كدي آ جماعة أول حاجة النكتة عملتوا لينا فيها شنو؟
ثم عتابكم مقبول لاكين آالشيخ أنت عارف ظروفي الأيام دي يرتى ليها العدو و بالمناسبة دايرين أيدكم معانا.. وعموماً على رسلكم ..خلونا نستقر شوية بس وما يسير خاطركم إلا طيب..وهاكم كمان واحدة.. بس ماتطنشوها زي الفاتت التقول حكوها لأطرش.. وعلى ذكر الطرش قال ليك فرقة موسيقية مسافرين يحيوا ليهم عرس قاموا ضهبوا في غابة واتفرتقوا كل واحد ضرب جيهة.. بتاع الكمنجة تايه قام لقى نفسه أمام قطيع أسود ساه..فطلع كمنجته قال زول أعزف لي سمفونية الوداع و أموت شهيد .. اقترب من أوب أسد وبدأ يعزف تـــــــــام تــــــــرام تيــــــــتا تيـــــــتا تــــــــــــــــام و هكذا ..ففوجئ بأن أخينا الضرغام نعس وراح يغط في سبات .. ثم فعل الشئ نفسه مع الثاني والثالث ..و كان على شجرة مجاورة مجموعة قرود مستمتعة بمراقبة الموقف وتضحك فلما أخونا قرب من آخر أسد واصل العزف ولكن هذا الأخير لم يبدو عليه الطرب فأخذ يتضرع نحو أخونا الذي جن حنونه و ارتجف لمان لخبت المعزوفة وقد يطبظ ساكت ومن الخوف ارتمى في أحضان الأسد والذي لطمه وجدع الكمنجة والنعلات كل حاجة في جيهة.. هنا التفت اأحد القرود عى أخوانو وقال :أنا ما قلت ليكم الأطرش بجيب لك خبرو!!!أبو حازم
الإثنين 07 يناير 2019, 9:08 pm من طرف عبدالرحمن قدالة
