رباعية زول مزنوق......!!!!

بسم الله الرحمن الرحيم
جاءتنى رسالة من الشيخ عمر إبراهيم الهادى وفيه أبيات رباعية التى يعبر فيها عن فراقه وشوقه وحنينه لأهله ولكن أبشره بخماسية وسداسية طالما أنه حديث عهد فى الغربة وهذه الحالة تمر على كل من يفارق أهله وخصوصا المرة الأولى وكان يقول فيها:

قريتنا الحنينه...شوفتنا ليها زمان
لو بى إيدنا ...نقعد فيها زى ما كان
ونسه وضحك..وحجرنا والديوان
لكن الظروف...غدارة يا إخوان

ملحوظة :
ياخى زيدها شويه

والله بصراحة يا اخوانا اشتقنا للحلة شوق شديد عشان كده الواحد بطلع كل مرة شعر وده بيدل علي انه شوقنا ليها بحر ودموعنا مطر زي مابقولوا . اما بالنسبة للزيادة ياخال فبامكاني ازيدها تلاتة رباعيات ولا اربعة رباعيات لكن قلنا احسن نختصرها شوية لانه نحن يادوب في البدايات وشوية شوية ان شاء الله للامام . بس البيت الاخير نقصت فيه شوية وبقي ماموزون . لكن الظروف .. غدارة يا الاخوان

سامحنى عمر على النقصان لكن من المؤكد خطاء مطبعى وورح أرح أرح أدينا الجديد