محمد عنتر
عدد المساهمات : 1362 تاريخ التسجيل : 25/01/2011 العمر : 42 الموقع : الامارات-ابو ظبى
| موضوع: مسكين يارهين الغربة الخميس 22 ديسمبر 2011, 11:52 pm | |
| مسكين يا رهين الغربة.. مسكين يارهين الغربة مسكين طال إسارك لامـــتين القـــيود تتحــل.. ترجــع لـي ديـارك جيتا وعش مآسي.. تقـاسي.. متوطـيها نارك وحــتى العــيد سمـعتبو مــره.. مـاطلاك زارك لا صـحاك صـبيح الرؤيـه.. لاهـو قعـد جوارك قـال ليك: عـيد مـبارك يلاّ.. ألبس داك غـيارك لا اتعمعمت لا اتجـلببت.. فرحـان زاد نضـارك يا مســكين تـراك تحـنن العـدو.. بـي غُــبارك لا عــيد عــلى الأخــوان.. ولا هــنيت جـــارك لا رح (ود عجل) صليتا.. لا زول قـال مـبارك لا شافــت عــيونك فرحــة.. لا لاعب صغـارك لا غــنيت أغـــاني البهجــة.. مـــتبكم كـنـارك ممــا جيتا بس وريني.. قول لي: شن عمارك غير حرقة ونحيب متوالي.. قاعد شن خـبارك بوصيك كان سمعت وصيتي.. لي حالك تدارك وصية زول عيونو عليكا.. من كل قـلبو دارك ايه خـلاك تفـارق الحـله.. لي مين سبت دارك مين شالك رماك في قفرة.. من نيلك هو دارك وين داك الزمان الصافي.. نازل قاص خـدارك والجدول متسبي مويتو.. قـراع طـول نهـارك كت سعـيد بحـالك راضـي.. ليه فـكيت جبارك ليه درب الأهــل فـارقتو.. ليـه غـير مســارك مــا كان اليقـين ماليكا.. ده المقسوم شعـارك مالك ومال لهـيب الغــربة.. يتطـاير شــرارك في خـــيرين هــناكع كـت.. تـاكل في ثمــارك وخوفي عليكا مـن الفــيهو لا يـاكل حســارك تبكي وتشكي لي طنبورك.. آمسكين ضرارك أجارك الله.. اجارك الله.. فـي فقــدك أجــارك للشاعر محمد سعيد دفع الله | |
|
mohammedmlik
عدد المساهمات : 292 تاريخ التسجيل : 10/03/2011 العمر : 37 الموقع : الدروشاب الخرطوم بحرى
| موضوع: رد: مسكين يارهين الغربة الجمعة 23 ديسمبر 2011, 9:05 pm | |
| | |
|