طرائف ونكات الاسبوع

السلام عليكم ورحمة
1/ ولد يسأل أمه: وش يعني ملاك ؟
ردت: مخلوق من نور يطير في السماء
قال الولد: سمعت بابا يقول لسكرتيرته يا ملاكي بس ما طارت !
قالت الأم: اليوم بتطير
2/ وحدة تقول لزوجها..؟
إيش رأيك تذبح خروفين بمناسبة مرور 10 سنوات على زواجنا..؟
قال زوجها..؟ وشو ذنب الخروفين في غلطة ارتكبها حمار!!؟
3/ واحد بخيل بخيل لدرجة معاهو اولادو اثنين عندهم زراعة على الشارع شغالين يسقو فيها ،،، مواعيد الفطورجات بس ختو الصينيه كده جا واحد شايل كيس في يدو وماشي لما شافم جا قعد معاهم ، الزول اكال اكل مبالغ فيهو بس لقمتين والتالته الصحن بقى فاضي ،،، الزول غسل يدينو وشرب ووقف طوالي وبدأ يسأل من منطقه بعيده منهم ،،، الابوطبعاً اتغاظ من الاكل بتاعو قال ليهو لو مشيك زي اكلك ده هسسسسسسسع تصل
4/ شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك
5/ جعلي بيكره جارو الشايقي الشايقي اتوفي الجعلي قعد يبكي شديد الجماعه قالو ليهو يا الجعلي انت بتبكي علي الشايقي كده لي مش كنت بتكرهو الجعلي قال ليهم لانو البكاء بعذب الميت
6/ فى واحد عندو غنمايه مشى السوق عاوز يبيعها قامت الغنمايه جفلت منو قربت تزوق وتروح منو قام رفع جناها فوق الغنمايه شافت جناها جاءت راجعه جمبو واحد رباطابى مصور الموقف من اوله قال ليه رجعتها بالريموت كنتروووول
7/شايقية قالت لي أمها : راجلي إتاخر شديد خايفه يكون عرس علي؟؟
قالت ليها يابت إتفائلي خير يمكن طقشتو عربية!!

عدد المساهمات : 99 تاريخ التسجيل : 14/03/2008

الأستاذ اخو التومات
تحية طيبة
يا اخي انت دائما تكتب اشياء جميلة و هادفة و لكن لم يحالفك الحظ في هذه المرة ارجو التحري في اختيار المواضيع التي تكتب في منتدى عام فهذه القصة لا تصلح هنا
و أنا بصراحة لم استحسن ما كتبته و في قصتك جرح للحياء العام
ارجو ان تتقبل وجهة نظري للمصلحة العامة ، كما ارجو ان تفصح لنا عن هويتك و اسمك الحقيقي

Ahmed Rahma كتب:: الأستاذ اخو التومات
تحية طيبة
يا اخي انت دائما تكتب اشياء جميلة و هادفة و لكن لم يحالفك الحظ في هذه المرة ارجو التحري في اختيار المواضيع التي تكتب في منتدى عام فهذه القصة لا تصلح هنا
و أنا بصراحة لم استحسن ما كتبته و في قصتك جرح للحياء العام
ارجو ان تتقبل وجهة نظري للمصلحة العامة ، كما ارجو ان تفصح لنا عن هويتك و اسمك الحقيقي

بسم الله الرحمن الرحيم

الخال رياض (أحمد رحمة)

يرجى ملاحظة أن كاتب الموضوع هو الأخ/ عوض الجيد مصطفى الأمين، وليس أخو التومات....

كما أن (أخو التومات) قد أفصح عن هويته واسمه الحقيقي في بوست بعنوان: (رسالة ترحيب وتعريف) بمنتدى الترحيب والتعارف، وهو أحمد إبراهيم بلة جبر... وهو يكتب حالياً للمنتدى من دولة فرنسا...

زائر

[

color=darkred] معليش يا شيخ ما تقرص الراجل حار شديد غلطة تفوت..
كدي هاكن دي خفيفة..
مسطول معاه أحوص.. شادين ليهم صاج بيعملوا طعمية
يقوم الأحوص يرميها برة الزيت و المسطول يقول لو تشششششششششششششششششششش
.[/color]

زائر

مالكن آآجماعة عفنتو البوست.. محتاجين شديد للابتسام فهلا رسمتموه على شفاهنا!!!
اتنيين قال ليك مساطيل راكبين عربية ..فواحد بيقول للتاني: ها زول أعمل حسابك قدامك شدرة..داك و لا عبرو ولا معاه في الخط ..قام و كت شافها قربت أكتر كورك بحس أعلى: يا خي ما قلنا ليك قدامك شدرة أحوص إت ولا شنو ياخ وعمى كباسة إن شاء الله؟؟! برضو لسة مطنش لحد ما تراح دخل فيها بقدومو فقال لأخوه:داير تغتس حجرنا؟!ما قلنا لك قدامك شدرة" فداك قرد ليه: لا كين تطير عيشتك آآآشقي شن أسي لك؛ أكان أنت السايق!!!

بسم الله الرحمن الرحيم والصلاة والسلام على اشرف خلق الله اجمعين :
اولاً السلام عليكم ورحمة الله وبركاته الخال المحترم احمد (رياض) انا لم اكتب هذا الموضوع انما كتبه الاخ العزيز عوض الجيد مصطفى كما اسلف اخى اسماعيل واشكرك شكراً جزيلاً للتنبيه

زائر

واحد عندو كميه من الجمال داير يقطعا البحر وخايف من عين الرباطاب
صاحبك اتوكل وركبها البنطون وكلها كانت باركه اول البنطون ما وصل القيف فى جمل وقف على طولو
واحد من الرباطاب قال ليهو اتا جملك دا فايتاهو ركعه ولا شنو..
بيلا سيرا ينصر دينك! صراحة دي فظيعة بجد! لقيتا و ين آآآشقي؟؟؟
طيب كدي هاك شوف الحتتين ديل ما رباطبابيات لاكين من قريب هناك جيهة عطبرة..المدرس عندو صلعة عجيبة شاقة راسو نصين و ملساء طب حجر مسن.. بعدين طوالي مالكاه برةقاعد يحك فيها نص الحضة بأصبعيه العشرة تلميذ متفلسف حب يسخر منو : يأ استاذ بقولوا أن علاج الصلع هو أن تجعل بقره تلحس رأسك فرد عليه بسحرية جاهزة بأن حنى راسو و قال ليه! طيب مستني شنو ؟ هاك اتفضل ألحس...
الزوج المغلوب على أمره يدعوعند دخوله البيت: أللهم أسالك الثبات عند السوأل.....
واحد غلبان ساق الحاجة مشى يشتري ليها جزمة فدخل لصاحب المحل وقال : عاوز جزمة من غير كعب وخفيفة ورخيصه.البياع جبد الجزمة نزل الجزمة المطلوبة..أها الزوجه قالت دي ماتنفع؛ عايزه بكعب فرد الزوج ! لا بدون كعب! لا بكعب المشكله و لعت وكل واحد منهن و قف الفاً أحمر.! فتدخل صاحب المحل زي منحاز للزوجة قال للراجل : أسمع يا خي أنت ح تلبسها .! رد الزوج لا كدي قول لي؛ هو أنت اللي ح تنضرب بيها؟؟؟.
........
ودي باقة من أبو داوود وعوض دكام

عوض دكام يوم جاتو واحدة من بنات أهله زعلانة وبتحكي ليه:
قالت: كنت راكبة عربيه مع واحد شغال فى الحكومة نظام فضل ظهر وكدا اسموا يونس النباح الذى اشتهر بتقديم التعليق السياسى بعد نشرة ثلاثة فى الاذاعة المهم الراجل دا سالنى رايك شنو فى حكومتنا قلتو ليها سجم ورماد نبزنى وقال لي يا خادم ونزلنى من عربيتو، فرد عليها عوض دكام ليطيب خاطرها هو الكلب دا خادم الحرمين الشريفين ما يلم من حشمو داير يعفيك انتي يا خادم الحلفاية..!!
*****
قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟
فقال أبوداوود : ما تعدموه تريحونا منّو يا ريس .
فضحك النميري ، وأمر بإطلاق سراح وردي
*****
قال ليك عوض دكام كان فى فراش بكا وكان يوم رفع الفراش وعوض دكام مشى عشان يدفع فى الكشف واحد من اصحابو قال ليهو انت يا عوض مفروض تدفع بالدولار وض دكام قال ليهو لية فارشين فى السوق الحر!!
*****
أبو داؤود مرتبط يحي حفلة عرس لناس ، لاكنو وصل متأخر شوية لقاهم جايبن المطرب المرحوم / خضر بشير واقف على المسرح و يغنى ومعروف خضر بشير انه ينفعل مع الغناء أبو داوود لقى روحو في دكة الاحتياطي سحب ليهو كرسى وقعد يتفرج وهو زعلان جدا ، وعلى العليهو قام جا شافع انشحط ليهو فوق نخريهو. قام ابو داؤود لز الشويفع ومستمع و قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك !
*****
ابوداؤد كان بغنى فى حفلة والصف الاول كان كلو جكس حجم عائلي كلو واحدة اسمن من التانية وبعد الاغنية الاولى قام الجماعة كوركو ليهو بالله يا استاذ فريع البان ...قام عاين ليهم وعاين للصف الاول...وقال ليهم فريع البان كيف مع شجر التبلدى بتاعكم دة !
*****
أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليانة حطب شي"شاف" وشي ما "شاف" وطلح و سباغ و صندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب يا خوي..
.....
ادروب في أيام السقط دي كاطع تذكرة على أفراس من بورسودان نازل كسلا هنا. قام ركبت ليك جنبو واحدة مرطبة شديد ماشة الخرطوم، و معاها وليد محنكش شوية . طبعاً شايلة معاها و جبة ساخنة ما خمج (سندوش بيرجر كنج+4 صوابع نقانق+حتة جبنة لا فاش كيري مع كم حبة ماكنتوش)؛ يعني حكاية تسيل لعاب الحجر ظاطو.. بعد شوية المرة مرقت ليك ال"تيك أواي" و قعدت تحنس ليك في الوليد عشان يأكل( طبعاً متخوم) : يا ماما ما تاكل و الله ح أديهو عمو.. بهنا عمو أدروب عاش ليك مع المسعلة دي لمان دغدغت ليك مشاعرو طب لدرجة دخل مدرسة عديل.. جينا في كسلا دي معطناها سااااه.. مدني فتناها حوفا .. الحصاحيصا الكاملين الباقير كلهن في غضب الله.. لمان توش وصلنا الميناء البري.. الحاجة لملمت أطرافا نازلة.. إنت يا أدروب بالمغسة تقوم تنهز الشافع نهزة! لمان يترعش: شافع جنا حرام، أمك ما تريح! سندوش ما أكلت, و كمان كسلا ما خليتنا ندلى.!!!
........
هاك دى واحدة على الطائر كدا أدروب عندو صورة اشعة ، الممرضة دخلتو الأسانسير عشان يطلعوا قسم الأشعة فى الدور الثالثالأسانسير فتح الممرضة نزلت وأدروب ما نزل من الأسانسيرأدروب إفتكر الأسانسير ده محل الأشعةملص عريانبعد شوية الأسانسير فتحالممرضة شافت أدروب عريان ، قعدت تكوركأدروب إنزعج سأل الممرضةأوعى يكون سرطان؟؟....
آخر واحدة
اتنين مساطيل قاعدين يتغالتو فا واحد قال لأخوه : تعرف، أنا شايفك اتنين فالتاني قال لو لا أنا الشايفك تلاته فقالوا خلاص إحنا عشان ما نكتر النقة نمشي لشيخ الكار يشوف لينا حل للشبكة دي.. فلما عرضوا عليه المشكله. قال ليهم خلاص يا جماعة الحكاية بسيطة جداً؛ كدي أول حاجة الاتنين المتغالتين يقعدوا لينا في الواطة بي جاي و باقي الهيلمانة دي كلها ما في ليها داعي فبالله يدونا عرض أكتفاهم.