| للبنات : افتتاح شعلة الارجوان للهديا وتجهيز الافراح لايفوتكم | |
|
+3Ismail ابراهيم عبدالرحمن البشير أبوقدامة 7 مشترك |
كاتب الموضوع | رسالة |
---|
زائر زائر
| موضوع: للبنات : افتتاح شعلة الارجوان للهديا وتجهيز الافراح لايفوتكم الخميس 28 أكتوبر 2010, 11:42 pm | |
| مساء الخير يابنوتاااااااااااااااات جايبتلكم بشارة افتتاح شعلة الارجوان للهدايا والافراح في العريجاء ومعرووووووووووف بابدعاته في اللكوش وتجهيز الحفلات في دبي والحين بدا في السعودية من جدة وللرياض ومبروووووووووووك مقدما |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الجمعة 29 أكتوبر 2010, 6:23 am | |
| يا أخت انتي داخلة غلط هذه ليست بالعريجا التي في السعودية هذه قرية من قري السودان . وكان عليك التأكد قبل ان تكتبي حتي لاتحرجي جزاك الله خيرا وبارك فيك | |
|
| |
زائر زائر
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الجمعة 29 أكتوبر 2010, 3:55 pm | |
| ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
|
| |
زائر زائر
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الجمعة 29 أكتوبر 2010, 3:57 pm | |
| لا ان ادري اش اقوووووووووووووووووووول وبنفسي رحت لهم وهو تو مفتتح ولو سمحت احنا قلنا للبناااااااااااااااااااااااااااااااااااااات ماتسمع للبناااااااااااااااااااااااااااااااات اللي عندهم مناسبات |
|
| |
زائر زائر
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الجمعة 29 أكتوبر 2010, 3:57 pm | |
| لا ان ادري اش اقوووووووووووووووووووول وبنفسي رحت لهم وهو تو مفتتح ولو سمحت احنا قلنا للبناااااااااااااااااااااااااااااااااااااات ماتسمع للبناااااااااااااااااااااااااااااااات اللي عندهم مناسبات |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الجمعة 29 أكتوبر 2010, 9:34 pm | |
| انتي شكلك مافهمتي خلاص نتكلم ليك بالخليجي . يا أخت هذي تري موبقرية العريجاء اللي في ضواحي السعودية هذي الله يسلمك قرية في الســـــــــــــــودان يعني هاذولا سودانيين ماليهم خص في السعودية .هاذيك العريجاء فيها همزة ع السطر هذي مافيها همزة ع السطر ..... بارك الله فيك واحسن اليك | |
|
| |
ابراهيم عبدالرحمن البشير
عدد المساهمات : 100 تاريخ التسجيل : 16/01/2008 العمر : 41 الموقع : الامارت - دبـــــــــــــــي
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 2:51 pm | |
| بيني وبينك يا عمر تكون شافت صورتك بي العقال وافتكرت انك من السعوديه | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 3:20 pm | |
| المضحك يا إبراهيم إنو لمن عمر رد عليها، وقال ليها إنت داخلة غلط... جاتو ناطة تاني وقالت ليه... لو سمحت احنا قلنا للبنااااااااااااااااااااات ماتسمع للبناااااااااااااااااااااااااات اللي عندهم مناسبات !!! يعني بصريح العبارة كده قالت ليه: (إيش دخَّلك إنت)... وحكاية العقال والغترة الحمراء دي سبَّكت الشغلانة للآخر... والبنية فاكراهو واحد سعودي من ربع العريجاء بتاعة الرياض الجنب البديعة !!! | |
|
| |
awad aljeed mustafa
عدد المساهمات : 93 تاريخ التسجيل : 28/09/2010 الموقع : بورتسودان
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 3:29 pm | |
| السلام عليكم ورحمة الله
مرحب حبابك يا بنت الرياض شوفى ليك عنقريب اتوهطى بالاول واشربى ليك كورة عكوارة انتى جاية من بلد بعيد مرحب حباب الضيف بعدين ان شاءالله بنشوف قرضك
يا اخوانا رحبوا بالضيف | |
|
| |
ابراهيم عبدالرحمن البشير
عدد المساهمات : 100 تاريخ التسجيل : 16/01/2008 العمر : 41 الموقع : الامارت - دبـــــــــــــــي
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 3:29 pm | |
| ههههههههه بيني وبينك انا لو كنت فى مكانه كان صدقت وقلت ديل ياهم ناس العريجا الفى السعوديه
وهي كمان متحمسه شديد قالت ليهو لي البنات انت الدخلك شنو | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 3:31 pm | |
| [b]اي والله بس يكون العقال والغترة جهجه البنت علي العموم الحمد لله البنت فاتت وتاني ماسمعنا ليها حس وناس زي ديل الواحد يدخل ماعارف اي حاجة يكتب الدايرو ويطلع والمفروض الواحد يتأكد قبل مايكتب نحن زاتو اسي قررنا نسوي استفتاء بانه نغير الاسم ماعارف رايكم شنو عشان ناس زي ديل ما يجوا طايرين ساي | |
|
| |
awad aljeed mustafa
عدد المساهمات : 93 تاريخ التسجيل : 28/09/2010 الموقع : بورتسودان
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 3:38 pm | |
| البنت عاوزة تخدمنا الواحد لو عندو واحد عاوز يعرس او ناوى يتزوج مرة اخرى عادى يمشى السعوديه ويمشى للشعلة بتاعتها دى وتجهز عروسك يا بنت نحن للحج والعمرة نتعب تعب شديد هو بالساهل نمشى لى شعلتك دى | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأحد 31 أكتوبر 2010, 4:32 pm | |
| كمان آآ جنا البنت متواجدة في 24 ساعة الظاهر عليها جاية تشوف ترويجها نجح ولا مانجح لكن لقت الحكاية معكوسة . هوي يابنت كان عندك شغلة أمشي أقضيها قالت للبنات قالت . غايتو والله البنت دي بتكون مافاهمة اي حاجة الله يعينها عاد | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الإثنين 01 نوفمبر 2010, 2:41 pm | |
| - أبو قدامة كتب:
- اي والله بس يكون العقال والغترة جهجه البنت علي العموم الحمد لله البنت فاتت وتاني ماسمعنا ليها حس وناس زي ديل الواحد يدخل ماعارف اي حاجة يكتب الدايرو ويطلع والمفروض الواحد يتأكد قبل مايكتب نحن زاتو اسي قررنا نسوي استفتاء بانه نغير الاسم ماعارف رايكم شنو عشان ناس زي ديل ما يجوا طايرين ساي
أمَّا عجيبة والله يا عمر... قلت كيف ؟؟؟!! نعمل استفتاء عشان نغير اسم منبرنا الالكتروني الذي يحمل اسم قريتنا الحبيبة، عشان خاطر واحدة دايشة وضهبانة جايانا من أحياء غرب الرياض ؟؟؟!!! يعني تقترح نسميهو شنو ....؟؟؟! (شعلة الأرجوان)؛ مثلاً أم (كلي أمل وحياة) ؟؟؟؟!!! نحن عايزين ناس كتار زي ديل يجوا داخلين منتدانا عشان ناس الهميج والقليع وود رويبح يعرفوا إنو اسم حلتنا ده اسم عالمي... عليك الله مما الله خلقك سمعت ليك بي حي من أحياء إحدى العواصم العربية اسمو الهميج ولا القليع ولا ود رويبح ؟؟؟!!!! | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأربعاء 03 نوفمبر 2010, 2:45 am | |
| ههههههه لا والله ما سمعت لكن ده ما بعني انه خلاص هم اساميهم ماكويس قد تجد قري اساميها كويسة لكن ماموجودة في غيرها من الدول وبالعكس من ذلك قد تجد قري اساميها ما كويسة وموجودة في دول تانية فكونه انه اسم العريجا ده موجود في دولة تانية ده ما مقياس لمقارنة الاسامي . وانا بي صراحة اسم العريجا ما عاجبني كاسم للقرية فهو من العرج والناس الفيها عدل ومستقيمين فاذا اتغير يكون افضل . وانا كلام الاستفتاء كنت قايلو من باب المرح والمزاح فكنت قاصد تغيير اسم القرية وبالتالي نغير اسم المنتدي بي اسم القرية الجديد لكن ده كله كان من باب المزاح . لكن انا بقول كاقتراح مادام الفكرة طرحت من باب المزاح فالان نطرحها من باب الجدية انه نشوف اسم تاني للقرية وهذا رأيي الشخصي فماذا أنتم قائلوووون . وجزيتم خيرا وبارك الله فيكم | |
|
| |
اخوالتومات
عدد المساهمات : 203 تاريخ التسجيل : 03/10/2010 العمر : 35 الموقع : المملكه العربيه السعوديه
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأربعاء 03 نوفمبر 2010, 5:45 pm | |
| اولا السلام عليكم والله كلامك ياشيخ عمر حيرتنا بيهو كيف نغير اسم قريتنا الحبيبه انت ماعاجباك تبقى مشكله هل سمعت انو يوم من الايام اجدادنا وابانا حد قال انو ماعاجبو اسم العريجا , والعريجا تاج فى روؤسنا والعريجا مفخره لكل القرى المجاوره ومهما تحدثت لن اوفى امى حنانها والله العظيم والله لما قراءت هذا الكلام اجهشت بالبكاء ليه ليه ليه ياشيخنا نغير مفخرتنا ولادائرنا نكون زى ناس!!!!!!!! !!!!!!!!!!!!!!! انشاء الله الاسم يكون حضرتوا,,,,,,,,,,,,() | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الأربعاء 03 نوفمبر 2010, 7:08 pm | |
| عليكم السلام ورحمة الله اخي احمد جزاك الله خير علي حبك العظيم وغيرتك علي قريتنا الحبيبة لكن ينبغي ان نكون منصفين بعيدا عن العواطف ماذا يعني اسم العريجاء في اللغة العربية؟ وهل هو صفة مدح ام صفة ذم ؟ وهل اذا غيرنا الاسم يعني ذلك ان القرية لن تكون تاج فوق رؤوسنا؟ وهل اذا غيرنا الاسم يعني ذلك اننا بدلنا التاريخ ؟ كل تلك الاسئلة وغيرها ينبغي ان نكون منصفين في الاجابة عليها . نعم فهمتك انت تقصد قرية ( بانت ) ، فهم لهم الحق في تغيير الاسم ولكن اسألك سؤال ايهما أرقي واجمل طرطشت ام بانت ؟ وما الذي حصل عندما غيروا الاسم هل تبدل التاريخ ام قامت حرب عندما بدلوا الاسم ، انا حقيقة أؤيدهم علي فعلهم وأحسن مافعلوا فلهم التحية ولك كل الشكر والتقدير اخي احمد ماكان عليك ان تبكي فهذا اقتراح مني فقط وليس الزاما لاهل القرية وانا أدرك انهم لن يستجيبوا لي لكن اردت ان اوصل للجميع هذا الفهم وكل يأخذ بفهمه ورأيه والسلام | |
|
| |
Admin Admin
عدد المساهمات : 302 تاريخ التسجيل : 30/12/2007
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الخميس 04 نوفمبر 2010, 12:41 am | |
| الاخ ابو قدامه تحياتي كدي ياصاحبي اقترح ليك اسم بس بشرط يكون مافي زول سبقنا علي ما اظنك تلقي ليك اسم بعدين طرطشت دي لما غيروا اسمه سموها بانت والله هس تقول بانت زول اعرفه مافي والحكايه ماساهله بعدين بقت مشهوره عند الناس سمعت با المثل البقول موضوعك با العريجا يعني حكايتك طويله والعريجا سفر | |
|
| |
Ismail
عدد المساهمات : 2548 تاريخ التسجيل : 05/02/2008 العمر : 43 الموقع : aykabulbul@gmail
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الخميس 04 نوفمبر 2010, 7:12 pm | |
| يا شيخ عمر أنا عندي قصيدة مشهورة في وصف العريجاء والحنين إليها، مطلعها كالآتي: هي العريجاءُ مافي رجلها عرجُ *** خضراءُ يعبق في أجوائها الأرجُ معنى كلامك ده إنو بعد تغيير اسم العريجاء، أنا قصيدتي دي حقو ( أبِلَّها وأشرب مويتا )....!!! اسم العريجاء عبارة عن ترنيمة عذبة يدندن بها كل من ينتمي إلى هذه القرية الحالمة... اسم العريجاء له طعم خاص في ألسنة أهل القرية جميعاً وله رنين خاص في آذانهم، فكيف يمكن اقتلاعه من حناياهم وجوانحهم بعد أن امتزج بوجدانهم، وأصبح يجري في عروقهم مجرى الدم ؟؟؟! هذا الاسم اكتسب سيرورةً واسعة، وطبَّقت شهرته الآفاق... وأصبح علماً يدل على قرية بعينها ولم يعد يفيد المدلول الضيق الذي يوحي بالعرج أو التعرُّج. فإنه الاسم لا مدلول يحمله *** مثل الهميج فهل سكانها همج؟! لا أظن أن أهل العريجاء سوف يوافقون على تغيير اسم قريتهم الحبيبة...! أذكر قصة طريفة جرت لنا عام 1985م بمدينة ود مدني... وكنا قد ذهبنا أنا والأخ/ رحمة إدريس إلى مدني للحصول على تصديق رسمي من حاكم الإقليم الأوسط لرابطة شباب العريجاء الخيرية، التي كوَّنها طلاب العريجاء في الجامعات والمعاهد العليا، حيث كنت أنا أتقلد منصب رئيس الرابطة وكان رحمة يتقلد منصب السكرتير أو نائب الرئيس... عندما أخذنا الإذن من سكرتيرة حاكم الإقليم للدخول عليه... داعبتنا قائلة: (حقو يكون أول إنجاز للرابطة بتاعتكم دي بعد التصديق إنها تغير اسم الحلة بتاعتكم وتسميها العديلة !!!) طبعاً ضحكنا ولم نأبه كثيراً لما قالت لعلمنا أن اسم العريجاء قد أصبح كياناً راسخاً يسكن وجدان جميع أهل القرية.... ولا أدل على ذلك من إجهاش أحمد إبراهيم بله بالبكاء وذرفه للدموع الحارة عندما رأى أحد أبناء العريجاء يقترح تغيير اسمها ...!! بالمناسبة من أهم إنجازات هذه الرابطة التي لم تعمِّر طويلاً إنشاء مدرسة العريجاء المتوسطة للبنين عام 1986م. | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الخميس 04 نوفمبر 2010, 7:18 pm | |
| انا حتي ولو اقترحت مافي زول بيستجيب والاسماء كتيرة لكن بس هل اذا اقترحت حا يكون في فايدة يعني أقول ليك حاجة اقتراحي لا بودي ولا بيجيب اذا مافي فايدة للاقتراح . لا منو القال ليك بالعكس اسي اسم بانت مشي اكتر من اسم طرطشت وفي قري كتيرة سموها اسماء جديدة والاسماء بعد داك مشت زي الحلاوة | |
|
| |
majda omer
عدد المساهمات : 74 تاريخ التسجيل : 13/02/2008 العمر : 37 الموقع : الخرطوم
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم السبت 27 نوفمبر 2010, 11:12 pm | |
| السلااااااااااااااااااااااااااام عليكم الموضوع جذبني شديد وضحكني بس عايزه أعقب ليه القسوة دي يعني الزول مايجي طاشي غايتو انا كان في محلها بزعل شديد يعني الإسمين بيشبهن ونحن زاتنا مرات نقول العريجا او العريجه او العريجاء ياناس براحة ماكدي البت واضح فاهمة غلط. أما ياعمر والله انا مامعاك في تغير الإسم يعني نبقي زي ناس طرطشت الغيرو اسم حلتم والناس لسع بتقول ليها طرطشت وتاني ماتعاين ليها بالمعني دا يعني الإسم دا تراث وليه قصة وكان اي ناس غيرو اسم حلتم تاني مابنعرف السودان ولا التاريخ أسي إتلقي أي زول يسمع اسم العريجا يقول في نفسو ياربي سموها كدي ليه وتاني صدقني مابنساه . والسلام عليكم | |
|
| |
أبوقدامة
عدد المساهمات : 532 تاريخ التسجيل : 19/08/2009 العمر : 37 الموقع : قطر/ الدوحة
| موضوع: رد: للبنات : افتتاح شعلة الارجوان للهديا وتجهيز الافراح لايفوتكم الثلاثاء 30 نوفمبر 2010, 6:29 am | |
| عليكم السلام اها ياجماعة الصورة الفيها عقال شلناها النشوف تاني بجي زول طاشي كيف . تشكري الاخت ماجدة علي المرور بس لكن البنت دخلت المنتدي ده ياكافي البلا مالقت الا صورتي مافي ناس متصورين غيري وتاني حاجة ماعاينت للمواضيع المكتوبة والتي اغلبها بالدارجية السودانية ليست بالخليجية عشان كده انا قلت ليها مفروض تتأكدي ماتكتبي قبال ماتتأكدي عشان ماتحرجي. اما بالنسبة لتغيير اسم القرية فانا كنت قايلوا من الاقتراح وليس علي سبيل الالزام عشان كده اقتراحي ده انا عارفو لابودي ولابيجيب بس حبيت اوصل فهمي وفكرتي للناس فيا اختي اسامي القري ليست شرط ان تربط بالتأريخ او بسبب معين لتسميتها به بل هناك قري كثيرة لها اسامي ليست مربوطة بسبب ولاتأريخ . فاذا تغير الاسم طبيعي جدا ان ينسي الاسم الاول بمرور الزمن والشاهد علي ذلك كثير من الدول غيرت اساميها لما علمت انه ليس لائقا كذلك كثير من القري وفي السودان تحديدا غيرت اسماء قراها وبمرور الزمن تناسي الناس الاسم القديم اما بانت فالاسم مازال حديث عهد بالتغيير ومع ذلك تجدي كثير من الناس يقولون بانت وبمرور سوف يتناسي الناس اسمهم القديم وتحياتي والسلام | |
|
| |
| للبنات : افتتاح شعلة الارجوان للهديا وتجهيز الافراح لايفوتكم | |
|