روعة تخلب الألباب... لله درك يا إدراة

ياسلالالالالام رووووعة . والله المنتدي كده ولا بلاش ياخي والله عيونا دايرة تطير من كترة الواحد مااندهش . نشكر الادارة علي هذا الجهد الرائع بخاصة الاستاذ امير مؤسس المنتدي ومديره . والله دي مفاجأة ياامير مع بداية رمضان تعتبر تفجيرة زي مابقولوا والله مفاجأة قوية خلاص وشكلنا لسه حانشوف مفاجآت كتيرة . أها بقي بعد ده الناس تتجمع وتكتب بس مادايرين الناس تعاين من بعيد بس ولكم مني أجل التحايا والاشواق.

الاخوة الكرام
تحياتي ...
ياسلالالالام والله جد روعة ما شاء الله والله قلت ممكن فتحت
استديو خيمة الشروق ولا شنو عملت خروج ورجعت تاني
الا بعد ماشفت صورة الاخ اسماعيل تاكدت
ياريت تكتب اسم المنتدي في الواجهة

تقبل الله منا ومنكم صالح الاعمال في شهر الخير والبركه
ونسال الله ان يتقبل من الجميع .

السلام عليكم أحبتي نشكر الاخ امير علي مابذله من جهد جبار حتي ينشئ منتدي باسم قريته حتي وفقه الله لهذه الامنية التي كان الكل يتمناها فجزاك الله خيرا الاخ امير وجزي الله كل من ساهم في هذا المنتدي وشارك فيه من مشرفين واعضاء بل قل حتي وزائرين . لاننا نعلم جيدا ان لنا احبة واخوان يتصفحون المنتدي بالجوال وهذا في حد ذاته جهد قائم بذاته فلهم الشكر ولهم التحية وجزاهم الله خيرا . ثم اني سائل سؤال هل سيكون هذا الاستايل مؤقت ؟ وعلي ما أعتقد انه سيكون مؤقت لان فيه كلمات تدل علي انه خاص برمضان فان كان كذلك لاداعي لكتابة اسم العريجا في الواجهة الي ان ييسر الله استايل خيرا منه ثم بعد ذلك يكتب فيه مايشاؤه الاعضاء ومايقترحونه .

حياك الله وبياك وأسعد صباحك ومساك أخي أمير
جزاك الله خير علي المعلومة لانه كنت عاوز اعرف انه مؤقت ولا مامؤقت ، بس والله استايل روعة ومافيه اي كلام وياريت الاستايل الجديد يكون زيوا او احسن منو .
ياخي والله احسن مافي الاستايل الشريط ده بس برضو ياريت يكون في الاستايل الجديد يكون في شريط . ومشكور يااخونا امير علي الجهود دي ونسأل الله ان تكون في موازين حسناتك انه سبحانه قريب مجيب

جزاك الله خير اخونا امير
الحمد لله رمضان تمام بس مازي السودان
والحقيقة ده رمضان التاني في قطر والفت بعض الابيات في رمضان قلت

رمضان في قطر ماضقنالو طعما" لامــــع

حليل لمتنا والجيران حليل قعدتنا في الشارع

حليل لقمتنا بالويكاب حليل تكيتنا في الجامع

حليل ونستنا والاحباب حليل شيلتنا للشافـــع

فرد علي الخال اسماعيل وقال

رمضان في قطر خيرو ونعيمو زيادة

قران بالنهار والليل قيام وعبــــــادة

افطارات جماعية وهبات ورفــــادة

والعباد دموعا مبللة السجــــــــــاة

ولك مني تحياتي وأشواقي