اضحك شوية

عدد المساهمات : 99 تاريخ التسجيل : 14/03/2008

امام مسجد يخطب في الصعايده عن اصول تربية البنات واحكام الرقابة عليهن

فقال لهم ... بناتكم ياعباد الله يحملن الهاتف المحمول ويتحدثن لفترات طويلة

أتدرون مع من يتحدثن؟؟؟

قالوا: لاااااا!!!

قال: يتحدثون مع الحبيب !!

فقال الحاضرون جميعا : اللهم صلي وسلم وبارك عليه عليه.

هاكم دي يا ناس العريجاء:

ضابط البوليس بيحقق مع واحد بتاع نهب مسلَّح؛

- عملية النهب المسلح بتنفذوها كيف؟؟!

- أربية بجي، بأدين نهن بنأمل ليهو مسكول أشان يقيف!!

- شنو يعني مسكول؟؟!

- يأني نفك ليهو تلقتين تلاتة كده في الهوا !!

- طيب لو ما وقف حتتصرفوا كيف ؟؟!

- زي دا ما بنهوِّل ليهو رسيد أديييييل كده !!

عدد المساهمات : 247 تاريخ التسجيل : 12/11/2008

قال ليك (في جماعة من الخريجين)
فتشوا شغل في أي مكان فلم يجدوا.....

واحد منهم جاتو فكرة قال يمشي
جنينة الحيوانات يشتغل معاهم ...
مدير الحديقة قال ليهو: والله شغل
ما في لكن ممكن تبقا لينا (قرد)..
لكن كيف أبق
ليكم قرد ؟؟؟
المسألة بسيطة (أصلو نحن عندنا
قرد مات) نلبسك لبسة قرد من الصباح
لحدي آخر
اليوم ونديك مصاريفك 70 جنيه
يومياً
زولك الفكرة عجبتو ووافق ...
في يوم من الأيام ناس الحرس نسوا
باب الأسد فاتح وفي نفس الوقت باب
القرد برضو
كان فاتح..
الأسد جا داخل لي صاحبنا القرد..
زولك بقا يرجف ....ويرجف
.... ويكورك
الأسد قال ليهو: ما تخاف... أخوك
خريج قانون

موضوع: كدايس رياضية الأربعاء 11 مارس 2009, 5:01 am

بسم الله الرحمن الرحيم
إن شاء الله تعجبكم!!!
قال ليك في واحد كلما يرقد يحلم يشوف كدايس بيلعبوا كورة، ولما الحكاية استمرت معاهو كم يوم كدا، قام مشى قابل الدكتور النفساني، وحكى ليهو مشكلتو، الدكتور كتب ليهو أدوية ومهدئات، وقال ليهو استعمل العلاج دا، وتعال بعد تلات يوم، جاء راجع للدكتور بعد 3 يوم، وقال ليهو والله يا دكتور الحال في حالو، كلما العين تغمد أشوف كدايس يلعبوا كورة، قام الدكتور قال ليهو طيب الليلة ما تنوم خالص، لحدي ما يجي الصباح، قال ليهو ما ممكن يا دكتور!!! الدكتور سأله: ليه ما ممكن؟؟!!
قال ليهو: عشان الليلة حيلعبوا النهائي!!!

بسم الله الرحمن الرحيم

هاكم دي يا الحبايب:ـ

واحد جعلي كان مسافر، ولمن رجع البلد لقى أبوهو مات، ودفنوه في مقابر كل الناس المدفونين فيها شايقية !!

حلف (راسو وألف سيف) إلا ينبش جثمان أبوهو ويحوله لمقابر غير دي !!!

الجماعة قدر ما باصروا فيهو مافيش أي فايدة!!

قاموا جابوا ليهو واحد قاضي مشهور... ودار بينهما الحوار التالي:

- ياخي عليك الله بس أقنعنا... داير تنبشو ليه !!!

- الحقيقة أبوي دا أضانو تقيلة شديد، والشايقية ديل في الغتاتة ما في زيهم !!!

- شنو يعني معنى الكلام دا ؟؟!

- بكرة لمن القيامة تقوم؛ فت زول فيهم حيكلمو مافي !!!

******************************************************

واحدة تانية كمان:

زميل لنا بالعمل هنا في قطر، التقى في أحد المطاعم السودانية بميكانيكي سوداني...

ودار بينهما الحوار التالي:ـ

الميكانيكي: عندك كم من الأولاد ؟؟!

عبد الناصر: تلاتة.. والحمد لله.

الميكانيكي: وخلاص قرَّطْتَ على كده ؟؟!

عبد الناصر: لا ياخي.. المقرِّط رب العالمين.

الميكانيكي: أنا برضو عندي تلاتة.. بتين وولد.

عبد الناصر: أما أنا فكلهم عزَّابة (يقصد أولاد ذكور) !!

الميكانيكي: بالله التلاتة كلهم مفكَّات ...ما فيهم ولا زردية واحدة ؟؟!

دي نكتة جديدة لنج،،،

قال ليك واحد في حلة كده جاب ليهو تلفزيون، وشغلو في الحوش، قال ليك ناس الحلة ديل، الأعمى يشيل المكسَّر، المرة تجيب بنبرها معاها، والراجل يجيب شواله يفرشو، والشفَّع متَّفنين في الأرض، والشبَّان مصنقرين فوق الحيطة، أما السراير والعناقريب والكراسي دي شايلة فوق طاقتها. والراجل صاحب التلفزيون زهوج، ومن النوع البنوم بدري!!!
الجماعة حضروا المسلسل، وقالوا بعد كده نشرة الأخبار، بعد النشرة جات أغنية كده كتلوها ليك برضو، الراجل قايلهم حيفوتوا بعد كده، لكن دا ما حصل، كان في برانامج اجتماعي كدا قرضوهو كمان، وقالوا بعد دا نحضر السهرة، الراجل حاول يصبِّر نفسو لحد ما تنتهي السهرة، طبعاً بعد السهرة مافي إلا القرآن، وبعد كده بنتهي البث والتلفزيون بشخشخ!!! الجماعة كتلوا السهرة، وصاحب التلفزيون خلاص ضاقت بيهو الوسيعة!!! لأنهم قعدوا يسمعوا القرآن البجي بعد السهرة!!! لما القرآن قرَّب ينتهي قاموا عايزين يفوتوا، صاحب التلفزيون قال ليهم: يا أخوانا ما تقعدوا تحضروا الشخشخة!!!

» شوية غضب ياامة العرب
» اضحك مع أحفاد جدنا أب تلوشة