عشان خاطر عيونك

عشان خاطر عيونك

عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين وافوت مرتع صباي واهلي
اشيل الزاد غنيواتن اردد فيها من جهلي
كلامه يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغلى قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال

للشاعر الفاتح ابراهيم بشير
عاشق الطمبور ود عنتر
وينك يا ست البنات يارب تجمعنا بيها

» ليه ضاربين طناش يا عالم؟؟! والله بالغتوا !!!