ياحبيبى أنا افتقدتك

ياحبيبى أنا افتقدتك
انت عارف روحى غيرك لابتموت لابتبقى حية
يا حبيبي انا افتقدتك لما طال الشوق عليا

يا حليلي انا كنت قايلك من زمان مهتمي بي
في الحزن تحزن معايا ويوم اغيب تسال عليا

باختصار انا كنت دايرك تبقي اقرب مني ليا
انت تاريك بي مشاعرك مستقر فوق الثريا

الصباح الفي عيونك باعني لي مر الاسية
سابني بين شطانو هايم جاري لا عند العشية

انا لاني قادر اقول كفاية لا ني راضي اكون ضحية
المصيبة انا كان بكيت ول جنيت هيه هيه

الليل ... كل مصيبتي هويت عيونك في زمن ظالم شوية
يكره الحب والتفاني ويعشق الجفاء والرزية

الطيور وكتين تغني الزهور تصبح ندية
الا عاد كيفن تغني وعينها فوق عين الحدية

الليل ... افتقدتك وانت عارف زي يقضي الليل سجية
مستعد ما عندو مانع انو يهدي الروح تحية

لا بهادن لا بسامح لا ببيع ابدا قضية
لو تمر الدنيا فوقو ارتكب مليون جنية

افتقدتك يا مناي يا سعد روحي الشقية
لما فاضت بي همومي والامور لاجت عليا
افتقدتك يا نصيري العزول عاصب عيني
افتقدتك يا صباحي الظلام ضامي العشية
افتقدتك الف مرة لما شمتوا اصحابي فيا

شفت كيف انا افتقدتك قدرة الالم العتية
انت ماك جايب خبيري وما بتفكر تبقي جية

حتي يوم لاقيت صحابك منك اتوقع تحية
الا وا خيبة رجايا ويا حلات الحسرة بيا

للشاعر المبدع الفاتح ابراهيم بشير

تسلم يا رائع يا مبدع