مساحه للضحك والفرفشه

مرحبا الأخ إبراهيم عبدالرحمن بشير قريت قفشاتك كلها وأضحتني فهاك مني واحدة:-
بتاع أتوس طلشمنجي يوم مطرة كدا برم ليك البتاعة دي وطلع يفتش رزقو قال طرحة طرحتين و نرجع, وهو في رأس الشارع يا دوب متحرك بنات ليهو ظهرن بنات مطقمات كدا نادنو: يا عمو لو سمحت ماشين الحلة الجديدة,قال ليهم كويس بس ما تتأخرو !

ودي كمان:-
واحد سافر استراليا عرس ليهو خواجية من هناك وجابها معاه. أبو ه متزمت شوية حلف 60 يمين كافرة ما تعتب بيتو. الأجاويد قامت.. قعدت؛ يا أخي المسلم محلل ليه الكتابية . لمان أقنعوه يخليها قام قبل على مضض وبقى مراقب الموقف عن كثب.. رأي منها تصرفات عجيبة؛ من الصباح تجيب لعريسها الفرشاة والمعجون, تليها بالفطور المجهبز وتقيف معاه قدام المرايا لحد ما تلبسو الفل سوت بالكرفتة ثم تفضل في انتظاره لمان يرجع ظزالي تخت ليه الطش فيه موية فاترة يعطن فيها كريهو. الله كبرعمك مندهش نادى ولدو سألو..قلت لي آ جني المرأة دي حكايتا شني..الولد ما عايز السيرة دي قال ليه يأبوي ح نكرر اللقناه نعم خواجية و كافرة في شنو تاني؟ أبوه قال علي الطلاق كافرة أمك الجوة دي!!!
أبو حازم

الأخ ود الأصيل
و الله صدقني ازوع نكتة في سنة 2009
جزاك الله خيرا

قام المدرس يسأل الطلاب :- حيوان بيزحف ببطء شديد !؟؟

أجاب محمد وقال :- السلحفاة .



قال المدرس:- أحسنت يا محمد وين بيشتغل أبوك ؟

قال محمد:- أبوي دكتور



قال المدرس:- شفتوا أولاد الدكاترة شو أذكياء



سأل المدرس سؤال ثاني:- ماهو الطائر الذي يتكلم ؟

فأجاب عبدالله: - الببغاء .



فقال المدرس: - أحسنت يا عبدالله وين بيشتغل أبوك ؟

قال عبدالله : - أبوي مهندس .



قال المدرس :- شفتوا أولاد المهندسين شو أذكياء .



وبعدين سأل المدرس : - ماهو الطائر الذي يبدأ بحرف الــ تاء ؟؟

فأجاب أحد الطلاب : - تمســـاح .



قال له المدرس : - وقف وقف ياغبي أبوك وين بيشتغل ؟؟

قال الطالب : - أبوي بيشتغل بالإستخبارات !!



قال المدرس : - أحسنت !!! .. التمساح إذا شد حيله ممكن يطير .. بارك الله فيك يا ولدي .. سلم لي علي أبوك !!!؟

أخي أحمد رحمة لو عندك معرفة بغرب الجزيرة (ناس العريجاء و ما جاور) اسمع دي .. كنا في حنتوب ومدرس اللغة العربية أستاذ الجيلي القصير (كأس العالم) و,هو من (هببنا) كان موضوع الدرس التصغير فأدى الطلبة كم كلمة في صيغة التصغير قال مين يرجع ديل لأصلهن (زهير, عطيل و هكذا)الجماعة كلهن عرفوهن لما جاء في (قفيل)سكتو إلا أخونا موسى ملك الدار قال ليهو يا استاذ قفل (بضم القاف والفاء) قام الاستاذ قال ليهم آها شفتو الغنامة ظهرو.
أبو حازم

ابعدونا عن السياسة
تعرف قال ليك واحد خليجي زهجان من مرتو قال إيه .. شعرها قصار ماعاجبو .. فبيحكي لأخونا أبكراي: يا يوبة دي لين تجلس على الكرسي شعرها ما يوصل الأرض,, أبكراي هيهئ (ضحك بتهكم) قال ليه بالله شيف زي دا: طيب وتقول شنو في مرتي أنا اللو ادردقت في الواطا شعرها ما اصلها.
مع الاعتذار للكل
أبو حازم

ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب


* بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟