- مجدى محمد حمد كتب:
- هنالك بعض الاشخاص بيشتهرو باسماء امهاتهم اكثر من ابائهم والحاجه دى بتجى عفوا ساى كدا فمثلا بنقول خالد ود زينب
وهو خالد ود الضو .ومحمد ود السيده وهو محمد احمد على وبنقول محمد ود ست ابوها وهو محمد ود احمد الزبيروزمااااان الجماعه بقولو اسماعين ود الماجده وهو(حبيبنا وتفاحتنا كما يحلو لاعضاء المنتدى تسميته)اسماعيل ود البشير....كدى رد لينا على الكلام دا يا ابو مسلم .
أحييك يا مجدي (يا ود فاطنة بت حامد) على هذه النافذة الطريفة المرحة...
بالمناسبة، الموضوع ده أنا ما شفتو إلا اليوم بس، لما جيت (أضاير) مواضيعكم المشتتة في ردهات المنتديات، وذلك بصفتي مشرفاً عاماً لهذا المنبر العريجاوي المتميز..... لذلك فقد نقلت موضوعك هذا من المنتدى العام إلى منتدى (استراحة العريجاء) فالأنسب أن يكون هنا....
أشهر اثنين عُرفوا بأمهاتهم في العريجاء هما شخصان يحملان اسم حسن، الأول هو (حسن ود التاية)، والثاني هو (حسن ود السكينة)... حسن ود التاية هو حسن محمد بركات، وأمه هي حبوبتنا حاجة التاية بت باب الله (عليها رحمة الله)، والتي كانت تقيم بالعريجاء ولها بها حواشة ومربوع، ثم ارتحلت في أواخر سني عمرها لتقيم مع ابنها حسن هذا في قرية (أم مغد)، وتركت ابنتها حاجة فاطنة الداية (عليها رحمة الله) مقيمة في مربوعها بالعريجاء... هذا المربوع قد آل أخيراً إلى ملكية الأخ/ إبراهيم محمد الضباح (رودس)...
أما حسن ود السكينة، فهو الأخ حسن عبد الله الحسن، وأمه هي حبوبتنا السكينة بت الفحل (عليها رحمة الله)، وله أخت شقيقة هي خالتنا بخيتة زوجة الفاضل أحمد إبراهيم، وله أخوان أكبر منه سناً هما الخير وأبو عركي، وكلاهما كان الناس يدعونهما بأمهما السكينة، فيقولون الخير ود السكينة وأبْ عركي ود السكينة...
أنا وشقيقي الأكبر عمر أيضاً كان يقال لنا أولاد المايدة، لأن أهل أمنا في العريجاء أكثر بكثير من أهل أبونا البشير... وهناك أيضاً أشخاص آخرين في العريجاء عرفوا بأسماء أمهاتهم من أمثال مكاوي ود معاشي (عليه رحمة الله) وعابدين ود حُسنى، وصلاح ود نفيسة...
الإثنين 07 يناير 2019, 9:08 pm من طرف عبدالرحمن قدالة
