رحبوا معى بعضو المنتدى عادل عيسى محمد

الف مرحبتين حبابك حباب عادل ود عيسى ود محمد اتفضل خش لجوة
الدار دارك والبيت بيتك انت ماك غريب سيد بيت ودار اتفضل خش
لجوة على راكوبة اهلم العراجة راكوبة مرشوشة ومقشوشة والجبنة مدورة
اتفضل على الهباب الوهيط داك وأشرب ليك بكرى من جبنة اهلك العراجة
الماخمج وسمعنا نمك فرج علينا ربنا افرج همك والان نحن فى انتظار ابداعاتك
ومساهماتك بالمنتدى

البيت دا بيتك
يا حبيب
أدخًل مخيَّر
وماك غريب
اتمدا في أقرب
عنْقِريب
مبهول في حوضو
الهمبْريب
النيمة
يا العنابة
ضُل
أغشى التُكُل
خرْمان
في شاي
جيعان أُكل
وداك التمُر
والزِير قريب
بايت من البارح
ملآن
راقد في صدر
الهمبريب
دُر تقرا
ديك كتب الولاد
قلَّقت
أو طال الرِجِي
كُورِكْ
نقولَّك
.. هُويْ ..
بُعـــــــــــــــــاد
رسِّل لنا
المرسال
نجي
يا
رُوق
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس
ماطال
عُمرا ًيتحسِبْ
في ياتو بنكِ

مرحباً بك بيننا يا عادل، أخاً عزيزاً، ورفيق درب، وشريكاً أصيلاً في منتديات أهلك العراجة، أهل العز والكرم والجود،،،

تهللت لقدومك الدار، وتلألأت في جنباتها الأنوار، وتفتحت في خمائلها الأزهار، وغردت في أيكها شوادي الأطيار،،،

لا تحرمنا من روائع قلمك وإبداعات فكرك يا عادل، ولا تنسى أن تعرفنا بنفسك أكثر، ليتم التعارف ويتحقق التآلف.

مرحبيك ياود عيسى وينك من زمان ياودالتقانة دحين ادخل ورينا ابدعاتك

تخريمه!
مدام ملك الترحيبات في الكلام كمل

» رحبوا معى بالعضو عمار جودة محمد زين فى المنتدى
» رحبوا معى بالطيب الجيلى فى المنتدى (خال حازم ) فى المنتدى
» رحبوا معى بالاخت أمل عبد الله فى المنتدى
» رحبوا معى بالعضو ابو رضاء فى المنتدى
» رحبوا بالعضو الصابر فى المنتدى