رحبوا معى بود حرحوف

زائر

الاخ الطيب عبد الواحد حسب الرسول حبابك عشره بلا( كشره)الدار دارك ومرحبتين حبابك نحنا قاعدين نفتش ليك بس ما تسجل وتزوغ وجرجر لينا ابوك دا اليخوش لى جوا زولا وناس وطاعم حبابكم

حبابكم البلاء ما جابكم تعالو وجيبو عقابكم
حباب ود حرحوف الطيب عبد الواحد
حسب الرسول حبابكم الاف اتفضلو خشو لجوة
كمان انتو دايرين عذومة انتو ما اسياد دار
البيت بيتكم مفروش ومقشوش ومرشوش
والعنقريب هباب والجبنة مدورة والونسة فاقدة
اهلنا ناس حرحوف وهديل وصلو الميس تب
يلا ورونا ابداعاتكم دا ضلنا ودا بيتنا وياهو
منتدانا

ود حرحوف... حبابك ألوف... يا عشَّاي الضيوف... يا فرتاق الصفوف.... يا سيد الناقة والبقرة والخروف...

عندكم جد قديم اسمه (ود حرحوف) كان عمدة في زمانه ... وكان رجلاً سمحاً، ينظر المعسر، ويمهله لحين ميسرة، فلا يشدد على الناس في جمع الضرائب (العشور والقُطعان)... فكان الناس يقولون: (كان جاك ود حرحوف؛ دبِّر شوف... وكان جاك ود المطبوق؛ إتَّ وأولادك السوق)... يعني يبيعكم في سوق النخاسة...

مرة تانية مرحب بالطيب ود عبد الواحد الحرحوفابي، العكدابي، الكاهلي الصميم... المرة الجاية جيب معاك أبوك وعمك عدنان وعمك الطيب...

يامراحب بالحرحوفابي الطيب عبد الواحد نرحب بة في دارة , ونتمني من الله العلي القدير ان يتواصل مع اهلة العراجة
ياريت الاخ الطيب ان يبلغ أبنا عمة عمر عباس بدوي ويوسف .وننتظر منهم المشاركة .

» رحبوا بام ملاذ
» رحبوا معى بمهند ........؟؟؟؟
» رحبوا معى بعبدو العكدابى
» رحبوا معى بالعضو اشراقة
» رحبوا معى بالعضو سيف 2008