كهرباء العريجاء حقيقة لا امنية

زائر

ا الان وبعد طول انتظار هلت الفرحة والبهجة بوصول المهندسين والفنين لتوصيل الشاشات والعلب خلال 24 ساعة

تهانينا

بسم الله الرحمن الرحيم

بشرى سارَّة لكل العرَّاجــــة

جاتنا الكهربا، وبكرة البلد بتنوِّر
وساقية الفرح من الصباح بتدوِّر

علمت قبل قليل (حوالي الساعة التاسعة والنصف مساءً) من شيخ الهادي إبراهيم الهادي أن عدادات الكهرباء قد وصلت – بحمد الله تعالى – إلى القرية، وسوف يقوم المهندسون غداً صباحاً بتركيب هذه العدادات مع الشاشات وأسلاك التوصيل لنحو 80% من بيوت القرية (الأشخاص الذي سددوا قيمة العدادات مسبقاً). وبذلك ستصل الكهرباء إلى داخل البيوت، فكل من كانت تمديداته الكهربائية جاهزة داخل بيته، سوف يتمتع بنعمة الكهرباء، وهي من آلاء الله الجزيلة ونعمه العظيمة، فله الحمد وله الشكر...

نسأل الله أن يزلل كل الصعاب لأهلنا في العريجاء حتى يتمكنوا من إنارة القرية بالكامل، وتلافي كل السلبيات التي صاحبت هذه المشروع الكبير منذ بدايته...

تعريجـــة: دخلت لكي أبشر أهلنا العراجة بهذا الخبر السعيد، فوجدت الشقيق الأكبر قد سبقني إليهم فبشرهم به قبلي... فإنني ما سابقت عمر إلى خير قط إلا سبقني إليه!!

:cheers

:

زائر

وأحيا بظلّ شراع الأمل ..... وأنسى الجراح .. و سود الصور

يطل ّ الصباح فيسعدني ..... ويأتي المساء فيحلو السّمر

وأعشق ليل الخريف الكئيب ..... وتسعدني رشرشات المطر

ربيع وأجمل به من ربيع ..... وفي ليل صيفٍ يطيب السهر

أعيش وكلي رضاً بالقضا ..... وأصبر عن خافيات القدر

omer كتب:: وأحيا بظلّ شراع الأمل ..... وأنسى الجراح .. و سود الصور

يطل ّ الصباح فيسعدني ..... ويأتي المساء فيحلو السّمر

وأعشق ليل الخريف الكئيب ..... وتسعدني رشرشات المطر

ربيع وأجمل به من ربيع ..... وفي ليل صيفٍ يطيب السهر

أعيش وكلي رضاً بالقضا ..... وأصبر عن خافيات القدر

عووووووك يا محمد عنتر، وين الحي بيك يا سليل حاج أحمد ود الشيخ إدريس (رحمه الله)... العضو الجديد ده نحن مروِّبنو ليك حتى الصباح عشان تجي وترحب بيهو وبعدين نحن نحذو حذوك بمشيئة الله تعالى... والله الحقيقة العضو الجديد (عمر) ده حيرنا عديل كده... ما عرفناه هل هو عمر البشير وللا عمر السر وللا عمراً تاني، لكن قطع شك ماهو عمر إبراهيم الشهير بأبي قدامة !!!

ابشرو بالخير يا خال عمر ويا خال اسماعيل
مبروكة وسعيدة الكهرباء علينا انشاء اللة
تربا فى عزنا وكفينا اللة شر القطوعات

ومرحب حباب عمر الاسد الاصم حبابو الاف
روبو ساى يا خال اسماعيل واللة اجيه ليكم جية

غايتو يا خال اسماعيل العمرات كتيرة فى الحلة
لكين نقول البجيبو الله كلو سمح

اخر الاخبار : بدأ العمل باكرا بتوصيل اول عداد لمسجد القريه القديم وبسبب الرياح الترابيه توقف العمل تخريمه : (اكتب لكم وأنا في أرض الحدث

لا يا خال لاهو الخال عمر ابو الماجده ولا ابو قدامه إنه الدكتور : عمر عبد القادر الموظف بمركز صحي العريجا

توقفت الرياح وتواصل العمل وأول مواطن وصلت له الشاشه هو ابراهيم ود حاج محمود

[quote="بكري ابراهيم"] لا يا خال لاهو الخال عمر ابو الماجده ولا ابو قدامه إنه الدكتور : عمر عبد القادر الموظف بمركز صحي العريجا

مشكور يا أبا بكر على الاخبار الطازجة عن كهرباء العريجاء وتركيب العدادات والشاشات...

ومشكور أيضاً على الكشف عن هوية عضو المنتدى الجديد عمر (Omer)....

ولكن ياخي إنت شغال على كيفك... تغتس غتسة طويلة وبعدين تجينا مقلع زي تمساح أتبرة....

موضوع المجادعة بين خالك إسماعيل وعمك ميرغني موسى، هذا الموضوع أنت فتحته ثم أهملته على الرغم من أننا تفاعلنا معه على الفور... وهناك أيضاً نمة خالك عبد الحميد (عجَّل الله فرجه) عن الشافع الفليليتي التجارتو تسالي ... برضها ردينا عليها وإنت مسجل غياب دائم !!!

الرجاء مراجعة هذه البوستات، وإجراء اللازم بشأنها ولك كل الشكر والتقدير.....

زائر

الحمد لله الذى بنعمته تتم الصالحات..