رحبو معى بالعضو الجديد وقيع الله

مرحب حبابك وتانى مرحبتين حبابك ويا اهلا وسهلا بيك وقيع الله
اتفضل خش لجوة الدار دارك والبيت بيتك اتفضل على الراكوبة
راكوبة اهلك العراجة راكوبة الدوبيت والمسادير راكوبة حنينة وهميمة
تفقد الغائب وتصد الغاير راكوبة فيها كل الناس قاعدين منتظرنك انت تجى
وتتحكر على الهباب الوسيع داك وتقعد فى الراكوبة النسامة اهبهب دى
وتشرب ليك جبنة بكرية وتتنى فيه وتلت كمان انت راجل ماك هين
وفى الحلقة متبين وسكينك للخروف تزين وانت ما بقولو ليك اتفضل سيد
بيت ودار يعنى الراكوبة دى انت ماك غرئب علية الراكوبة راكوبتك
انضم على كيفك وسمعنا نمك السمح المجية داك ومشاركاتك ومساهماتك
الرايعة والجميلة ونتمنى ليك اقامة سعيدة معانا وبالتوفيق انشاء الله

ملحوظة

ياريت تعرفنا بنفسك اكتر يا وقيع الله

مرحب بوقيع الله اتفضل يا زول خش لاجوه الدار دارك .

حباب وقيع الله،،،
الجانا زي الهلال الهلَّ،،،
سيد القدح المعلَّى، والسيف المجلَّى،،،
فارس الدواس صمد المحلة،،،
أخو ناس محمد وبله، الخوتو ما بتتخلى//

أبقى داخل لي جوة يا وقيع، وصنقر فوق هبابنا الوهيط، في ضل راكوبتنا أم همبريباً ضارب، وخلينا نشوف إبداعاتك، وما تنسى تعرفنا بنفسك،،،