التجدع فى خيمة الحاردلو

عجبى الردفو عالى وادقس الامقال*** عجبى الحاجبو رب العزه راسمو هلال عجبى الخلت النوم لعيونا محال **عجبى السمحه غير حنه ومسوح ودلال

عنقريب الحبال منو مابتدلى** عملت فنطزه ونغما تقيل يا الله ياريت النميم فوق هادكا بتخلى ******* بقيت دق عمارة جفيرو سمح السله

شغل القوه يا ام قرقد عليه شداد******** والسفر اب مساويكا حجر غير زاد العطاء من عدم ندى ونقول ماعاد **** وصابرين على الكيانات بلاميعاد

وكتين تعزموا الضيفان تحلوا القول*** سوقولهم بكارا من مراح تمبول ياناس الله وينكم مانى شايف زول **** هسع جوا داركم لى قريب من حول

حثل صحاك عز الهجعه صةت شتما مخنوق************ وجاتك شخرت الطمبارى مشتاقا يسوى القوق واتلفحت نص من توبك الجرجار على الدلوكه سائق سوق ************* ةتلقى هناك بنات بلدك ولاد بلدك يعلوا الصفقه تقدح فى القلوب الشوق ************ ونغم الفال ابشرن يابنات بالخير والجنيات تطير لافوق الطاقيه تحت الحاجب المعقود هديه ام وين ومامشري نن السوق -********* جفير الخوسه فايت الكوع وسيرو مع العضل مطبوق والعنجاوى ينزل فوق ضهورهم بس تقول مشحطه فوقهلا بروق ******يبدا مجرو بالترقوه ويتحدر مع العضل القصار مطبوق

انشأ الله نواصل فيما انقطع من تجدعات في خيمة الحاردلو

الزول الاصيل فى الحاره جد تلقاهو
بالمال والولد يفديك كمان بى دماهو
والزول المرخرخ فى اصولو وجاهو
لاحد لافرح البيك ما هماهو
اللوم والشكر واحد على السجمان
والليل والنهار واحد على العميان
عز الراس دهن وعز القرب قطران
عز الخيل لجام وعز الحريم وليان

والله كلام تجدعات عجيبة واصل يا احمد وماتقيف اصلوا لانه بي صراحة بحب الشعر الدارجي او مايسمي بالدوبيت ان صح القول

جزء من مسدار الصيد للشاعر الفحل الحاردلو

الشم خوخت بردن ليالي الحره
والبراق برق من مناً جاب القرة
شوف عيني الصقير بي جناحو كفت القره
تلقاها أم خدود الليله مرقت بره


تعرف لي مشاهيد الرقاد والفره
فلاخ المصب بيهو بتبين تتوره
فوق حيا فوق محل من الصعيد منجره
شاحد الله الكريم ما تلقى فيهو مضره


أب عراق فتق قرنو المبادر شره
والباشندي عمت مهششيب الدره
من النقره كل حين فوق عليو منصره
ها الايام محاريها القليعة ام غره


قلمت من هنا وبي ضانها سمعت كره
فوق كارتوت شخيتيراً تخين خره
قلاتو الوهاط بى لشغه قبلو محره
يا ياسط التعم تسقيها في ها المره


بت المن قرين مرقن على الجبال
في بية وبلوس ما برجن الوبال
صفراً درعتين تدلى لا لبهال
وبيضت شاش قرابيبن تريع البال


مرقن يا مجيب لي جملة الشعال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم منوال


من بيلا الصباح اسربقن همال
ولادوف فوق حقايبهن كترتو جمال
الخور العطيس بلداً عزاز ورمال
ومدروك ما هو من حر النهار بكمال


عقبن ود دعول بجرن شفاقة عدال
ختمن مقرح الحربة ال جبال طوال
قلت أمات قرود وردنو بي القبال
خلقن كيف برمولهن دمير حبال



من امات رميلة متر كشات لا شمال
سمعن هدري لا قدارم كرير واضلال
إشرحط بريقن راح إشيل ولوال
وتيسن زاعلن باكر مع الشهلال


خلاهن رتوع في بقيل وخرجت نال
لامن دور الوادي السرى سيال
فوق قمزوز طلع شاف في ملينتو زوال
وقلعت كو حفيرها لقيلو فيها نعال



مطامنات هناك لامن نهارن زال
وشرفن كلهن شمن دعاش أتعال
ما بيات البلد دايرات حقو السروال
وصفا متع الغناي قدر ما قال



في عاقب نهار سون لهن مرحال
وعينيهن خلقهن زرق بلا كحال
من ريح الحويل بقين دحين في حال
وديل ليمهن على الهاس أل متلنا محال


جاهن منقلب وقتاً عصير وشفاف
وكاسب ليلو بيهن من صدف ما بخاف
ديل أل طبعهن دايم الابد عياف
وفي نايط السروج لقين يقيلن جاف

مما قام صغير ثابت مجيه عومو
حافلات اللبوس فيهن بكبر كومو
خليفة المنتظر عماره اغفر لومو
جاك كبش الضحية الليلة اخر يومو
0 0 0 0 0
ما قام صغير بركب البتشابه
بخمش الكيك علي الحربةالبدق عسابة
عمارة ود حمد روحو العزيزة سخا با
اتحكر فرش عند سكة البوابة
0 0 0 0 0
مما قام صغير الامة بتهاضي با
دفاع السديس واحدا بينفى سبيبا
اكان قال ليك امش حضر رسينك جيبا
بيأمرليك علي الأشغى البهوقي خبيبا
0 0 0 0 0 0
مما قام صغير حارص ولا بضاري
بخمش الكيك على الحربة البتوقد نارا
جايك ممتثل ود عزة النقارة
خليفة المنتظر قول السماح لي عمارة
0 0 0 0 0 0 0 0
جرو السلسلة المتل الشرار عينيهو
يات من قال انا شال خت من فوق ليهو
بشق الزول جزمت من هامتو لا كرعيهو
قط ما قال حفا وفوق راسو شبك ايديهو
0 0 0 0 0 0 0 0
جرو السلسلة الحجر مشارع العوم
وغاص من اب حراز قلع قبالة ام دوم
اب كفا بشوش حاشاهو من اللوم
كامل السمته اخوى والله وابوك معلوم
0 0 0 0 0 0 0