جاني ود العدوة وكسر فيني ترقوة

زائر

جاني ود العدوة وكسر فيني ترقوةجاني ود العدوة وكسر فيني ترقوةج

معروف في أدبياتنا أن الحبوبة تميل بحبها لحفدتها من الابنة؛ بينما تشح و تضن بذلك على نظرائهم من الابن (كجنة ساكت في أمهاتهم الغرب). فقال ليك مرة الجنيات مع بعض جاهم خبر حبوبتهم قالو غرقت في البحر فهرعو لأنقاذها قام لما وصلو هناك ود بنتها الظاهر حنكوشة لجلج وانفزر رجع. لكن ود الولد رأى أن الأمر واجب يتنبز ويتشكر بيه. فقام طوالي شمر و نزل الموية جبت حبوبتو مرقا توشل موية. قامت هي أم لسان سليط تتنطع وتبحث العذر لذاك الجبان الذي خذلها ساعة العسرة وبالمقابل تندب و تذم هذا الذي جازف بحياته في سبيلها. فقالت كلا ماً مسجوعاً:
* شايفاه هداك كان جاييني ود الحبيبة ,ناغمني بي طيبة جاني ورارا لي من مسافتن قريبة, لاكنو ما لقا ليه في البحر ضريبة .
* بعد داك عاد قام جا ود العدوة عامل لي فتوة, نهزني ليك يا يمة بقوة ونتلني لمان كسر فيني ترقوة والتقول شارب ليه حسوة.

بالله عليك الله شوف جزاء الإحسان.لأنو قالو: (الما بريدك في الضلمة يحدر ليك).
مع مودتي الشديدة لكل من يسهم معنا بقصة أو قفشة عن الحبوبات هذا الكنز الأدبي المدفون

بسم الله الرحمن الرحيم

قصة حلوة يا أبا حازم... وأجمل ما فيها المسجوعة الرائعة دي...

وحبوبة زي دي حقو يخلوها تغطس وتقلِّع لحدي ما يفضِّل فيها عرق واحد يطق، عشان تعرف بعد كده تقدر للناس الشهمين مجهوداتهم، وتثبت ليهم فضلهم.

وقبل كده حكت لينا خالتنا حاجة فاطمة بت ود الشايقي (عليها رحمة الله) وختمتها بأن العجوز قالت: (ود العدوَّة، نتلني نتْلة قوَّة، كسر فيَّ ترقوَّة.... لكن ود الحبيبة؛ البحر ما عندو فيهو صيبة !!!)

زائر

شكر أبا مسلم على المرور و الإطراء وهاكم دي كمان
حبوبة بتحكي ليها في حلمة طيب ما علينا هاك دي:-
حبوبة بتحكي ليها في حلمة لجارتها واحدة كدا حتها حيزبونةً مميسيييييييييييييييييييييييييييييييييييييخة .؛ قالت ليها أحلم آآآاختي أشو ليك رقبتي راكبة لي جملاً أصهب وقال كدي كربت(من الكربتة= الرمل) .
ردت ليها المسلطة ديك: ووووووووووووووب على واسجم خشمي يا يمة نان دي مي الدنيا يا بت بطني!!!!! يعني باي باي ضقلك خف..
زولتك صاحبة الحلمة لمن بطنا طمت و غلبها تتم الحكاية قالت عادالنلحق روحي:
- لكن آآآبنية أشوف ليك روحي بعد داك طوالي سريع نزلت منو بي ضنبو).
- الحيزبونة: آآها وتاني شن بقا عليك اللخية؟؟؟
- الحالمة : لا لا آآآختي شوفي ليك شمار غيري أنا حلمتي انتهت.

هبشة- أصلي كنت مبيت ليك حجوة أحلى من كدا لكن دي حضرتني هسة قلت قبل ما أنساها.
يلا أفردوها وأضحكو وتسلمو لينا يا أحبة