سلام عراجة سلام

سلام عراجة سلام

سلام أهلى عذى وفخرى ناسى وساسى سندى وقت الذمن اميل . سلام ناسى الطيبين
أهل المكرمات والجود سلام اهل الفحل والبكرة سلام على الناس الحنان ورزان
سلام عليكم عراجة ان شاء الله طيبين ورايقين ومروقين . ودائما ان شاء الله عامرين
لقد غيبتنا الظروف عنكم وعن ونستكم الحلوة . وجئيت وكلى شوق وحنين لظلكم الجميل فى راكوبتكم الباردة
وشدنى الحنين لى ريحة البن وشربان القهوة فى هبابكم الوهيط جيتكم والشوق دافرنى لى ناسا عزاز على قلبى

سلام عراجة سلام

اهلا وسهلا حباب ودعنتر جمل الشيل بالسرجا موهط ومحكر تحين عن ماجيت كان الناس مافي اتفضل البيت بيتك والعنقريت ات ياك الوسرت

حباب أبوصهيب حبابك لى عقابك يا النجيض ترابك حبابك الوووووووووووووووووووووووف
حباب سيد الناس حباب ولدة الفراس حباب ابو صهيب . الراكوبة منورة بيك والجبنة حلوة بجلستك
يا ود الشايقى والعنقريب الوهيط براكم خربان ووسيع بقعدتكم . وتشكر كتير ياملك على المرور

عوداً حميداً يا أبا العناتر، بعودتك نورت الدار، وتلألأت في جنباتها قناديل الأنوار...

بعودتكم أشرقت شموسنا، وابتهجت نفوسنا، يا ولدنا العريس، يا حفيد جدنا أحمد ود الشيخ إدريس...

طولت الغيبة، والمنتدى بدونك كان زي تكل الضلمة، وإن شاء الله المانع خير، وجيداً جيت يا سيد الدار، وزي ما قال ود الشايقي: العنقريب ياك إنت الوسرتو، والراكوبة ياك إنت ا لسجتها، والقعده بدونك ما عندها طعم!!

هلا بالخال النور نورك يا ابو مسلم والدار منورة بيك وبى جميع العراجة وانت سيد الساس والراس
والراكوبة عامرة وانت ياك مك القبيلة وراسا . وبصراحة ياخال راكوبة العراجاء جميلة ورايعة
والجبنة فيها مجية بلمتكم العامرة وحكاويكم الجميلة وحواتيتكم الحلوة . والمانع خير ياخال وانشاء الله
تانى غياب مافى باذن الله الواحد الاحد

» عريجا سلام
» أطالب بشده إذا وافقتمونى الرأى
» العريجا سلام
» سلام اااااا ناس
» سلام عليكم