أرني بولك أقل لك ما بك!!!

زائر

[size=24]أرني بولك أقل لك ما بك!!!
[b]مرة واحد كان ماشي مطلش في الشارع وطا ليه قشرة موز‎..وقع كسر كوعو قام جرا لأقرب دكتور ..في العيادة ‎ .. قال للممرضه: أنا داير أقابل الدكتور!
الممرضه من آخر شلاليفها: .. عايزين عيّنة من البول لو سمحت !
الراجل باستغراب شديد: عشان شنو عينة البول!!.. و شنو دخل البول بكوع ايدي!!؟؟
الممرضه معصّبة مبالااالغة:بكيفك يا خوي، لازم عينة بول عشان تدخل على الدكتور.. دا النظام إن عجبك .مافيه بول .. يعني كان خريت مافي دكتور! أخونا.. سلّم امره لله وقال: يالا مافي مشكله على الأقل نلقى حتة نشر فيها؟ بدل ما ندفقو على كريعاتنا أو في أقرب كوشة.. و جاب ليهم عينة البول سلموها للدكتور. وب عد شوية ندهوه و لما الدكتور شاف المريض ابتسم و قال: و اضح الضربه قويه .. بس تطمن كوعك سليم وما في عجة طب! المريض مستغرب: كيف عرفت يا دكتور دا كوع: أكيد الممرّضة قايلا لك !! ‎
الدكتور: لا أبداً ياخي.. تحليل البول هو اللي يبين كل شي . عندنا جهاز صيحة في عالم التحليل خد المرهم دا و أدهن منه كوعك و بعد اسبوع راجعني وأ وعة تنسى تجيب عيّنة البول معاك الحاج رجع بيتو و في راسه الف سؤال… مستغرب من الاختراع العجيب و قال لأهله عن الموضوع و قعدو يضحكو عليه وقالو لو دا نصب دكاتره ومافيش حاجة اسمها تحليل بول بالكمبيوتر .بعد اسبوع الزول كوعهطاب مية مية و قرر يرجع للحرامية ديل بس واحد منشفعو اقترح عليه انو ينصبو شرك ، مقلب لكشف شبكة الاحتيال ‎
قام الولد كب عينة من بوله على عينة من بول الشافعة أختو على عينة من بول أبوه و خت عليها شوية قدحة من زيت فرامل العربية: .
عمك شال (كوكتيل البول ) و طوالي على الممرضه وسلمها العينة القنبلة!!!! وقعد ينتظر ويراقب الموقف.بعد نص ساعه كدا تقريباً طلع الدكتور عرقو دا لمان سايل من سداغاتو و ماسك ورقة نيتجة الفحص طويلة ليها بداية ما ليها نهاية ‎ ..
قام المريض وسأل الدكتور بنوع من التهكم: ها بشر يا دكتور شن حصلت في التحليل!!؟؟
‎لكن الدكتور رد التحية بأسوأ منها: و اضح ياخي انو كوعك شفي تمام التمام بس في شوية نتائج غريبة هنا!!؟
الحاج نفسو قام فجأة: يعني شنو غريبة؟؟؟
يا حاج كدي أهدأ شوية وأقعد نشرح ليك: أول هام لقينا في دمك دعكة صبغة(نظامموت اطيء) .. تاني هام و لدك طلع بشم بلاوي..وبالنسبة الأمورة الحلوة بنتك نقول 1000مبروك في الخامس، بس ياريت نعمل ليها ألترا ساوند و إن شاء الله يا رب ذكر و لو بت، برضو من المستورات..ثم بعدين ما تنسى يا حاج عربيتكم دي عايزة شنابر !!!
أها من حيسك دا أكان لاقاك زول حايم يلقط قزاز عينات من الكوش طوالي تعرفو دا صاحبنا شغال لصالح العصابة..
ودام الكل عزيزاً على قلبي[/b][/size]

حكاية عجيبة يا ود الأصيل....

ربما تكون دي أحدث تقنيات التشخيص الطبي في الألفية الرابعة !!!

طيب ناسك ديل لو الزول عندو حبس بول يجيب ليهم شنو عشان يحللوا ؟؟؟!!!

زائر

Ismail كتب:: حكاية عجيبة يا ود الأصيل....
ربما تكون دي أحدث تقنيات التشخيص الطبي في الألفية الرابعة !!!
طيب ناسك ديل لو الزول عندو حبس بول يجيب ليهم شنو عشان يحللوا ؟؟؟!!!

برضو يشيل عينة بول لاكين المرة دي أوعة من الدكتور!!
لا لا المرة دي يوديها لأقرب معراقي راسو عديييييييييل!!!