ما اروعك يادافورى الحلة

كورتنا زمان فى الحلة

كانت عندها مواصفات لم تكن موجودة فى جميع دول العالم المتقدم او المتخلف
ولاتخدع لموسسة الكاف او الاتحادات المحلية يعنى خارج الشبكة والشبكات المجاورة
واليكم المواصفات :-

مافى حكم :-
يعنى مافى كرت احمر واعمينى فى تسلل التسلل دا عرفنى ونحن كبار تسلل شنو

النتيجة بتكون خيالية :-
يعنى عادى الكورة تتطلع 36 ::48 هههههههههههههههه

الحارس بكون اسمن واحد او اصغر واحد او واحد بكون عمك كبير كدا ومجقق
ضربة الجزاء بتتحسب اذا حلف اللاعب بالله وقال والله كسرنى وكان هذا اللاعب بكاى شديد

سيد الكورة لما ازعل بشيل الكورة وبمشئ وبخلى خشمنا ملح ملح

نهائة المبارة بعد نفتر تاااااااب والتيم انقص شوية شوية يعنى عادى تكون تلعب واجى اخوك
الصغير اقول ليك ابوك قال ليك تعال يعنى عادى ممكن تنتهى المبارة بعد اربعة ساعات
توقيت المبارة عادى بكون مرات الساعة 9 صباحا هههههههههههههههههههههههههههه

يعني مركب على الله، محل ما تمسى ترسى...

اى والله ياخال كان دافورى زى الدافورى وما احلاها لما نكون لاعبين مبارة مع فريق ورا الاستاد دكة العمدة
والله تلقى غبارنا فى السماء . لكن ياخال اكتر زول كان بكاى وجنو غللاط فى دافوريكم منو
نحن غايتو فى دفعتنا خالد الجاك دا طوالى خارب لينا الكورة . وفى فريقنا ود عمى الغالى وله تحياتى
الحارة النزير محمد على اظن النزير دا اكتر واحد بكاى فى افريقياء والشرق الاوسط هههههههههههههههه
والله ياحليلك يا النزير ايام لا تتنسى ابدا