الاستغفار، لذلك أخي أبسط الدعوات ليفرحوا بها، و
١/الأجر العظيم في إدخال الفرح على موتى المسلمين ان شاء الله
٢/ أن تفرح إن شاء الله بدعوات الناس لك بعد وفاتكز

اللّ?م ارحم من اشتاقت لهم أرواحنا وهم تحت التراب

عوووووووووووك يا يوسف ود امحد اللمين المسعودي،،،

شايفك دخلت المنتدى بخمسة أسماء دخول:

1. ابو اللمين ود امحد اللمين.
2. ابو علي جبريال.
3. ابو اللمين.
4. Yousufابوالامين.
5. ابو علي ود العريجاء.

لكن كل هذه الأسماء برصيد مشاركة لا يزيد عن الصفر،،،،

أدخل ياخي ورد على الناس الذين تجاوبوا مع ندائك الذي أطلقته عبر بنت أختك محاسن عباس، وما تعمل (غوانتا نامووووووا) على طول الخط كده !!!

» جيناكم والشوق دفرنا
» جيناكم والشوق دفرنا
» العريحاء تعيش الفرحة بإطلالة الأمورة (أسمهان حسن الحاك)
» جيت هنا كيف
» قميص يوسف عليه السلام