المسابقة العريجاوية الثانية

بسم الله الرحمن الرحيم

المسابقة العريجاوية الثانية

السؤال الأول:ــــ

في منتصف خمسينات القرن الماضي، انتقل أهل العريجاء من الحلة القديمة (الكمبو حالياً) ليسكنوا في الحلة الجديدة القائمة حالياً... وتم منح كل مواطن مربوعاً ليسكن فيه... فمن هو المواطن الذي أصاب مربوعاً يقع في ناصيتين وثلاثة شوارع؟؟! هم أكثر من شخص... فإن ذكرت أي منهم كانت الإجابة صحيحة.... (وهذا سؤال بدون خيارات).

السؤال الثاني:ــــ

هناك امرأتان في القرية تحملان اسم (أم شورة)... هما تحديداً أم شورة بت حدباي (زوجة بلة البشير) وأم شورة بت عطا المولى (والدة عماد محمد أحمد)، وهما مسماتان على نفس المرأة، إذ القرابة بينهما معلومة للجميع... والسؤال ما هو معنى الاسم (أم شورة) ؟؟!

1) الغزالة

2) المهرة (الفتية من الخيل).

3) البكرة (الفتية من الإبل).

السؤال الثالث:ــــ

كان هناك رجل دنقلاوي يعيش في العريجاء منذ فجر التخديرة، وهو أول من أسس جزارة في العريجاء، وكانت جزارته في موقع منزل حاج عطية الحالي... وكانت له حواشة بالعريجاء، وكان له دكان من أقدم دكاكين العريجاء... هذا الرجل ارتحل عن العريجاء في سبعينيات القرن الماضي (إن لم تخني الذاكرة) ليقيم بإحدى قرى مشروع الرهد الزراعي... فمن هو هذا الرجل؟؟؟!

1) إدريس الأمين.

2) جادين البخيت.

3) حسن علي.

السؤال الرابع:ـــ

الأستاذ/ إبراهيم بشير هو أول معلم يفتتح مدرسة العريجاء الأولية عام 1962، والمساعد الطبي عامر الشيخ هو أول حكيم يفتتح شفخانة العريجاء في عام 1963م... وكلا الرجلين ينتميان إلى مدينة واحدة من مدن السودان... فما هي تلك المدينة التي أمدتنا بأول أستاذ وأول حكيم ؟؟؟!

1) المناقل.

2) الكاملين.

3) الحصاحيصا.

بسم الله الرحمن الرحيم
والصلاة والسلام على النبى الهادى الصادق الأمين
أما بعد
أخى العزيز الغالى لقد أتحفتنا بمثل هذه المسابقات الرائعة جدا والتى تعبر عن واحة الأنس بكل معنا جميل وترسخ فى أزهاننا ذلك التاريخ الحافل وكم نحن فى حوجه إليها لنعرف عنها كل صغيره وكبيرة وأناشد كل من يعرف مثل هذه المسابقات أن لا يبخل بها علينا ولا بأس بالإجتهاد بل نشجعه وياريت لا تتوقف عنها بل ونطالبك بها وأنت أكثرنا خبره فى هذا المجال وجزاك الله خيرا وبارك الله فيك

الإجابه عن السؤال الأول :

هو /بله ود البشير

السؤال الثانى
هى الغزاله * غير متأكد*

السؤال الثالث
حسن على

السؤال الرابع

الكاملين

محاولة رائعة يا ود الخال... لعل المقام طاب ليك مؤقتاً بين ربوع الإمارات الجميلة ( أبو ظبي، والعين، ودبي، والشارقة، وراس الخيمة.... والحاجات الحلوة دي...

اشتقنا ليك في الدوحة... متين العودة تاني ؟؟؟؟؟؟؟؟؟!!

ننتظر لمن نشوف إجابات الشباب التانيين !!!!

بسم الله الرحمن الرحيم
الصلاة والسلام علي سيدنا محمد الصادق الامين افضل خلق الله اجمعين وبـــعـــد

الاخ الرائع اسمح لي ان اشكرك علي الواجب
بتعريف معالم قريتنا الجميلة التي نعشقها حتي الثماله
س1
ج1/بله ودالبشير
س2
ج2/البكرة( الفتنة من الابل )
س3
ج3/جادين البخيت
س4
ج4/الكاملين

[b]

س1
بلة البشير
س2
المهرة
س3
حسن علي
س4
المناقل

نشكر للإخوة محمد حسن محمد توم ومهند أحمد عطا المولى حسن تفاعلهم وتجاوبهم مع المسابقة العريجاوية الثانية... ولكن نود أن ننوه إلى أن جميع الإخوة المتداخلين أجابوا على السؤال الأول بإجابة واحدة هي: (بله البشير) والسؤال يقول أن هذا المربوع الواقع في ناصيتين وثلاثة شوارع كان من المرابيع القديمة التي تم توزيعها في منتصف خمسينات القرن الماضي، بينما منزل الأخ/ بلة البشير الحالي لم يكن له وجود قبل ثمانينات القرن الماضي... لذا لزم التنويه !! فابحثوا لكم عن منزل خلاف منزل بله ود البشير ...

يرجى سرعة التفاعل لأن المسابقة العريجاوية الثالثة في الانتظار .....

سلام عليك الخال العذيذ اسماعيل انشاء اللة عافية درت
اخبارك واخبار عيالك انشااللة عافية ومبسوطين ومروقين

مسابقاتك بالجد ممتعة ياخال ومفيدة بالذات لجيلنا
لانو المعلومات دى غايبة علينا وما عارفين فيها الا القليل
ودا باعتبارة تراث وتاريخ لقريتنا الحبيبة العريجاء الوريفة

اما بالنسبة للاسئلة جذو عارفة وجذو غائب على
على العموم داير انقل من الخال خالد الجاك
ومشوة لى المرة دى الجاية مابنقل اخر مرة وانشاءاللة
اكون موفق فى النقل وانقل صااااااااااااااااااااااااااااااااااااح

السؤال الاول

بلة ود البشير

السؤال الثانى

الغذالة

السؤال الثالث

حسن على

السؤال الرابع

الكاملين

محمد عنتر كتب:: سلام عليك الخال العذيذ اسماعيل انشاء اللة عافية درت
اخبارك واخبار عيالك انشااللة عافية ومبسوطين ومروقين

مسابقاتك بالجد ممتعة ياخال ومفيدة بالذات لجيلنا
لانو المعلومات دى غايبة علينا وما عارفين فيها الا القليل
ودا باعتبارة تراث وتاريخ لقريتنا الحبيبة العريجاء الوريفة

اما بالنسبة للاسئلة جذو عارفة وجذو غائب على
على العموم داير انقل من الخال خالد الجاك
ومشوة لى المرة دى الجاية مابنقل اخر مرة وانشاءاللة
اكون موفق فى النقل وانقل صااااااااااااااااااااااااااااااااااااح

نحن الحمد لله طيبين وفي نعمة عظيمة، وعافية درت... وزي ما قال أخونا إبراهيم الجاك (خريف أبو السعن؛ صُرفة وجراد !!) – رب أوزعني أن أشكر نعمتك التي أنعمت علي...

مشكور يا محمد على هذا الإطراء الذي أثلج صدرنا ورفع من معنوياتنا، ولكن....

ما كان العشم يا محمد إنك تنقل الإجابات من خالد الجاك... كنا دايرنك تتصل بوالدك عنتر حسين وخالك سيف الدين حسن وعمك عبد القادر إدريس، وتسألهم عن المعلومات التراثية دي !!!

عموماً الأخ/ خالد الجاك كان هو الأكثر توفيقاً في حل المسابقة من بين جميع من أدلوا بدلوهم في حلها... ولكن لم تكن إجاباته كلها صحيحة.........

يلا شدو الهمة يا شباب عشان نجيب ليكم المسابقة العريجاوية الثالثة.........

والله نحن غايتو ماعارفين وما حكوا لينا تاريخ العريجا ولا لقيناه مكتوب في كتب موثق فيها عشان نقراه عشان كده مابنشوبر ونجاوب اجابات كشا مشا من غير مانعرف..

واللة يا الخال اسماعيل قالو الخال شريك الوالد وعشان كدة نقلتة من خالى

أبوقدامة كتب:: والله نحن غايتو ماعارفين وما حكوا لينا تاريخ العريجا ولا لقيناه مكتوب في كتب موثق فيها عشان نقراه عشان كده مابنشوبر ونجاوب اجابات كشا مشا من غير مانعرف..

رويدك يا أبا قدامة.....

فإن الأسئلة الثلاثة الأولى لا تحتاج إلى وثائق ولا إلى كتب تاريخ، فالمنزل الواقع في ناصيتين وثلاث شوراع لا يزال موجوداً حتى اليوم، وهي بالتحديد أربع منازل في أربعة مرابيع مختلفة كلها تنطبق عليها المواصفات المذكورة أعلاه... ومعنى عبارة (أم شورة) هي من صميم الثقافة التراثية السودانية بشكل عام... والرجل الدنقلاوي الذي كان يقيم في القرية، ثم ارتحل منها، لا تزال بعض آثاره موجودة بالقرية حتى اليوم، فهو قد باع دكانه ومنزله لحاج ملك الدار عبد الماجد، ودكانه لا يزال قائماً، كما أنه لم يغادر القرية إلا في أواخر حقبة السبعينات من القرن الماضي...

الخال العزيز... انا قلت الكلام ده بناء علي مسابقتك اللي فاتت والمسابقة دي والمسابقة اللاحقة كذلك لا اعتقد انها تخرج من التاريخ ان ليس كلها فمعظمها ومعظم الاسئلة في المسابقتين السابقتين تتحدث عن تاريخ القرية (وانا بي صراحة وبكل شفافية لا اعرف كثيرا عن تاريخ القرية لانه زي ماقلت ليك ماكلمونا عن التاريخ ولا لقيناه موثق في كتب عشان كده مابشوبر واقعد أؤلف في الاجابات ده عن نفسي والناس التانيين بي طريقتهم) اما بالنسبه للمسابقات فأراها هادفة وبناءة وتعتبر توثيق للتاريخ حتي ولو جاوبوا الناس غلط انت بتجي تصلحهم وتقول الاجابات الصحيحة فلذلك لا تعتقد انني انتقدك واسلوبي في الرد كان عاديا وليس جافا كما ظهر لي فهمك في الرد(رويدا يا اباقدامة)

بسم الله الرحمن الرحيم

يأبو قدامة عليك بالإجتهاد فقط وتنتظر الإجابة الصحيحة ولا تبقى زى ود أختى محمد عنتر وتشف وليس عيبا إن كانت إجابتك خاطئة

ولك منى خالص الشكر

بسم الله الرحمن الرحيم
[b]
n]]السلام عليكم وبعد مسابقتكم جميله وممتعه دي اجابات الوالد (ابوالماجدة)[/i]
red]]]س[/[/i]b]1
مربوع العمده (ابراهيم العبيد)
[b]س2[/b[/i]]
المهرة الفتيه من الخيل (لكن اظن أن ام شوره كان يقصد بها المرأه ذات الراي الحصيف التى تستشار في عظائم الامور
red]]]س3[/b]
]i]حسن غلي [/i]
red]]]س4[/b[/i]]
الكاملين

مرحباً بابننا محمد عمر البشير، في منتدى أهله العرَّاجة، النارهم دايماً سرَّاجة، وما بقعدوا متل الفرَّاجة......... الدار دارك والبيت بيتك، دحين أبقى داخل لي جوة، وشوف ليك أوهط عنقريب وصنقر فوقو، واشرب من قهوة أهلك المدنكلة دي .....

مسعول من الخير، دحين الإجابات دي منك إنت ولَّا من أبوك الفاروق ؟؟!

أولاً: مرابيع العمدة ديل حوالي أربعة مرابيع، ما مربوع واحد، ولي يوم الليلة ما انبنى فيهن بيت ولا اندق فيهن ساس...

تانياً: لفظة (أم شورة) وردت في العديد من رباعيات الدوبيت، وهي تعني صفة محددة لحيوان بعينه، ولا تعني المرأة الحكيمة الحصيفة التي تنعقد بها الشورة... وهناك فرق في النطق بين كلمة الشورة في اسم (أم شورة) وبين كلمة الشورة التي تعني الاستشارة والشورى....

خلي أبوك يحاول مرة أخرى.............

بسم الله الرحمن الرحيم

حل السابقة العريجاوية الثانية

إجابة السؤال الأول:

جدنا الشيخ الحسن القاسم، وكذلك جدنا رحمة الشيخ إدريس (أب جيب).

إجابة السؤال الثاني:

الغزالة.

إجابة السؤال الثالث:

حسن علي (اشترى منزله ودكانه حاج ملك الدار عبد الماجد)

إجابة السؤال الرابع:

الكاملين.

السلام عليكم ورحمة الله تعالي وبركاته
أنا طبعا زي عمر دا ماعارفة شي لكن بحب أعرف فبسأل أبوي وأمي آمنة وكان لميت في أي زول وإتذكرت الموضوع بسألوا طوالي واليوم راجعة من الحلة وسألت عن السؤال الأول لأنو حير الناس
فسألت الأستاذه عاجبة الصديق وقالت لي مربوع ودعوب سابقاً وحاليا سيف الدين الفاتح علي البيارة القديمة والخالة رحاب محمد فضل الكريم قالت مربوع ناس عثمان ود الفكي الزين

majda omer كتب:: السلام عليكم ورحمة الله تعالي وبركاته
أنا طبعا زي عمر دا ماعارفة شي لكن بحب أعرف فبسأل أبوي وأمي آمنة وكان لميت في أي زول وإتذكرت الموضوع بسألوا طوالي واليوم راجعة من الحلة وسألت عن السؤال الأول لأنو حير الناس
فسألت الأستاذه عاجبة الصديق وقالت لي مربوع ودعوب سابقاً وحاليا سيف الدين الفاتح علي البيارة القديمة والخالة رحاب محمد فضل الكريم قالت مربوع ناس عثمان ود الفكي الزين

بصراحة إجابة الأستاذة عاجبة بت الصديق إجابة في الصميم، فمربوع ود دعوب هو أحد المرابيع التي تطل على ناصيتين وثلاثة شوارع، وأنا قلت أن هناك عدة مرابيع تنطبق عليها هذه الخاصية... بالمناسبة الأستاذة عاجبة الصديق دي قريبتي من الناحيتين؛-** (أبوها ود خالتي زينب محمد الشايقي)، ومحمد الشايقي هذا هو الشقيق الوحيد لجدنا إبراهيم ود الشايقي،(وأمها خالتي بلتنا بت التومة بت الحسين) والتومة هذه هي شقيقة حبوبتي دار السلام بت الحسين (عليهم جميعاً رحمة الله تعالى)...