ود الهبيل نفر

[size=24]يا اخي انا بتكلم معك في الدردشة يعني جوه الحوش تجي تفت الوضوع ولو بتعلم مش عيب نستفيد منكم بس قولي على ملاحظاتك و نستفيد منها المره الجاية
وثانيا شكلك كدا زعلت من قولت ماشين الضهرية وسوق العزازي والله مش عيب ولا منقصة ونحن بنمشي الضهرية موسم الخريف (ناس ضهره زراعة مطرية ) وناس سوق كمان بنمشي يومي الاحد والخميس لكن (بالهايس )( فقط القصد حث الشباب على المشاركه خاصة الماعندهم دوام تاني (ضهرية)
اما موضوع انهم مسكوكم حتى السحور احكي لك موقف حصل معنا
قبل عدة سنوات مشينا لزواج ابن عمنا وهو وسط قبيله اخرى قلنا نعزه ومشينا بالمواصلات كافراد رغم ان العدد وصل اكثر من 20شخص وقضينا معهم ثلاثة ايام ويوم الجمعه قلنا نمهد لعمنا حتى لايمسكنا صباح السبت وكنا المفاوضين انا ومعي اثنين وانفردنا به وشرحنا له ظروف بعضنا للسماح لنا بالسفر ثم بدأ هو يشكرنا على حضورنا وكيف اننا عزيناه وسط القبيله وماقصرنا واردف قائلا اهلنا بقولو ضيفك سويلو البريحو ماتسويلو البريحك امكن البريحك يضرو نحن هنا اطمئنينا اننا قد نجحنا في المهمة اذا به يكمل لكن علي الطلاق بكره زول اقوم مافي ) بعد جهد طلع استثنا لواحد طالب في جامعة الخرطوم كان لديه امتحان " تقولي لحد السحور

[[خونا الجمالي سلامات با الكوم
والله ماجاب الزعل
بس انت ماتزعل الدردشه عندنا حوش
واقع الغاشي والماشي كاشفو يعني كشف حال
اعمل حسابك
والضهريه دي حقتنا اكان انتو (ناس ضهريه وزراعه
مطريه )نحنا ناس (ضهريه وباجور وضهاري)
ونحنا سوقنا يوم التلاتا والسبت ومن صباح الرحمن
وناس العريجا اول الواردين واخر الراجعين ونحنا
البنحرر بكاهو
ونشيل مفاتيحو رايك شنو وتاني بجيك راجع]

اخي الفاضل وعليك السلام
ما دام حوشا واقع ومافيه ستره اخير نختاه ونخليه لاهلو انا عابر طريق وهدي المرقه

وياليت( ونحنا [البنحرر بكاهو
) تكون للمنتدىويصحى الشباب ونجد الجديد والمفيد ويصبح المنتدى ملتقى حيوي ماتكون قاصد تحررو السوق لان السوق ناس راقدين وفاضين العندو قرض والماعندو بمشي زي ناسنا
بس جيتك راجع ماتكون(نحنا ناس ضهريه وباجور وضهاري وشوت ضفاري )وشيايلي كرت احمر وياغريب يلا لي بلدك