باب السنط

عدد المساهمات : 234 تاريخ التسجيل : 18/10/2010

باب السنط
كلمات الشاعر : محجوب شريف
الحان:حمزة سليمان
غناء :عقد الجلاد
ود باب السنط والدكة والنفاج
والحوش الوسيع الساكنين افواج
واللمة التي ربت جنا المحتاج
والنار الدغش والريكة جنب الصاج
والشاي باللبن برادو لابس تاج
صينتو الدهب ترقش كبابي ذجاج
والسكسك المنضوم حول الجبينة نجوم
والفنجرية تقوم تقهوج الحجاج
طق طرق يابن القهوة كيف ومزاج
خلي النعدل الراس ونحصل الترماي

تخريمة:قمة الروعة والبساطة و الترابط الاجتماعي من الحوش الوسيع والريكة جنب الصاج وحبوبة بتعوس الكسرة واحفادة حوليها ياود لا ما تقرط الكسرة عشان ما تحميك الشاي خليني اخلص ويمة خلي لي الشيط الي شراب القهوة في الضهرية بكل كيف ومزاج واحلا ونسة
اين الحوش الوسيع
اين اللمة التي ربت جنا المحتاج

ياحليلا كان زمان اخي عادل الناس اصبحت جاريه وجاريه وعامله كمان مافاضيه تغيرنا نحن وبقي الزمن علي ماهو عليه وتبخرت كل الاشياء الجميله والبسيطه ..ومشكور ياصديقي العزيز

عدد المساهمات : 234 تاريخ التسجيل : 18/10/2010

الغالي رامي مشكور علي المرور الرائع
من المفروض تكون في ثوابت لاتتغير بتغير الظروف المحيطة بالانسان

موضوع: رد: باب السنط الخميس 01 مارس 2012, 1:15 pm

حليل أيام زمان يا (برنس) أيام البلد كانت لسه بكر، والحياة طيبة، و الناس قلوبهم عامرة بالمحنة والرحمة، وكانوا بيرحموا اليتيم والأرملة والمحتاج، ويفقدوا الجيران، ويواصلوا الحبان....

هل تعلم أنني أدركت آخر أيام أبواب السنط التي تقفل بها الحيشان، وهي أبواب خشبية ثقيلة مفتاحها (منها وفيها)، فهو أيضاً من الخشب ويسمى (الغلق)... أذكر أن حوش جدك حاج أحمد ود الشيخ إدريس (رحمه الله)، وحوش عبد الله ود الباقر (كنا نسميه حوش أحمد السني)، كانت لها أبواب سنط!!

عدد المساهمات : 234 تاريخ التسجيل : 18/10/2010

الخال العزيز جدا اسماعيل مشكور علي المرور الرائع
والمفتاحة الخشبي لي ابواب السنط دلالة علي الكرم والجود وباب مفتحو 24 ساعة للمحتاج والفقير لوجود المفتاح بة يتمكن اي شخص من فتحة ليس كا ابواب هذة الزمان من حديد وكذالك المفتاح حديد وليس موجود علي الباب ولا يتمكن اي شخص من فتحة لا صاحب المفتاح اذا وجد
وهكذة الحياة هذة الايام اصبحت ابواب حديد وليس سنط
تخريمة : مشكورة علي المعلومة